ROM NOK HATO ZAKYA POL LAIZA 2:8 - OTSAO BAIBEL (BSI)

⁸ Mamabu khünake, othai füito azui üima ma hanpak tata thütle üntoxle changkya mix a chilaxle awütle; Zange chix mongtsik hia mongma hwom ma khole koxüi.

ROM NOK HATO ZAKYA POL LAIZA 2:8 ပူးပေါင်းရင်းမြစ်များ

MIKNGÜN-OHÜN 16:19

Achongkya tingnu azom ang achangle ahak, ilaxle pangnu chaxwan tokya tingnubu amüt. Zange Babilon tuita chongkya tingnu texle atak, ilaxle chix wansa angkya ju oja tüle chix mongtsikkya ju changpuix, ija ling ang tom.

1 PITAR 4:17

Kaxfün owang wang angkya hanpak chwonle hüiüna, üntoxle pongwang ma kaxfün angkya a Zang khunakbu changle. Ija mwot kem makhange owang jangwang thüikoxle Zang chitsingkyabu füi chemle ashuk laxüi hex?

2 THESALONIKA 1:8

tamchu chuale ngokya wün füi, Zang pongle chikopkyabu ilaxle Jowanpa Jisu bama wünkya Kaxho Müikya to chiongkyabu to sik angün ang nguikya zuma chixe ija moküi.

WANWÜNKAX 13:10

Künngam-mongngame tingtui adünkya boma chemchu münalan. Anwot-anole fakya lomkya a jetüi-hwonlangkya changpu.

MIKNGÜN-OHÜN 14:10

ojao chiawan homle chix mongtsik wansa ma thokkya ju chuwüi hwome lingüi, ilaxle otsao kaxtaimixbu hia Chun Hosa thüntho ma wün hia khat makhange hwom fuxtsüikya tüiüi.

IBRI 11:8

Zange chix ang koxüihex le tsao saxkya chaxwan to laile pao ang nyak pongma Abraham ang Zang kax ma lax ang tom. Chix ochichi to pao angkya hex opak chitik homtoxle chixe ma chaxwan danle tox.

IBRI 10:27

Itülüi, atale toxkya pangwüi a hüiüi tüikya kaxfün üntoxle Zang füi opüima ngokyabu amüt angkya khomatsikkya wün hüi angkya thua zangale tanngo angkya tix wüi changle.

IBRI 5:9

Otue chix nguiwangkya ang achang puix, chix kax ma alaxlax nok hanpakma chix a tuita oshuk chitüikya khosün otong ang achang,

TITA 3:9

Ikoxle ongat to kax ma alankya, pupa hwom mün jenlo le zakya, ahe-atsikya tamchu wüi wanlom bama azankya, ibu a mwot to chihüikya tamchu asukya chichang.

1 KORIN 11:16

Shekobue khang akho angkya zangwün bama owawae ku kax ija changbasu le jangtex thüikoxle kue akax angkya ibibi wüi kwomechu ilaxle Zang müimüithomechu Zang shwom pongma twon angkya changkox a le thüi angkya mama olom müntüi.

ROM NOK HATO ZAKYA POL LAIZA 15:18

Otsao Chasa tsakzong makhange, münwan hia ohünotünbu tsakzong makhange, Khrista-e ku makhange mixnokbu Zang kax ma laxkya hato zunle apüi ang chem mokdao laxpuix, ija bama ku mongchongüi ilaxle zangwünüi.

ROM NOK HATO ZAKYA POL LAIZA 10:16

Ikoxlechu hwom pangnusae Kaxho Müikya pongle chikop. Isaia chix jaojaoe akaxle “Jowanpa, ku kaxho to owae ong?”

ROM NOK HATO ZAKYA POL LAIZA 9:22

Zange mokkyachu ija lailaile changpu. Chixe chix mongtsik aho ilaxle ma tsakzong awan ang koxse thüt. Amüt ang achwonle thomkya chix mongtsik pebu füi adu angkya chix monglo.

ROM NOK HATO ZAKYA POL LAIZA 6:17

Ikoxlechu Zang ang münchong fahax! Chemthüikoxle hanpak tuita ma hünzom ochax dabu changkya; ikoxle hünzome pongle kopkya hwon-nwot ma bangkya otsingtsing kax ma hünzome kün-mong tokhange bakle lax.

ROM NOK HATO ZAKYA POL LAIZA 1:18

Ochax khünakbu hia chitsaokya khünakbu, chimüikya olome otsingtsing awan ang chikoxle opang abaxpuix, hwom füi Zang mongtsik dongkya zangkangting tokhange julaxle ngaile ahole.

NAHUM 1:6

Chemtue chix mongtsikpuix, ozün ma owa ngothoüi? Khompua-atsikkya chix mongtsik chak tokya owa azang thoüi? Chixe wünle ningkya chix mongtsik thokle adüt; chix tunthoma longnubu haxbu ang achangle akhix.

ISAIA 50:10

Jowanpa to achuak-achenle tüikya hünzom pangwüi ilaxle chix dapa kax ma laxle tüikyabu, hünzom lekya lomtang a zangnak tukle chang koxlax, ikoxlechu Jowanpa to mongong thomlax, Zang to chalom lax.

MÜNCHUAK-TSAI 90:11

Nang mongtsik komkaile owae apongle laxdao? Nang shix-makya thuazale chang koxle chem ahüiüihex owae tsingle ngo?

JOB LAIPEX 24:13

Zangngai chilaxle awütkya khünakbu tüikya; hwome ija chem hex chitsing chichangba ija lomzun to chipao.

1 PITAR 3:1

Ilailaile hünzom kakonubu, hünzom ma kakopabu owawa Zang kax to chiongle tüikoxlechu, ma kakonu zanglom saikha müikya tokhange,

2 PUKAX-PANGAO 6:23

O Jowanpa, zangkangting tokhange apahüi ilaxle nang dabu bama kaxfün fahüi. Chix ma asukya ningle thaikya mix to sikangünkox, ilaxle chithaikya mix a sukya ang achang kox.

WANWÜNKAX 11:23

Müikya khünakbue othuithuima müikyakya wüi ataklaxpu; chichang-chizangkya khünakbu hwome lomkya atakle laxkya zuma noknusa mongmapu.

JEREMIA 34:18

Judah hia Jerusalem angkya alixachongbu, wanghom homlo angkya okax-okhobu, zompu-zangpabu, ilaxle lompa hwom pangnu, ibu füi tomle, maihupong anyi langlaxle anyi ang achangle asexle thomkya anyi oba makhange le le ku füi tsaosax. Ikoxle hwome ija tsaosüt ama ilaxle ija wanlom chithom. Ikhoma hwome maihupong to chemle hwonpuix ija lailaile kue hwom to hwon angkya changle.

EZEKEL 22:31

Ikhoma kue ku mongtsik hwom khangkho to awütüi, ilaxle wün lailaile kue hwom, hwome chem mwot tsuakle hüidaopuix, ikhatokya hwom amütüi.” Jowanpa Khüthak Zang-e ija akaxdaoa.

2 KORIN 12:20

Ku ikhato nguikya zuma, hünzomchu ku tutex füi opüi ma ilaxle kuchu hünzom zongto hünzom tutex füi opüi to nakbang le ku zamaxündai. Ku thoma ohyet-otsi hia osing nüfux, mongtsik hia saxkün, ajao ahaikya hia zaxhun, mongngam ilaxle tuwuk-lajatbu nakbang le zamaxündai.

GALATIA 5:20

chapa shwomkya; khunkya; achax-azankya; anu-ahaikya; tuwuk-lajat; miktsak-khangsyen; küntsik-mongma; atsi-alakya; jenu-shipa;

FILIPI 1:17

Mamabue Khrista mongkoxle apukkya chichang, ikoxle ma fünmüi tata thütlaxle mok; ku kun ma tüipongma hwome ku to tingtui onüi adünüi le ajang.

FILIPI 2:3

Ma fün müi angkya tata thütlaxle chichangba mixtha naxjao le chemchu taxmok, ikoxle ma füi mix wüi si le thütlaxle tata zongto puinai le tüikox.

JAKOP 3:14

Ikoxle ma mong khato nang ma khukya, khaxkya, nüfux, ibu tüile jangchang thüiningle nang a je-hwon khoma tsaichong-kaxbongkyae otsingtsing zongto ochax taxlyen.

JAKOP 3:16

Ojongto tata to khukya hia khaxkya nüfux tüiüi hex, ikhato won chimüikya tamchu ochax pangnu oli tüile.