ROM NOK HATO ZAKYA POL LAIZA 2:7 - OTSAO BAIBEL (BSI)

⁷ Züizüi khünake mwot müikyakya wüi mokle ngole, ilaxle fuazangkya, üntoxle otuechu chizi chimax angkya tsün lomle; Zange hwom ang oshuk chitüikya tsün khüzün koxüi.

ROM NOK HATO ZAKYA POL LAIZA 2:7 ပူးပေါင်းရင်းမြစ်များ

KAXHO MÜIKYA LUK 8:15

Haxwan Müikya khato dütkya tsaxtsang a; Zang Kaxho atatlaxle, ija kax ma laxle mongtsang ma athünle thom, ilaxle oziak opua mamün-mamünle adu ngokyabu changpu.

2 TIMOTHI 1:10

ikoxle athax ija a kem khosünpa, Khrista Jisu nguikya makhange kem hato angaile tüile. Chixe zi angkya zong ashuk ang koxdaoa üntoxle kaxho Müikya tokhange chizi angkya tsün ngaile ahole.

1 KORIN 15:58

Idaile, kutüi-kunaohom, shingmongle ajonglax ilaxle zaxhun ma ahamkox. Jowanpa mwottho ma nange mokkya chemlichu muato münmax le nange awan angkya daile, Jowanpa hanpakma chak ojao chingaile mwot mokkox.

ROM NOK HATO ZAKYA POL LAIZA 6:23

Chemthüikoxle ochax omün a zikya changle; ikoxle Zange amuale fakya hingho a Jowanpa Jisu Khrista füikya notom ma oshuk chitüikya tsün khüzün changle.

KOLOSI 1:27

Zang katzua wünkhom a, oja ahak aluakya hia fuazangkya huxsa chix khünaknu nok hanpakmale pyenle thomkya hex, ija huxsa chix khünaknu hato ngaile tsing ang kox angkya changle. Huxsa Ija a ile changle: Khrista a hünzom ma tüile, thüikoxle, hünzome Zang fuazang süntswon ang kopüi.

GALATIA 6:9

Idaile müikya mwot mok ang kem taxna-taxjua hax; chemthüikoxle keme danle chitoxle jangmok thüiningle, züt ang hanpak tuita kem hato hüiüi.

ROM NOK HATO ZAKYA POL LAIZA 8:18

Iponge kem sikngünle ngokya a athax füichi ma kem hato angaile aho angkya fuazang füi ojao apyen angkya münchangle keme ele.

ROM NOK HATO ZAKYA POL LAIZA 2:10

Ikoxlechu opange mwotmüi mokle tüilaxpuix, Zange hwom ang fuazangkya, achuak achenkya, ilaxle mongsom faüi; pongwang ma Jehudi khünakbu ang, ilaxle mixnokbu angchu wüi.

MÜNCHUAK-TSAI 37:3

Jowanpa to mongong thomlax üntoxle müikya moklax; ija haxtok ma azangle ngolax.

MÜNCHUAK-TSAI 27:14

Jowanpa to mongong tüikox. Mongong tüikox, mong taxatho. Jowanpa to mongongkya tüikox.

1 JUHAN 2:25

Üntoxle Khrista chixjaoe kem ang koxüi hexo le tsaokya oshuk chitüikya tsün khüzün a ija changle.

ROM NOK HATO ZAKYA POL LAIZA 9:23

Kem opang chix fuazangkya kop angkya hanpakma chixe achwon, kem chix mohiman pe ang thokle koxkya chix fuazangkyachu wüi chixe ngaile ahose le tex.

JUHAN 5:44

Hünzome tata angkya münchong kopse tsu ikoxlechu tuita wüi tüikya Zang tokhange münchong kop ang hünzom chiazong. Ile jangchangba hünzome ku to cheme ong manüi?

MÜNCHUAK-TSAI 37:34

Nang monghom Jowanpa ma thomlax ilaxle chix kaxtombu kax ma laxlax; hünzom ang haxtok koxle chixe hünzom achuak-achenle changüi, üntoxle chichang-chizangkya khünakbu jwonle apaokya hünzome ngün ang kopüi.

JOB LAIPEX 17:9

Hwom achuak-achen koxle asule tüile le wünkya khünakbu, hwom wüi sukyabu changpule taile jikle laxpu.

IBRI 6:15

Abraham ma monglomkya tüi, ikhoma Zange chem tsaosüt thomlaxpuix ija chixe kop.

IBRI 6:12

hünzom zaxkak mongdom le namchangbae le kwome müntex, ikoxle mongong hia adukya füi tüikyabu ningle namtüibae le texpu, ikoxle tix Zange tsaole thomkyabu kop ang tomüi.

EZEKEL 18:17

Chixe ochax mwot münmokle angam ilaxle olap kop ang ngun koxle chiapao. Chixe ku wanlombu thomle ilaxle ku kaxtombu kax ma laxle. Chix a hopa ochax khoma hexle münzi, ikoxle chix a ozün ma ngoüijao.

MATHI 25:46

Ifüima hwom a oshuk chitüikya zothup nui to apaoüi; ikoxle otsaobu a oshuk chitüikya khüzün khato paoüi.”

KAXHO MÜIKYA LUK 21:19

Shingmongle ajonglax, ikoxle hünzome makho alüile azün ang thoüi.

JUHAN 4:36

Owae zütle ngopuix chixe omün kopdaoa, ilaxle oshuk chitüikya tsün hanpakma oli afoxle ngole; Idaile saikya mix hia zütkya mix tomle mongmüi angkya changle.

1 KORIN 15:42

Zidaokya chatle azangle zo ningle ile chang angkya changle. Otue pum tuita hax ma akhünpuix, ija a zile shanün angkya; otue ija zo ang koxüihex, ija a tuita tamchu chizi chimax angkya changle.

1 KORIN 15:50

Tüinaohom, ku kax ija a ile changle: Oja müi-hi-aji makhange zingle tüipuix, ijae Zang Wangting ma süntswon angkya müntüi, oja zile maxün angkya hex ija a chizi chimax angkya koplaxle ngo ang müntho.

EFISIA 6:24

Chizi angkya mongkün makhange kem Jowanpa Jisu Khrista to mongkünkyabu to Zange chingchakya naxtüi.

1 TIMOTHI 1:17

Oshuk chitüikya wanghom, chizi angkya tamchu ngün ang chithokya chix boma chatle Zang tamchitüi: chix ang achuak achenkya tamchu fuazang othuithuima naxchang! Amen.

IBRI 2:7

Nange chix noxtakya hanpakma, kaxtaimixbu füi süfang ma zing; nange chix ang fuazang tamchu, achuak achen chaza sünle kox;