ROM NOK HATO ZAKYA POL LAIZA 2:6 - OTSAO BAIBEL (BSI)

⁶ Chemthüikoxle Zange ma mwotmwot ma thütlaxle khünak nok ang wüi hingho faüi.

ROM NOK HATO ZAKYA POL LAIZA 2:6 ပူးပေါင်းရင်းမြစ်များ

MÜNCHUAK-TSAI 62:12

üntoxle chix mongkün a ojem chifünkya mongkün changle. Jowanpa, nange nang lualuale, pangnusa angwüi ma mwot ma thütle hingho fale.

JEREMIA 32:19

Nange je füi mwottho zing ilaxle chongkya-chongkya mwotbu mokpu; khünaknue mokkya oli pangwüi nang ngünpu, ilaxle nange hwom ang hwom mwot füifüile hingho fapu.

2 KORIN 5:10

Kem pangnu wüi, kem kaxfünpa Khrista thüntho ma ajong angkya changle. Chixe hingho wüi changlax chichangba sikngün wüi changlax, ija chaxwannu tsün ma ngotanto mae mokdaokya thatha nok ang wüi faüi.

MATHI 16:27

Chemthüikoxle Khünak Hosa ju angkya tüile. Chix a chix kaxtaimixbu füi fuazangle juüi ilaxle pangnusa ang wüi chixe ma mwot-mwot ma thütle hingho koxüi.

JEREMIA 17:10

Ku, Jowanpae kün-hi-mong lomle ilaxle khünaknu mong wanle anole. Hwom chemle ngopuix ija olom ma kue pangwüi füi asax-amokpu, hwome mokkya mwot füifüile a.”

MIKNGÜN-OHÜN 22:12

Jisu-e thüi: “Apalax! Ku chwonle nguile! Mae chemle mokdao laxpuix ilailaile pangnusa ang wüi fa angkya hanpakma ku füi tomle kue hinghobu laxlaxle nguiüi.

MIKNGÜN-OHÜN 20:12

Üntoxle chongwang tüntong thüntho ma mangbu, chongkya hixkya talailaile ajongkya kue ngün. Laipexbu dap, ilaxle mama laipexchu dap, ija a khüzün Laipex. Laipexbu ma chemle bangpuix, ija ningle hwome ma mwot füifüi to zidaokyabu ang kaxfün fa.

1 KORIN 3:8

Owae otsang küi üntoxle owae tie li, hokhi a tuitata wüi changle, ilaxle hokhi pangnyie wüi, chix mwot ma thütle ma hingchak kop angkya changle.

JOB LAIPEX 34:11

Hwome chemle mokpuix ija hingho chixe khünaknu ang koxle, ilaxle hwom to chemle hwonsehex ile hwonle.

EZEKEL 18:30

“Athax Jowanpa Khüthak Zang kue hünzom Israel nok füi akax ngopu, kue hünzom pangwüi mae chemle mokle hüidaopuix ija ningle kaxfün faüi. Hünzome mokle ngokya ochax lom pangwüi tokya hünzom mong chatlax, ilaxle hünzome hünzom ochax to ma amüt ang taxtom.

MIKNGÜN-OHÜN 2:23

She füito azuikyabuchu wüi kue langüi, ifüima tix ku a pangnusa küntex mongjang awankya mix changpu le müimüithombue awan ang kopüi. Owae chemle mokdaopuix ima thütle kue hünzom pangnu ang omün achatle faüi.

1 KORIN 4:5

Idaile asukhakle otu nguile mahüi tanto hünzome owa angchu kaxfün taxfa. Jowanpa mangui tanto oshuk kaxfün bama tanngo angkya changle. Chixe zangnak khato pyenle thomkya jali zangngai to alaiüi ilaxle khünak mong angkya huxsa mongjang otok to angaiüi. Üntoxle mae kopsese münchong Zang tokhange pangnusae wüi kopüi.

WANWÜNKAX 24:12

Nange ija a ku mwot jao münchangle thüi ang tsuak, ikoxle Zang-e awan-ngole ilaxle chixe nang mongjang bama kaxfün fale. Chixe nang to nyele hungole; chixe awan-ngole. Ilaxle nang mwot füifüi to chixe nang to mohimankya tüiüi.

ROM NOK HATO ZAKYA POL LAIZA 14:22

Ija bama nang mong chemhex, Zang hünkhi bama kangthom. Chixe changpu le texkya mwot mokkya zuma ma mongto thajao chitüi le changkya khünak mongmüi mix changle!

WANWÜNKAX 24:2

Hwom mongjang ma mixtha ama angkya boma chemchu müntüi; hwome tun akhaole jangchangdao thüiningle owawae thama apong angkya wüi.

LAIPAO 32:34

Athax nang chatlax, kue nang hama apua daokya chaxwan to hwom lomzunle paokox. Mong ma koplax, ku kaxtaimixe nang to nyele thomüi, ikoxle hwom ochax khoma kue hwom ang sikngün apong ang tom angkya hanpak nguile hüingole.”

HWON-NWOT-JAONO 3:17

Kue ma füi alüile akaxle: “Otsao hia ochax pangwüi to Zang-e kaxfün tomwüi fa angkya changle, chemthüikoxle pangnuli, pangnu mwot, chixe tyale thomdaokya hanpak ma changle hüi angkya changpu.”

EZEKEL 18:20

Owae ochax moklaxpuix chix tix zi angkya changpu. Hopa ochax khomale sasüne sikngün apong angkya müntüi, iningle sasün ochax khoma hopaechu sikngün apong angkya müntüi. Müikya khünakbu to müikya mwot khoma mohimankya tüiüi ilaxle ochax khünakbu a hwom ochax khoma sikngün angkya tüiüi.

EZEKEL 36:19

Hwom ngole hüikya hia mokle hüikya chitsaokya lomtang khoma kue hwom ajaopu, ilaxle hwom a mixnok chaxwan pangkha to chiakle sam ang tompu.

2 KORIN 11:15

Idaile chix dabue hwom sün otsao dabu ningle naxngün ang alüile aje ang chem mwotnu akhokya ale. Hwom mwote chem atakse hex, oshukma hwome ija jaojaole ataküi.

2 TIMOTHI 4:14

Janthup mix Alekjendar-e ku to chisumüile hwonle; chixe mokdaokya lailaile chix ang Zange hingho fa angkya changle.

WANWÜNKAX 26:10

Owawa le-zyenüi ongat khünak tuita mwotmok ang se-lomle changkya a ikhama mokkya noknusa ang mongma ang tomkya tuita changpu.