ROM NOK HATO ZAKYA POL LAIZA 2:4 - OTSAO BAIBEL (BSI)

⁴ Changle nange chix chingcha achongkya, adu thokya ilaxle monglokya, mongto kakle münlax.

ROM NOK HATO ZAKYA POL LAIZA 2:4 ပူးပေါင်းရင်းမြစ်များ

2 PITAR 3:9

Owawae ajangkya ningle Jowanpa a chix kaxtsao mok ang domdai pule münchang. Itülüi, chix a nang füi adule ngopu, chemthüikoxle chixe owachu amütse le müntsu, ikoxle pangnusa wüi ma ochax tokya khosün hato chatle namhüibae le texpu.

ISAIA 30:18

Ikoxlechu Jowanpa a hünzom hato chingcha aho ang tanle ngonuiüi. Chix a hünzom to chingcha ang jento achwon ngole chemthüikoxle chixe othuithuima sukya mokpu. Opange Jowanpa to mongong thomtsuak puix hwom a mongmüi khünakbu changle.

LAIPAO 34:6

Ifüima Jowanpa a chix tuntho makhange le ilaxle akhongle thüi: “Jowanpa ku a chingchajajae awangle tüikya Zang changle. Ku ang mong chwonle chitsiküi ikoxle chongkya mongkün hia ojao chialekya mongong-chalom tüipu.

EFISIA 1:18

Tamchu, chem hato chixe hünzom nyakpuix, ija monghom a chemhex, chix khünaknu hanpakma chixe tsaosax le tüikya ohünotün mohiman a otukux ahak-alua puix, (chix to ongkyabu kem ma mokle tüikya chix mwot otukux zongle tüipuix),

EFISIA 2:7

Khrista ma kem hato ahokya chix mongkün ma atakkya chix chingcha othuithui hanpakma aho angle chixe ija mok.

EFISIA 1:7

Chemthüikoxle Khrista zikya makhange tix kem dan-panpu, thüikoxle keme ochaxbu thailak atakpu.

ROM NOK HATO ZAKYA POL LAIZA 3:25

Chix to ongkya hwom mongong makhange, chix zikyae khünaknu ang ochax thailak atak angkya olom ang naxchangle Zange chix komkaile kox. Chix otsao aho angkya hanpakma Zange ija ile mok. Ledaokya wan ma a chix adule ngo üntoxle khünaknu ochax bama zax chihunle hulanle hu;

MÜNCHUAK-TSAI 86:15

Ikoxlechu, O Jowanpa, nang a chingcha hia mongkün füikya, othuithuima adukya, mongkün chingcha üntoxle chialekya mongong füikya Zang changpu.

2 PITAR 3:15

Ilaxle kem Jowanpa-e okuilo le adukya a khosün changpu le elax; ilailaile kem mongkün Pol-echu chix ang Zange fakya je-hwon füi hünzom hato zapu.

ROM NOK HATO ZAKYA POL LAIZA 11:33

Zang ahak-aluakya otukux chongkya hex! Chix hwon-je hia awan-atsingkya otukux zupuix! Chix künzut-mongjang bama owae hiktikle apua fa ang thoüi? Chix lomtangbu owae tsingle tsuaküi?

ROM NOK HATO ZAKYA POL LAIZA 11:22

Ikhama keme Zang chemle chiadu tsuakkya hex tamchu chemle chingchae awangkya hex ija ngün ang kople. Opang dütle ngoün laxpuix hwom füi chix münadutsuak, ikoxlechu hünzom chix chingcha ma jangngo thüiningle chixe hünzom to chingchaüi. Ikoxle hünzom chuwüi ile chitüi thüiningle punle awütüi.

MÜNCHUAK-TSAI 86:5

Nang a kwom zongto müile tamchu kwom ang thailak tüile, nang to jop-tokyabu hanpakma chizakle künkya nang mongkün tüile.

MÜNCHUAK-TSAI 78:38

Ikoxle Zang-e chix khünaknu to chingchajaja. Chixe hwom ochax thailak tüi ilaxle hwom amüt ang chitom. Obithomthom ma hexle chixe hwom füikya chix mongtsik abaxle tüi ilaxle mongtsik adule hüi.

EFISIA 2:4

Ikoxlechu Zang chingcha okhonguikya, üntoxle kem tokya chix mongkün namchongkya changkoxle,

HWON-NWOT-JAONO 8:11

Chaktung-chaktung ma khünakbue mütkop mwot büthüikoxle mok? Chemthüikoxle mütkop to janpüi ma sikngün fakya chitüikoxle.

2 PITAR 3:3

Hanpak oshuk ma mikza lokya lom ma ma tsün ngole hüikyabu ngaiüi, pongwang ma hünzome ija awanle koplax.

1 PITAR 3:20

Hwom a, Noa-e khua müile ngopongma, Jowanpa-e ozulole adule tan koxlechu Zang kax ma chilaxle tüikya chasabu changkya. Ija khua ma tüikya hwom mixhuak achyet, ti zan to max ang chitom le khosün,

1 TIMOTHI 6:17

Ija tsün ma ahak-aluale ngokyabu ang chingam angkya, ikoxlechu opak chitikkya mwotkat to chichangle, kem mongmüi hanpakma Zang owae pangnu li mongtsutsu le koxpuix, chix to hwom monghom thom angkya kaxtom laxkox.

FILIPI 4:19

Khrista Jisu makhange chix ma okhonguile tüikya tuina makhange ku Zange hünzom ang laxlili komle fa angkya changle.

MÜNCHUAK-TSAI 10:11

Chichangchizangkya khünakbue hwom mongto zangwünle thüi: “Zang-e chemmünthüi! Chixe chix mik achik thomdaoa, chixe ku tamngünüi münchang!”

MIKNGÜN-OHÜN 3:20

Apalax! Kue fülom ma ajong laxle kahak to hongpu; owawae ku kaxzing atatlaxle ka daple jangfa thüiba, ku chix hom to noplaxle chix füi tomle fongsaxüi, üntoxle chixe ku füi tomle fong saxüi.

1 TIMOTHI 1:16

mama khünakbue hwomechu oshuk chitüikya khüzün tsün atak ang thoüi changa le awanle lax ang kox angkya kuxma sümakya ochax khünak tuita füi ngaxchu chix ipongpong adupu le pangnusa hato afua angkya hanpakma Jisu Khrista-e ku apyen ang twon angkya bama Zange ku to chingcha, ija kax a otsing tomta changle.

KOLOSI 1:27

Zang katzua wünkhom a, oja ahak aluakya hia fuazangkya huxsa chix khünaknu nok hanpakmale pyenle thomkya hex, ija huxsa chix khünaknu hato ngaile tsing ang kox angkya changle. Huxsa Ija a ile changle: Khrista a hünzom ma tüile, thüikoxle, hünzome Zang fuazang süntswon ang kopüi.

ROM NOK HATO ZAKYA POL LAIZA 6:15

Ikoxle chem? Zang chingcha fangma ngowüi, wanlom fangma ngokya chichang khato le keme ochax lyenüi hia? Ile otuechu münchang!

ROM NOK HATO ZAKYA POL LAIZA 6:1

Jangchang thüiba keme chemle thüiüi? Zang chingcha naxtsa le kem ochax ma wüi ngoüi hia?

MÜNCHUAK-TSAI 104:24

Jowanpa, nange tüli-jali huanuma zing! Ibu pangwüi nange chemtukux jezaikya füi zingpuix! Chaxwannu a nang chakzing zünmok füi awangle tüile.

KOLOSI 2:2

Hwom mongchyene awangle tüi angkya kuxma ilaxle mongkün ma asüi angkya kuxma, ito khange changkya lom ma tsingwankya apüi angkya okhonguikya tuina bama mongao chitüi angkya kuxmale kue Ija mwot mokpu. Ija ningle hwome Zang huxsa thüikoxle Khrista chix tomtata tsingle laxüi.

EFISIA 3:16

Fuazangle chix ahak-aluale tüikya kha tokya hünzom mong ma zong adün angkya bama Chasa makhange zong laxkoxle kue Zang ma jupu,

EFISIA 3:8

Otsao khünakbu khama ahixkya füi ngaxchu sühixkya ku changpu; ikoxlechu hwom hanpakma Khrista tam chibak toxle chix ahak-aluakya Kaxho Müikya mixnokbu hato apuk angkya hanpakma Zange ku zünle kop;

ROM NOK HATO ZAKYA POL LAIZA 10:12

Ija ma pangnu wüi womle, chemthüikoxle Jehudi nok hia mixnok le süikya kha chemchu müntüi; Zang a nok Jowanpa, ilaxle chix mün lünkyabu pangnu hanpakma mohiman okho changle.

EZEKEL 16:63

Nang thaile hüidaokya pangwüi kue pangwüi alaküi, ikoxlechu nange ibu texle ataküi ilaxle nang tun hyen ang huanuma azakle sütüi.” Ija kax Jowanpa Khüthak Zang-e akaxdaoa.

JEREMIA 7:10

Kue anukya mwot ibu hünzome mokle, ilaxle hünzom a ku ngwotnui, ku Zangshwom-Hom jaojao to nguilaxle ajongle üntoxle akax tsuakle: ‘Kwom to chem münthüi!’

HUAKE LAIPEX 14:18

‘Ku a Jowanpa, chwonle mongtsik-mongmakya mix münchang, kue mongkün hia mongong ahopu tamchu ku zongto ochax lyenkya hia chichang-chizangle tüikyabu thaikya alakpu. Ikoxle chutix hwom pupa hwom ochax khoma, hwom su-sabu to sutai-sulai alople kue sikngün chifa homtoxle münngo’ le akax pongkya nangtsak-nangzong ngaile ahohüi.

JONA 4:2

Ikhoma chixe zangjop: “Jowanpa, kue hom makhange achexüima wüi, nange ilüwüi mok angkya changpule münthüidai hia? Ikhoma kue tsuakkya tukuxle Spain nok to paole azang ang azongpu! Nang a jento adukya, chingchakya, ilaxle sikngün ang chitomle mong alopkya tamchu mongkün chingchae awangle tüikya mix changpule kue awan ngopu.

HOSIA 3:5

Ikoxlechu Israel khünaknu hanpakma hwom Zang, Jowanpa hato chat angkya tamchu wanghompa Dawid su-sa hwom hato chat angkya hanpak tuita hüiüi. Ifüima hwome Jowanpa chathua zale changüi ilaxle chix angkya müikya hinghobu pongle laxüi.

MÜNCHUAK-TSAI 31:19

Nang achuak-achenle tüikyabu hanpakma nange thomle tüikya oli, chemtukuxle ohünotün hex! Nang chemtukux müipuix ija noknusae awan ngopu, nang to mongong thomkyabu nange chemle ziakople kho-awa thompuix!

EZEKEL 11:19

Kue hwom ang künzün mongzün koxüi. Kue hwom ma tüikya kax ma chilaxle tsakle tüikya long kün-mong awütle koxüi ilaxle kax ma laxkya künmong koxüi.

2 KORIN 8:2

Hwome kaile toxdaokya sikngünbu füi hwom ozya ma lüjao wanle ano daokya changle; ikoxlechu ibukuxle hwom chitüi chinang le maxkox ngaxchu hwom ma mongmüi chongle tüikya khoma chakzun ma hwom ozya lyemle mongtsukya tüi.

2 PITAR 1:11

Chemthüikoxle iningle tix kem Jowanpa tamchu khosünpa Jisu Khrista oshuk chitüikya wangting to hünzom ngui ang tomüi.

MIKNGÜN-OHÜN 2:21

Kue she ang ochaxbu tokya mongchat ang hanpak fadaoa, ikoxle ibu müi-hi-aji mwot tokya she chatse le chitsu.