ROM NOK HATO ZAKYA POL LAIZA 2:27 - OTSAO BAIBEL (BSI)

²⁷ Zale thomkya wanlom koplaxle khwonzüt zom zingle wanlom amakya khoma, hwome tsangtsa khwonzüt zom chizing ikoxlechu wanlom kax ma laxle tüikya mixnokbue hünzom Jehudi khünakbu ajaoüi.

ROM NOK HATO ZAKYA POL LAIZA 2:27 ပူးပေါင်းရင်းမြစ်များ

2 KORIN 3:6

Zale thomkya wanlom ma chichang le chasa ma hozün tsaotsüt thotha ang tsuakle kwom achangle fakya a chix changle. Zale thomkya wanlome zik apüile, ikoxle chasae khüzün koxle.

ROM NOK HATO ZAKYA POL LAIZA 8:4

Khünak müi-hi-aji olom ma chichang homle Chasa mongtex ma ngokya lima wanlome jukya otsao mongtex ma sha angkya hanpakma Zange ija ile mok.

ROM NOK HATO ZAKYA POL LAIZA 2:29

Ikoxle zale thomkya wanlom makhange chichang homtoxle Zang Chasa mwot makhange owa mongtsang ma khwonzüt zom zingdao laxpuix, ija khünak tix mong ma otsingtsing Jehudi khünak changle. Ija khünake achuak achenkya Zang tokhange kople, khünak tokhange münchang.

IBRI 11:3

Zangfangjanu a Zang kax makhange zingle alaikya changpu le keme mongong füi tix tsing ang thole, ikhoma chem ngün ang thole tüilaxpuix ija a ngün ang chithokya makhange zingle alaikya changle.

GALATIA 5:14

Chemthüikoxle “Ma tomzi to ma bütukuxle mongkünkox”, le thüikya kaxtom ziamong ma wanlom tanle thomle.

ROM NOK HATO ZAKYA POL LAIZA 13:10

Ma füikya to mongkünkya mixe chix zongto oma mwot chemchu münmoküi. Idaile mongkün angkya a, wanlom pangnu kax ma laxkya changle.

ROM NOK HATO ZAKYA POL LAIZA 2:20

ongkya khünakbu hanpakma adangle fakya mix, üntoxle naohom hanpakma anwot-ano le fakya mix changpu le nang ma monghomkya tüi. Tsingwankya hia otsingtsing komle wanlom ma tüingoüna le nange laxle.

WANGSHEMBU MWOT 13:22

Chix apao füima, Zange Dawid hwom wanghom ang achang. Ija a Zange chix bama akaxkya kax, ‘Ku mongtex ma shakya, kue atsantsan pangwüi mok angkya mix kue atakdaoa. Chix a Jesse sasün Dawid changpu.’

MATHI 3:15

Ikoxlechu Jisu-e chix kax to lanle thüi: “Athaxkya bama ile naxchang dao; chemthüikoxle keme iletix Zange lomkya pangnuli mok angkya changle.” Ikhoma Juhan-e chix ang bapti le kox.

ROM NOK HATO ZAKYA POL LAIZA 2:15

Hwom zanglom saikha makhange wanlom ma chemle tüipuix ija hwom mong ma zale thomkya ahole. Hwom khangka machu ija changkox a ahole, chemthüikoxle hwom mongjange tamtampong hwom khosele.

ROM NOK HATO ZAKYA POL LAIZA 2:25

Nange wanlom jangto thüiba, nange khwonzüt zom zingkya ma lap tüile; ikoxle nange wanlom chito thüiba, nange khwonzüt zom mazingkya thatha.

ROM NOK HATO ZAKYA POL LAIZA 2:26

Khwonzüt-Zom ma chiwomkya mix mixnok tuitae wanlom kax ma janglax thüikoxle, Zange chix khwonzüt zom zingdaokya thatha ma münlaxpia?

ROM NOK HATO ZAKYA POL LAIZA 3:30

Zang a tuita wüi, ilaxle Jehudi khünak hia mixnok pangnu wüi, Jisu Khrista tokya hwom mongong makhange tix Zange hwom chix füi muamüi ang koxüi.

1 KORIN 7:19

Chemthüikoxle khwonzütkya hia chizütkya ma chem müntüi, ikoxle tutsyen a Zang kaxtom kax ma chilaxkya hia laxkya ma tüile.

EFISIA 2:11

Hünzom nuput tokhange wüi mixnokbu changpu, ilaxle Jehudi khünakbu opange hwom alüile khwonzüt zom kaidaokyabu le epuix (Chak füi hwom tsangtsa to mokle hwonkya) hwome hünzom ang khwonzüt zom ma chiwomkyabu le nyakle. Hünzome ami hünzom chem changkya dai Ija otuechu taxalak.

2 TIMOTHI 3:15

ilaxle nang naosa ma tüitanto wüi, nange Otsao Lai awanle hüipu, chempange nang ang Khrista Jisu to mongongkya makhange atak angkya khosün hato zun ang je-hwon fa ang thopuix, ibu ma akhax akhün le thompu.