ROM NOK HATO ZAKYA POL LAIZA 2:2 - OTSAO BAIBEL (BSI)

² Ile mokngokyabu hanpakma chixe kaxfün fakya ma Zang münthaile keme awanpu.

ROM NOK HATO ZAKYA POL LAIZA 2:2 ပူးပေါင်းရင်းမြစ်များ

ZEFANIA 3:5

Ikoxlechu Jowanpa a ija tingnu mawüi tüile ngo; Chixe chem supuix ija mok ikoxle chem chisupuix ija otuechu chimok. Nopfokya to chixe chix khünaknu ang sukya kaxfün fa. Ikoxlechu ikhama tüikya ochax khünakbue ojao chiazakle chisukya mwotbu mokle ngo.

MÜNCHUAK-TSAI 145:17

Chix mwot pangnusa towüi Jowanpa a otsao changle, chix mwot pangwüi chixe chingchajaja füi mokle.

JEREMIA 12:1

“Jowanpa, kue nang füi ku zangwün bama alale jangchang, nang wüi sukya ang bangüijao. Ikoxle kue sukya kaxfün bama nang ma kax tuita atüi angkya wüi. Chichangchizangkya khünakbu mix büthüikoxle huanuma ahak-aluale tüipu? Chisax-chisukya khünakbu khünakbue mix chemle tholünpuix?

MÜNCHUAK-TSAI 98:9

chemthüikoxle chix a chaxwannu to apün ang nguile. Sukya kaxfün füi tamchu masüi-mix-chilüile chixe chaxwannu angkya khünaknu to apünüi.

MÜNCHUAK-TSAI 96:13

apün-awang angkya hanpakma Jowanpa chaxwannu to nguipongma. Masüi-mixlüi chitüile sukya kaxfün füi chixe chaxwannu angkya khünaknu thakma apünüi.

MIKNGÜN-OHÜN 19:2

Chix kaxfünbu otsingtsing, tamchu sukya changle. She müi-hi-aji mongzok füi, zangfang fün amakya tsahangcha, chixe thajao ang tomdaoa. Chix thothakyabu langkya khoma, Zange she sikngün ang tom.”

MIKNGÜN-OHÜN 16:5

Ti to hu ang ngokya kaxtaimixe akaxkya kaxzing kue ile atat, “Nange zingkya kaxfün sule, O Atsaokya; nang owa tüipuix tamchu tüikyahex!

ROM NOK HATO ZAKYA POL LAIZA 9:14

Athaxpi keme chemle thüiüi? Zange süisüichaple mokle le thüiüi hia? Ile otuechu münchang!

ROM NOK HATO ZAKYA POL LAIZA 2:5

Nang ang na tüikya tokhange, Zang mongtsik hia otsao kaxfün ngaile ahokya nyix kop angkya nang sikngün mix sisile achenle.

WANGSHEMBU MWOT 17:31

Chemthüikoxle chixe zünle kopkya khünak tuita makhange chixe chaxwannu pangnu otsingtsing kaxfün ma kaxfün angkya chixe Hanpak Nyixta tyale thomdaoa. Chixe ija otsingtsing changpule, ija mixsün chatle azangle zo ang tomkya tokhange pangnusa ang wüi angaile fadaoa.”

DANEL 4:37

“Ilaxle athax, Ku, Nebukadnezar-e Zangkangting tokya Wanghompa ang münchong ngampai hia fuazang koxle achuak-achenpu. Chixe chem mokpuix pangwüi sukya tamchu otsing changpu, ilaxle azo-angamle mokkya mix owachu chixe adang ang thole.”

EZEKEL 18:29

Hünzom Israel noke thüitüi, ‘Jowanpa mwot ija a münchang.’ Hünzome ku mwotlom a chichangkya lomle thütle, changpuix nyi? Chisukya a hünzom lomtang mix changpu.

EZEKEL 18:25

“Ikoxle nang thüipu, ‘Zang-e chem mokpuix ija a sukya münchang.’ Ku kax to apalax, hünzom Israel nok. Kue mokkya olom münsule hünzome thütpuix nyi? Chisukya a hünzome ajangkya olom mix changpu.

ISAIA 45:21

Ngui laxle khwa ma hünzom tsetwon-zangwün apüilax; hwome tata ma tikshole naxlaxkox. Chempangle changüihex ija kaiwüi owae ajele thom? Chix khünaknu khosünkya Zang, ija Jowanpa ku münchang hexmi? Iboma mama baozang owachu müntüi.

ISAIA 45:19

Kue huxsa ma zang chiwün chichangba ku mongtex pyenle chithom. Kue Israel khünaknu ang khünak chingokya haxtok to ku lomlaxle chithüi. Ku a Jowanpa changle, ilaxle kue kaxtsing zang wünpu; Chem supuix ija kue awanle fapu.”

MÜNCHUAK-TSAI 9:4

Nange kaxfün fa masüi-mixlüikya chitüile, nange kuchima sele kaxfün fale.

JOB LAIPEX 34:23

Chix hato nguilaxle khünak ang kaxfün fa angkya, Zang-e lyettex-hantya thom angkya chem mwot müntüi.

PONGWANG LAIPEX 18:25

Nange müikya khünak ochax khünakbu füi tomle max ang müntomüi. Ija atsingsho! Nange ile otuechu münmok angkya changle. Nange ile jangmok thüiningle müikya khünakbu chu ochaxbu füi tomle sikngün ang tom angkya changle. Ija a tsuak angkya oli münchang. Zangfang angkya kaxfün mixbue kaxfün changle fang angkya olom.”

ROM NOK HATO ZAKYA POL LAIZA 2:1

O, nang ku zuikhui, nange mix bama kaxfün fapuix nyi? Nang tüta khünak wüi changlax, nang ang thailak müntüi chemthüikoxle nangechu kwom füi talailaile mokngo laxle otue nange mix bama kaxfün fapuix, nange nang alüile ahaipu.

ROM NOK HATO ZAKYA POL LAIZA 2:3

Ikoxle nang, ku zuikhui, nange kaxfün fakya khünakbu füi talailaile nange mok ngotüi! Nange nang kaxfün changlo chak tokya nang azang ang thoüile texlaxpia?