ROM NOK HATO ZAKYA POL LAIZA 2:16 - OTSAO BAIBEL (BSI)

¹⁶ Üntoxle kue apuk-apuakya Kaxho Müikya olom machu, Jisu Khrista makhange, khünak angkya huxsa mongjang bama Zange kaxfünkya nyixchu wanlom ma tüikya ningle mokkya mixtix sukya ang achangüi.

ROM NOK HATO ZAKYA POL LAIZA 2:16 ပူးပေါင်းရင်းမြစ်များ

HWON-NWOT-JAONO 12:14

Kem mwot pangwüi bama Zang-e kaxfün fa angkya changle, chimüikoxlax müikoxlax, huxsa ma mokle changdaokya bama ngaxchu wüi.

1 KORIN 4:5

Idaile asukhakle otu nguile mahüi tanto hünzome owa angchu kaxfün taxfa. Jowanpa mangui tanto oshuk kaxfün bama tanngo angkya changle. Chixe zangnak khato pyenle thomkya jali zangngai to alaiüi ilaxle khünak mong angkya huxsa mongjang otok to angaiüi. Üntoxle mae kopsese münchong Zang tokhange pangnusae wüi kopüi.

WANGSHEMBU MWOT 17:31

Chemthüikoxle chixe zünle kopkya khünak tuita makhange chixe chaxwannu pangnu otsingtsing kaxfün ma kaxfün angkya chixe Hanpak Nyixta tyale thomdaoa. Chixe ija otsingtsing changpule, ija mixsün chatle azangle zo ang tomkya tokhange pangnusa ang wüi angaile fadaoa.”

WANGSHEMBU MWOT 10:42

Üntoxle chixe kwom ang Kaxho Müikya apuk ang anaolechu ozün hia omang nyi bama kaxfün fa ang Zange kamle kopkya a chix wüi changpu le angai angkya kaxtom fa.

KAXHO MÜIKYA LUK 8:17

“Chempang pyenle thomtüipuix ibu pangnu ko to angaiüi, ilaxle akhünle thomkya pangnu ataküi üntoxle zangngai to alaiüi.

1 PITAR 4:5

Ikoxlechu ozün hia omang pangnu kaxfün ang achwonle tüikya Zang ang hwome ma mwot aho angkya changle.

ROM NOK HATO ZAKYA POL LAIZA 3:6

Ile jao münchangüi! Zang jangthai dao thüiba, chixe khünaknüsa ang kaxfün chemle faüi?

MÜNCHUAK-TSAI 98:9

chemthüikoxle chix a chaxwannu to apün ang nguile. Sukya kaxfün füi tamchu masüi-mix-chilüile chixe chaxwannu angkya khünaknu to apünüi.

2 PITAR 2:9

Ikhoma, otsao khünakbu chemle thwontsing tokya khosün angkya hex üntoxle chitsaokyabu kaxfünkya nyix hanpakma chemle sikngün ma thomüi hex, ija Jowanpa-e tsing,

2 TIMOTHI 4:1

Zang üntoxle Jisu Khrista owae ozün hia omang kaxfün angkya hex, tamchu chix chongwangpa le apün-awang ang ngui angkya changkoxle, hwom thüntho ma kue hünzom ang,

2 TIMOTHI 2:8

Jisu Khrista owa zidaokya chatle azangle zopuix, owa Dawid sixli changkya hex, Kaxho Müikya apuk-apua pongma kue anwot-anokya lailaile chemle changpuix, chix texle ataklax.

1 TIMOTHI 1:11

Mohiman hia fuazangkya Zang tokhange kopkya Kaxho müikya oja apuk-apua angkya ku ang koxle thompuix, ija Kaxho Müikya ma ija hwon-nwot tüile.

ROM NOK HATO ZAKYA POL LAIZA 16:25

Zang ang fuazangkya koxhax! Khrista bama kue apukkya Kaxho Müikya ningle, üntoxle kaile pupa tsün tokhange wüi pyenle thomkya otsao otsingtsing ngaile ahokya ningle, chixe nang mongong ma shingmongle ajong ang koxtsuak le.

JUHAN 12:48

Owae ku pongle chikop laxpuix, tamchu ku kax ma chilaxle tüilaxpuix, chix hanpakma kaxfün angkya tuita tüile; kue akax daokya kax, oshuk nyix, chix hanpakma kaxfünpa ang achang angkya changle.

IBRI 9:27

Tam a pangnusasa wüi zi angkya changle üntoxle ifüima Zange kaxfün faüi.

2 TIMOTHI 4:8

Ilaxle athax a sukya tsün ngole hüikyabu ang kox angkya tholünkya hinghoe ku tanle ngole. Ija hingho a, Jowanpa, sukya kaxfünpae ku ang ija nyix faüi ilaxle ku tata angle münchang ikoxle chix ngai angkya tanle mongkün füi ngokyabu pangnu ang koxüi.

2 KORIN 5:10

Kem pangnu wüi, kem kaxfünpa Khrista thüntho ma ajong angkya changle. Chixe hingho wüi changlax chichangba sikngün wüi changlax, ija chaxwannu tsün ma ngotanto mae mokdaokya thatha nok ang wüi faüi.

ROM NOK HATO ZAKYA POL LAIZA 2:5

Nang ang na tüikya tokhange, Zang mongtsik hia otsao kaxfün ngaile ahokya nyix kop angkya nang sikngün mix sisile achenle.

MATHI 16:27

Chemthüikoxle Khünak Hosa ju angkya tüile. Chix a chix kaxtaimixbu füi fuazangle juüi ilaxle pangnusa ang wüi chixe ma mwot-mwot ma thütle hingho koxüi.

HWON-NWOT-JAONO 11:9

Tsünzünbu, naocha-naosün pongma mongmüile ngolax. Nang tsongtan tüipongma mongmüi ngolax. Nange chem mokse tsupuix moklax, ilaxle nang mong atsutsu ma lelax. Ikoxlechu nange mokle hüikya pangwüi hanpakma Zang-e kaxfün angkya changpu, ija taxalak.

HWON-NWOT-JAONO 3:17

Kue ma füi alüile akaxle: “Otsao hia ochax pangwüi to Zang-e kaxfün tomwüi fa angkya changle, chemthüikoxle pangnuli, pangnu mwot, chixe tyale thomdaokya hanpak ma changle hüi angkya changpu.”

MÜNCHUAK-TSAI 96:13

apün-awang angkya hanpakma Jowanpa chaxwannu to nguipongma. Masüi-mixlüi chitüile sukya kaxfün füi chixe chaxwannu angkya khünaknu thakma apünüi.

MÜNCHUAK-TSAI 50:6

Zangdingbue Zang a otsao changle le, ilaxle kaxfün pa a chix jao changpule angaile. Selah

PONGWANG LAIPEX 18:25

Nange müikya khünak ochax khünakbu füi tomle max ang müntomüi. Ija atsingsho! Nange ile otuechu münmok angkya changle. Nange ile jangmok thüiningle müikya khünakbu chu ochaxbu füi tomle sikngün ang tom angkya changle. Ija a tsuak angkya oli münchang. Zangfang angkya kaxfün mixbue kaxfün changle fang angkya olom.”

GALATIA 1:11

Kutüi kunaohom, kue hünzom füi akax fang; Kue apuk-apuakya Kaxho Müikya a khünake zingle alaikya münchang.

1 KORIN 15:1

Oja hünzome pongle kop ilaxle oja ma hünzom mongong shingmongle ajongle ngopuix, kue hünzom hato apukkya Kaxho Müikya ija bama, tüinaohom, kue hünzom hama tamchatle wünse texpu.