ROM NOK HATO ZAKYA POL LAIZA 2:12 - OTSAO BAIBEL (BSI)

¹² Mixnokbu ang Mosa wanlom müntüi; hwome ochax lyen ilaxle wanlom chilax homtoxle maxle. Jehudi khünakbu ang wanlom tüile; hwome ochax lyen ilaxle wanlom makhange hwom kaxfün fale.

ROM NOK HATO ZAKYA POL LAIZA 2:12 ပူးပေါင်းရင်းမြစ်များ

1 KORIN 9:21

Ilailaile mixnok khato mokkya zuma, mixnokbu khristan ang achang angkya kuxma, Jehudi nok wanlom fangma chichang homtoxle mixnok tuita ningle ngopu.

GALATIA 3:10

Wanlom lwot tokya to onglaxle ngokyabu a othuak-ozome awang laxle tüile. Chemthüikoxle Otsao Lai-e akax: “Owae Wanlom Laipex ma zale tüikya pangnuli to othuithuima kax ma laxle chitüi üihex chix a Zang othuak ozom fangma tüile!”

ROM NOK HATO ZAKYA POL LAIZA 8:3

Khünak müi-hi-aji shonaikya khoma, wanlome chitsuakkya Zange mok ang tsuakle. Chix Hosa owa khünak müi-hi-aji tsün ningle achang ilaxle ochax hanpakma zom ang kox ang ajo puix, chixe khünak müi-hi-aji ma tüikya ochax münsule ajao.

ROM NOK HATO ZAKYA POL LAIZA 1:32

Ile ngokya khünakbu zi angkya ataküile Zang wanlom ma tüikya hwome awanpu. Ingale iningkya oma mwot hwom tatae mokle lengokya chichangle mixe mokkya tochu wüi müipuix le thüi.

MATHI 11:24

Kue nang füi otsingtsing akaxpu, Kaxfün nyix Zange, nang füi Sodom nok hato wüi chingcha süchongle ahoüi!”

JAKOP 2:10

Chemthüikoxle Wanlom tuita kax ma chilaxle tüikya mix a, Wanlom pangnu kax ma chilaxle thaikya ang achangüna.

ROM NOK HATO ZAKYA POL LAIZA 4:15

Wanlome Zang ang mongma apüile; ikoxle ojong khato wanlom chitüi puix, ikhato wanlom kax ma laxkyachu müntüi.

MATHI 11:22

Kue hünzom füi otsingtsing akaxpu; kaxfünkya nyix Zange chix chingcha, hünzom füi Tair hia Sidon nyi hato wüi süchongle ahoüi!

TSAITONG-KAXTONG 27:26

“‘Zang wanlom hia hwon-nwotbu kax ma chilaxle tüikya mix to Zang-e thuakzomkya tüikox.’ “Noknusae lanüi, ‘Amen!’

GALATIA 3:22

Ikoxle Otsao Lai-e thüile: “Zangfang abakle ochax zonge womlaxle tüile; ikhoma Jisu Khrista tokya mongong ma tix koxüi hexo le tsaole thomkya hingho a opange onglaxpuix hwom angtix koxle.”

JUHAN 19:11

Jisu-e chix kax to lan: “Thakchi tokhange Zange chifa thüikoxle ku zongto tüi angkya zong nang ma chemchu chitüise. Ikhoma, owae ku nang chak to fünle koxlaxpuix, amakya ochax chix ma tüile.”

WANGSHEMBU MWOT 2:23

Zange chix tutex hia künzut-mongjang makhange Jisu a hünzom chak to kox angkya changle le athut apan tsuak daokya changle; ilaxle ochax khünakbu chak to pünsak ma tak ang koxlaxle hünzome chix langpu.