ROM NOK HATO ZAKYA POL LAIZA 16:2 - OTSAO BAIBEL (BSI)

² Zang khünakbue tata wünpwonle pongle kopkya müikya khristan zanglom tuita ningle, Khrista ma hünzome she wün pwonle pongkop hüi, ilaxle fong angkya oli pangnu lom towüi hünzome she to fongle changkox; chemthüikoxle she e khünaknu to fongle hüihudaoa ilaxle ku tochu wüi fonghu daoa.

ROM NOK HATO ZAKYA POL LAIZA 16:2 ပူးပေါင်းရင်းမြစ်များ

FILIPI 2:29

Idaile Jowanpa ma tuita tüi-hi-nao changle le hünzome chix wün pwonle pongkop lax. Chix ningkya mix pangnu ang wüi chathua zakya ahokox.

FILIPI 1:27

Khrista Kaxho Müikyae lomkya ningle hünzom zanglom saikha tüi angkya mwot changle. Ile changkoxle tix ku hünzom hato chatle ngui angkya chitsuak koxlax tsuak koxlax; Kaxho Müikya apuk angkya bama mongtex tuita ma tomle, ku füi chakta le hünzom ajongle tüikya, hünzom bama müikya kax-ngao kue atat ang kopüi.

2 JUHAN 1:10

Idaile, ija hwon-nwot chilax homtoxle nang hato owawa nguile jangchang, chix a nang hom ma pongle taxkop; “Nang füi mongsom naxtüi”, le ngaxchu taxthüi.

FILEMON 1:17

Idaile nange ku nang üitho changpu le jangtex, nange ku chemle pongle kopse hex, ilailaile chix pongle kop-hüi.

FILEMON 1:12

Athax kue chix nang hato achatpu, ilaxle chix füi tomle ku kün-mongchu wüi ngui ang tompu.

TITA 2:3

Azunubu hama, otsao tsün ngokya mixnu tuita chemle ngose hex ile ngo angkya adangle laxkox. Hwom a khualop cha tamchu ju danubu ang chingoüi.

2 TIMOTHI 1:18

Ija nyix Jowanpa-e chix ang chix chingcha naxfa kox! Üntoxle Efisia ma tüipongmachu chixe ku hanpakma otukux mokdaopuix nange sümüile awan ngopu.

1 TIMOTHI 2:10

Khristan shekobu a müikya mwot mokkya makhange tix awan ang koxkox le müi angkya oli changle. Hwom khoshit nasai chichangba tuizanakom chichangba faxsaxle nyiza laxkya, ibu tokhange münchang.

KOLOSI 4:10

Aristarkas, owa ku füi tomle kun ma tüipuix, chixe hünzom hato salam akatle, ilailaile Barnaba honao Mark-echu wüi salam akatle. (Chix hünzom hato namhüi thünba, Mark wünpwonle pongkop hüio le adangle fakya kax hünzome ami wüi kople thomdaoa).

EFISIA 5:3

Hünzom a Zang khünaknu changkya daile, tüta ningkya chinunchakkai chichangba chitsao chithakya chichangba osing nüfux chemchu hünzom khama bwomle wün ngo angkya jaojao münchang.

ROM NOK HATO ZAKYA POL LAIZA 16:23

Ku wünthong Gaia, owa hom ma müimüithom asoxpuix, chixechu hünzom hato salam fale; Erata, tingnu ma ngun twonpa, ilaxle kem tüinao Guata hwomechu hünzom ang hwom salam fale.

ROM NOK HATO ZAKYA POL LAIZA 16:9

Khrista thothakya ma kem üitho Urbana, ilaxle ku mongkün zuikhui Stakis nyi ang salam.

ROM NOK HATO ZAKYA POL LAIZA 16:6

Hünzom hanpakma azongle mokkya Meri ang salam.

ROM NOK HATO ZAKYA POL LAIZA 15:7

Khrista-e hünzom pongle kopkya ningle, Zang fuazang angkya hanpakma hünzome tata wünpwonle pongle koplax.

WANGSHEMBU MWOT 9:41

Pitar hüi ilaxle she ajong ang asun. Ifüima chixe Jisu wangshembu tamchu zomnubuchu wüi womle nyak ilaxle she chixe hwom ang ozün ma achatle kox.

WANGSHEMBU MWOT 9:39

Achwonlaxle Pitar a hokhi füi tomle ngui. Otue chixe ikha aloppuix, hwome chix homdingkho angkya nui to dün. Zomnubu pangwüi chix akhople asox üntoxle hwome sopngale she ozün ma tüitanto Dorka-e zingkya nyipong hia kutbu chix hato aho.

WANGSHEMBU MWOT 9:36

Chopa ma Tabitha le amünkya mixcha tuita tüikya, she a mongong mixcha tuita changkya. (Grik kax ma she ang Dorka le amün, thüikoxle müikhi le amün). She e ma hanpak pangnu müikya mwot mok ang tamchu chitüi chinang mix to fong ang ashix.

MATHI 25:40

Wanghome chatle lanüi: ‘Otsingtsingma kue hünzom ang thüipu: ku tüinao hixkyabu to hünzome humekya a ku to humekya changpu!’

WANGSHEMBU MWOT 9:13

Anania-e lan: “Jowanpa, chix huak bama tamchu chixe Jerusalem angkya nang khünaknu to za adünle zothupkya bama khünakbue ku hama wündaoa.

WANGSHEMBU MWOT 9:15

Jowanpa-e chix ang thüi: “Paokox! Chemthüikoxle kue chix ku mwot mok ang kamdaoa. Chixe ku mün mixnokbu hia hwom wanghombu hato tsingang tomüi.

ROM NOK HATO ZAKYA POL LAIZA 16:15

Filologas hia Julia, Neru hona nyi, Olimpa hia hwom füi tomle tüikya Zang khünakbu pangnu ang ku salam.