ROM NOK HATO ZAKYA POL LAIZA 15:8 - OTSAO BAIBEL (BSI)

⁸ Chemthüikoxle putong hwom füikya Zang kaxtsao changle ngai angkya hanpakma, ilaxle chix chingcha khoma mixnokbuechu Zang achuak achen angkya bama,

ROM NOK HATO ZAKYA POL LAIZA 15:8 ပူးပေါင်းရင်းမြစ်များ

MATHI 15:24

Jisu-e lan: “Ku a samle ngokya chun Israel khünaknu hato nguipu.”

JUHAN 1:11

Chix a ma khünaknu hato hüi, ikoxlechu ma khünaknue chix pongle chikop.

2 KORIN 1:20

Chemthüikoxle Zang kaxtsaobu pangnu hanpakma “Jo, jo” a chix changle. Idaile Jisu Khrista kem “Amen” makhange keme Zang fuazang ang tompu.

JUHAN 10:16

Ikoxle ija othom kha angkya chichangle, ku ang chun mamabuchu wüi tüihule; kue hwomchu wüi apüi angkya changle; hwome ku kax ma laxle tüiüi, ile nyetmix tuita fangma othom tuita ang achang angkya changle.

ROM NOK HATO ZAKYA POL LAIZA 15:16

Ija a Jisu Khrista da tuita ningle mixnokbu khato mok angkya hanpakma changle. Otsao Chasa makhange, mixnokbu a Zange pongle koptsuak angkya kuxma tö tuita ang naxchang, Zang tokhange hüikya Kaxho Müikya apuk-apua angkya kue nguapa tuita ningle mokpu.

ROM NOK HATO ZAKYA POL LAIZA 3:3

Hwom züizüie chiong thüikoxchu chem; ile hwome chiongkya khoma Zang müntüile hia?

EFISIA 2:12

Ija pongma hünzom Khrista füi janle tüikya. Hünzom a mixnok ilaxle zünle kopkyabu khama chiwom. Zange chix khünaknu ang fakya kaxtsao Tsaotsüt hünzom zongto chem mwot ang chichang, üntoxle hünzom ija chaxwannu ma monghomkya chemchu chitüi tamchu Zang chilax homtoxle ngokya.

ROM NOK HATO ZAKYA POL LAIZA 11:30

Hünzom mixnokbu, ami ledaokya ma hünzome Zang kax ma chilax; ikoxle athax a Jehudi khünakbue kax ma chilaxle tüikya khoma hünzome Zang chingcha atakpu.

ROM NOK HATO ZAKYA POL LAIZA 11:22

Ikhama keme Zang chemle chiadu tsuakkya hex tamchu chemle chingchae awangkya hex ija ngün ang kople. Opang dütle ngoün laxpuix hwom füi chix münadutsuak, ikoxlechu hünzom chix chingcha ma jangngo thüiningle chixe hünzom to chingchaüi. Ikoxle hünzom chuwüi ile chitüi thüiningle punle awütüi.

ROM NOK HATO ZAKYA POL LAIZA 4:16

Wanlom kax ma laxkyabu tata ang chichangle, Abraham ningle Zang to mongongkyabu angchu wüi, Zang kaxtsao a Abraham susabu pangnu ang wüi koxtsingtsingkya chingcha chang angkya kuxma, Zang kaxtsao a mongong ma athongle, chemthüikoxle Abraham a kem noknusa zongma chasa ma hopa tuita changle.

ROM NOK HATO ZAKYA POL LAIZA 3:26

ikoxle athax pongea, chix otsao aho angkya hanpakma, chixe khünak ochax bama khünzule hu.

WANGSHEMBU MWOT 13:46

Ikoxlechu Pol hia Barnaba nyie sisile mongchong laxle thüi: “Zang kax a pongwang ma hünzom hama akax kop angkya olom changpu. Ikoxlechu hünzome ija chilax, üntoxle oshuk chitüikya tsün hanpakma asukyabu to münchangle hünzome ma alüile ahaikoxle, kwome hünzom dantoxüi ilaxle mixnokbu hato paoüi.

MIKA 7:20

Nange nang khünaknu, Abraham hia Jakop sixlibu, kwom putong hwom füi nange tsaole thomdaokya ningle, kwom hato chialekya mongong hia chizakkya nang mongkün aho angkya changle.

1 KORIN 15:50

Tüinaohom, ku kax ija a ile changle: Oja müi-hi-aji makhange zingle tüipuix, ijae Zang Wangting ma süntswon angkya müntüi, oja zile maxün angkya hex ija a chizi chimax angkya koplaxle ngo ang müntho.

1 KORIN 10:29

thüikoxle ija mixsün mongao khoma nange ija süt taxsax. Changle, owawae thüikoxlax: “Tütalichu moktsuak angkya ma ang tüikya mongtex pankya mix mongao khoma hexle chem ziatsyen ngo angkya tüipu?.”

MATHI 20:28

Khünak Hosa a mok ang tom ang chichangle mokle fa angkya hanpakma tamchu khünak khosün angkya bama chix tsün kox angle nguipu.”

1 KORIN 10:19

Ija ku kax a, chapa chichangba ija ang koxkya süt lita thakho nguile le thüikya kax changdaicha?

1 KORIN 1:12

Ku kax a ija changle: Hünzom noke wüi malom lom to akaxle. Tutae thüi: “Kue Pol man topu” atae thüi: “Kue Apolo man topu” mama mixe thüi: “Kue Pitar man topu”; chatlechu mama mixe thüi: “Kue Jisu man topu.”

WANWÜNKAX 8:7

Kue chem akaxpuix ija a kaxtsing jaojao; kaxthai zangwün ku zongto nushix dongkyabu changle.