ROM NOK HATO ZAKYA POL LAIZA 15:5 - OTSAO BAIBEL (BSI)

⁵ Ilaxle adu angkya hia zong adün angkya otong a owa changpuix, Zang chixe, Khrista ningle saxmok koxle ija mongtex tuita hünzom machu tüi ang naxfa;

ROM NOK HATO ZAKYA POL LAIZA 15:5 ပူးပေါင်းရင်းမြစ်များ

1 PITAR 3:8

Oshuk ang: Hünzom pangwüi mong tuita ma, chingcha jajakya tüi-hi-nao ningle künkak mongkün füi mong nonai tamchu künsom mongdang le changlax;

ROM NOK HATO ZAKYA POL LAIZA 12:16

Pangnu hanpakma tuitex tomwüi tüikox. Taxngam taxzam, itülüi jonai mwot pongle kopkox. Nang lualua to jetüi hwonlangpa le taxthüt.

EFISIA 5:2

Khrista-e kem to mongkün ilaxle kem kuxma Zang mongzom amüile chix tsün ongan müile ngankya münga ningle tökya ma kox. Ija lailaile kem tsün a mongküne akox-akomle ngo angkya changle.

2 KORIN 13:11

Kutüi kunaohom, athax a ngodao! Nguiwangkya atak ang atinlax; ku zangwün to natha hüi; tata füi tsaitun-kaxtun tomle tüihüi; mongsom ma ngohüi. Mongkün hia mongsom Zang hünzom füi ngohüi.

ROM NOK HATO ZAKYA POL LAIZA 15:13

Hünzome chix to mongong tüikya tokhange, Zang, chix monghom otonge, mongmüi hia mongsom füi hünzom awangle naxfa.

MÜNCHUAK-TSAI 86:5

Nang a kwom zongto müile tamchu kwom ang thailak tüile, nang to jop-tokyabu hanpakma chizakle künkya nang mongkün tüile.

1 KORIN 1:10

Kem Jowanpa Jisu Khrista mün ma kue hünzom füi akaxpu, kutüi-kunaohom, hünzom khama ahak ahanle chitüi angkya kuxma, hünzom tuita ma tsaino-kaxno tomlax;

LAIPAO 34:6

Ifüima Jowanpa a chix tuntho makhange le ilaxle akhongle thüi: “Jowanpa ku a chingchajajae awangle tüikya Zang changle. Ku ang mong chwonle chitsiküi ikoxle chongkya mongkün hia ojao chialekya mongong-chalom tüipu.

FILIPI 4:2

India hia Sintik nyi, kue hünkhi ang thüipu: Chingchalaxle Jowanpa ma na-hi-naohom ningle hünkhi tsaino-kaxno tomhüi.

FILIPI 2:2

Idaile, mongjang tuita ma tomlaxle, mongkün tuita ahanle, ilaxle chasa hia kün-mong tuita ma tomlaxle ku ang okhonguile mong amüi angkya bama hünzom zongsaipu.

FILIPI 1:27

Khrista Kaxho Müikyae lomkya ningle hünzom zanglom saikha tüi angkya mwot changle. Ile changkoxle tix ku hünzom hato chatle ngui angkya chitsuak koxlax tsuak koxlax; Kaxho Müikya apuk angkya bama mongtex tuita ma tomle, ku füi chakta le hünzom ajongle tüikya, hünzom bama müikya kax-ngao kue atat ang kopüi.

2 PITAR 3:15

Ilaxle kem Jowanpa-e okuilo le adukya a khosün changpu le elax; ilailaile kem mongkün Pol-echu chix ang Zange fakya je-hwon füi hünzom hato zapu.

FILIPI 3:16

Ija atix tütale wüi changlax, anyix kople keme tole hüikya taningkya wanlombu ningle kem thochi to lehax.

WANGSHEMBU MWOT 4:32

Mongong mixbu kün-mong tuita ma ngo. Owaechu ma ma tüikya makux changpu le chithüi: ikoxle hwom ma atüitüi pangnu wüi tata füi azut-ahanle lax.

EZEKEL 11:19

Kue hwom ang künzün mongzün koxüi. Kue hwom ma tüikya kax ma chilaxle tsakle tüikya long kün-mong awütle koxüi ilaxle kax ma laxkya künmong koxüi.

2 PUKAX-PANGAO 30:12

Wanghompa hia chix nguakax-wangkhobu kaxtom to le chix mongtex kax ma laxle chang angkya bama ma küntsu monglua to hwom pangwüi motomle chang angkya hanpakma Zang-e Judah ma mwot mokle tüikya.

2 PITAR 3:9

Owawae ajangkya ningle Jowanpa a chix kaxtsao mok ang domdai pule münchang. Itülüi, chix a nang füi adule ngopu, chemthüikoxle chixe owachu amütse le müntsu, ikoxle pangnusa wüi ma ochax tokya khosün hato chatle namhüibae le texpu.

ROM NOK HATO ZAKYA POL LAIZA 15:3

Otsao Lai kax ma: “Hünzom adix-adale akaxkyabu thajao wünhai kax ku hato nguile”, le akaxkya ningle changüi chemthüikoxle Khrista-e alüile chix mong chiamüi.

1 PITAR 3:20

Hwom a, Noa-e khua müile ngopongma, Jowanpa-e ozulole adule tan koxlechu Zang kax ma chilaxle tüikya chasabu changkya. Ija khua ma tüikya hwom mixhuak achyet, ti zan to max ang chitom le khosün,

2 KORIN 7:6

Ikoxlechu Tita hüikya makhange, künmax mongshanle ngokyabu mong achenle fakya Zange kwom mong machu zong adünle fa.

JEREMIA 32:39

Kue hwom ang tsün ma mwotli tuita wüi koxüi: ija a, hwom tamchu hwom su-sa hwom fünmüi angkya hanpakma, hwome othuithuima ku chathua zale ngo angkya.