ROM NOK HATO ZAKYA POL LAIZA 15:18 - OTSAO BAIBEL (BSI)

¹⁸ Otsao Chasa tsakzong makhange, münwan hia ohünotünbu tsakzong makhange, Khrista-e ku makhange mixnokbu Zang kax ma laxkya hato zunle apüi ang chem mokdao laxpuix, ija bama ku mongchongüi ilaxle zangwünüi.

ROM NOK HATO ZAKYA POL LAIZA 15:18 ပူးပေါင်းရင်းမြစ်များ

WANGSHEMBU MWOT 15:12

Barnaba hia Pol nyie, hokhi makhange mixnokbu khato khomtsikya hia ohünotün mwotbu mok ang tomkya Zang mwottho kaxwün wangkya atatkya zuma noknusa wüi dangle hokhi zangwün to natha le apa.

ROM NOK HATO ZAKYA POL LAIZA 1:5

Khünaknu pangnu jat-li tokya wüi mongong hia kax ma laxkya hato zunle ahüi angkya hanpakma, Khrista mün hanpakmale, chix makhange Zange ku ang wangshem tuita ang achang angkya osho fa.

WANGSHEMBU MWOT 21:19

Pol-e hwom ang wünpwon salam kox ilaxle chix makhange Zange mixnokbu khato mokle hüikya bama bakle wün.

GALATIA 2:8

Chemthüikoxle chemle Zang tsakzong makhange Pitar Jehudi nok hato wangshem ang zingpuix, ilailaile ku a mixnokbu hato wangshem tuita ang zingkya changle.

WANWÜNKAX 25:14

Chikox angkya khato koxüihex-ole tsaosaxkya khünak a tuita zangngax chiawat angkya to atyenkya zangfwom hia awinkya zangwin ningle changpu.

2 THESALONIKA 2:17

othuithuima müikya zangwün ang hia müikya mwot mok ang hünzom mong naxchong tamchu atsak azong le naxfa.

ROM NOK HATO ZAKYA POL LAIZA 16:26

Ikoxle, athax a, ija otsingtsing a ajebu chakza makhange kotok to angai daoa; ilaxle noke ong angkya hia ija kax ma lax angkya kuxma, oshuk chitüikya Zang kaxtom makhange ija a nok chaxwan longkhoe awan ang koxdaoa.

JUD LAIZA 1:9

Kaxtaimixbu khama akhokya Maikel-e ngaxchu ile chimok. Mosa mang ma atinle bao füi ahe pongma ngaxchu Maikel-e chix adix-adale chichang ikoxle “Nang to Zange wüi naxsakox”, le tata thüi.

1 JUHAN 3:18

Kuli-kunaohom, kem mongkün a kax hia zangwün tata ma chichangüi; ija a mwot makhange ngün ang tomkya mongkün otsingtsing chang angkya oli.

JAKOP 1:22

Chix kax apa lanlankyae nang to dyen-ngan ang taxtom; itülüi, Ija mwot ang achangle mok kox.

IBRI 11:8

Zange chix ang koxüihex le tsao saxkya chaxwan to laile pao ang nyak pongma Abraham ang Zang kax ma lax ang tom. Chix ochichi to pao angkya hex opak chitik homtoxle chixe ma chaxwan danle tox.

IBRI 5:9

Otue chix nguiwangkya ang achang puix, chix kax ma alaxlax nok hanpakma chix a tuita oshuk chitüikya khosün otong ang achang,

KOLOSI 3:17

Hünzome chix makhange Hopa Zang ang münchong fakya zuma, hünzome mokkya hia akaxkya pangwüi, Jowanpa Jisu mün ma tsuakkox.

2 KORIN 12:6

Ku ngam ang tsukoxle, ku ongat ang münchangse, chemthüikoxle kue otsingtsing zangwünüi. Ikoxlechu ku münngam, chemthüikoxle kue mokkya ngün üntoxle ku zangwün atatlaxle chixe ku bama anga le laxkya tokto owawa mong tochu ku hanpakma siachong le thütkya namtüibae le kue müntex.

2 KORIN 11:31

Jowanpa Jisu Zang ilaxlechu othuithuima chix mün mohiman naxchang! Chixe ku münthaile awan ngole.

ROM NOK HATO ZAKYA POL LAIZA 6:17

Ikoxlechu Zang ang münchong fahax! Chemthüikoxle hanpak tuita ma hünzom ochax dabu changkya; ikoxle hünzome pongle kopkya hwon-nwot ma bangkya otsingtsing kax ma hünzome kün-mong tokhange bakle lax.

WANGSHEMBU MWOT 26:20

Hwom ochaxbu tokya mong chatle Zang hato hüi angkya wüi changle üntoxle mong chatüna le ahokya mwotli mok angkya changle.

WANGSHEMBU MWOT 15:4

Hwom Jerusalem to nguikya ma müimüithome tamchu wangshembue üntoxlechu tüichong mixmüibue hwom wünpwon le pongle kop, ilaxle hwom hanpakma Zange mokkyabu pangnu hwom hama wün.

WANGSHEMBU MWOT 14:27

Okhie Antiok alopkya zuma khünaknu nyakle asox ilaxle Zange hokhi hanpakma chempangle mokdaopuix ibu pangnu mo wün üntoxlechu chixe mixnokbu angchu wüi chemle ongtsuak angkya olom daple koxpuix, ija apua.

MARK 16:20

Wangshembue pangnu khato pao ilaxle hwon-ano; ilaxle Jowanpa-e hwom füi tomle mwotmok; ile otsingtsing chix changpule münwan füi kaxkhi alai le, hwom makhange ohünotünbu mwot mok ang tom.

2 KORIN 6:1

Kwome Zang füi tomle mwot mokpu, ilaxle Zange hünzom ang fakya chingcha muato shixshixkhaxle taxchangünfa le kwome hünzom füi akaxpu.

2 KORIN 3:5

Ija mwot mok ang tsuaküile akax angkya kwom ma chemchu müntüi. Moktsuak angkya zong Zang tokhange tix hüipu.

MATHI 25:16

Ima wüi jat aga ngun kopkya mix pao; ija füi thalex, ilaxle mama hajat aga ngun alap.