ROM NOK HATO ZAKYA POL LAIZA 13:7 - OTSAO BAIBEL (BSI)

⁷ Idaile hwom ang koxsese laxkox; süi malomlom laxkox, ilaxle ibu pangnu ma hwom ang chathua zakya hia achuak achenkya ahokox.

ROM NOK HATO ZAKYA POL LAIZA 13:7 ပူးပေါင်းရင်းမြစ်များ

KAXHO MÜIKYA LUK 20:25

Idaile Jisu-e thüi: “Müidaoa, oja chongwang tsyen hex chongwang ang laxkox ilaxle oja Zang tsyen hex Zang ang laxkox.”

MATHI 17:25

Pitar-e lan: “Chifa lea.” Pitar homkha to dongkya zuma Jisu-e wüi thoma akaxle thüi: “Simon, nange chemle tex? Chaxwannu wanghombu ang wangmwot hia süi opange kox angkya hex? Nokpue kox angkya hia püntüibue kox angkya hex?”

WANWÜNKAX 24:21

Jowanpa chathua zakya tüikox, ku sa, ilaxle wanghompa achuak-achenle changkox. Ibu füi apüile ajongkya khünakbu füi mok-mo angkya chemchu taxtüi;

1 TIMOTHI 5:17

Mixpa tüichongbu opange lompabu ang achang laxle müikya mwot mokpuix, hwom ang othom anyi tsyen amün kox angkya asule tüile, tamnüilechu hwon-ano ang tamchu anwot-ano ang azongle opange moklaxpuix, ibu ang.

MATHI 22:21

Hwome lan: “Ija a Kaisar mua changpu.” Ija khoma Jisu-e hwom ang thüi: “Müidaoa, Kaisar kux Kaisar ang laxkox; Zang kux Zang ang laxkox.”

EFISIA 6:5

Dahaibu, hünzome zakya hia abünkya füi ma tsangtsa hopunu hwom kax ma laxle hwom chak to dankox; ilaxle Khrista thothakya ang laxle, nange ija mongkoxle mokkox.

1 PITAR 3:7

Ija lailaile hünzom kakopabuechu ma kakonubu füi, mafüi hwom wüi zong chitüikya le tsingkya füi ngo angkya oli changle. Hwom chathua zakox, chemthüikoxle hwomechu wüi hünzom füi tomwüi Zang angkya khüzün hingho mantswon angkya changle. Hünzom zangjop to poxpyen angkya chemchu chitüi angkya kuxma ija moklax.

1 TIMOTHI 6:1

Zang mün lünle tamchu kwom mün ma owaechu kax chisumüikya chizex angkya kuxma, da ang opang ngolaxpuix, ibue ma hopunu ang chathua za angkya hia achuak achen angkya sukya changle le tex angkya oli changpu.

EFISIA 5:33

Ikoxlechu ija hünzom hanpakmachu wüi changle; kakopabu noke wüi ma pum-tsa bütukuxle ma kakonu to mongkün angkya changle, ilaxle kakonu noke ma kakopa chathua za ang

KAXHO MÜIKYA LUK 23:2

Ikha to hwome chix ma kaxfele akax: “‘Chongwang süi taxtha üntoxle Ku Messaiah, wanghom changpu’ le akaxle chix jaojaoe khünaknu chichangkya lom to jikle pao ngokya, ija mixsün kwome koppu.”

MARK 12:17

Jisu-e hwom ang thüi: “Kaisar kux chem hex ija a Kaisar ang laxkox ilaxle Zang kux chem hex ija a Zang ang laxkox.” Ijama hwom ija chix kaxlan atatlaxle abüt.

1 SAMUEL 12:18

Ikhoma Samuel-e zangjop, ilaxle ija nyix-nyix wüi Jowanpae tsaktsakdungle zangchei-zangwat ajo. Ifüima khünaknu pangnu Jowanpa hia Samuel hokhi thua za;

LIWI 19:32

“Taiko hwom chathua zakya tüilax ilaxle hwom achuak-achenle tüilax. Chathuazakya füi ku kax ma laxlax, Ku a Jowanpa hünzom Zang changpu.

LIWI 19:3

Hünzome pangnusae wüi manu hia mapa chathua zale tüi angkya changpu, üntoxle Sabath nyix nuiüi. Ija a, ku, Jowanpa, hünzome Zang-e fakya kaxtom changle.

LAIPAO 20:12

Manu hia mapa chathua zale tüikox, ikoxle tix kue hünzom ang koxkya haxtok ma hünzom tsünlo-khothole ngo ang kopüi.

1 TIMOTHI 5:13

Tuita hom makhange ata hom to tailaile ahamle hanpak alyet angkya hwome awan ngopu; ikoxle ifüi sümalechu, hwom za-aman ang tamchu hwom chiwomkyali khato womle, chiwün homfang zangwünle ngo ang awanle laxle.

WANWÜNKAX 3:27

Nange mokle tsuaktang tüipongma, fongse lükyabu to asunle laxkox.

KAXHO MÜIKYA LUK 20:22

Kwome Roman gowarnor ang süi kox angkya olom chichang hia changpuix kwom hama apua hüi?”

ROM NOK HATO ZAKYA POL LAIZA 12:10

Khrista ma tüi-hi-nao ningle tata füi lomlule mong akünkox, ilaxle tata chathua za ang tsukox.

ROM NOK HATO ZAKYA POL LAIZA 13:6

Nange süibu koxkyachu ikhoma le changle, chemthüikoxle hwome hwom mwottho to mongkoxle mokkya a pünpa-chongwangbu Zang hanpakma mokkya changpu.

1 WANGHOMBU 3:17

Tutae akax: “Wanghompa, ija mixcha kukhi hom tuita ma ngopu, ilaxle shechu tüile ngopongma kue sasün tuita puxle alaipu.