ROM NOK HATO ZAKYA POL LAIZA 13:4 - OTSAO BAIBEL (BSI)

⁴ Chemthüikoxle nang füi naxmüi le mok angkya hanpakma chix Zang thothapa changle. Ikoxle nange chichang-chizangle jangmok, chix thua zalax, chemthüikoxle sikngün fa angkya zong chix ma tüikya otsing changle. Chix a Zang da ilaxle chichang-chizangle saxmokkyabu to Zang mongtsik kaxtom moküi.

ROM NOK HATO ZAKYA POL LAIZA 13:4 ပူးပေါင်းရင်းမြစ်များ

ROM NOK HATO ZAKYA POL LAIZA 12:19

Kutüi kunaohom, otuechu olüix taxkhom, itülüi ija Zang mongtsike wüi naxmok kox. Chemthüikoxle Otsao laie akaxle: “Olüix kue khomüi, otha kue thomüi le Jowanpa-e akaxle.”

WANWÜNKAX 20:2

Tse le ngokya mailangpa thua zakya ningle mongtsik ngokya wanghompa thua zalax; chix mongtsik ang tomkya a tuita pakfün-shalo changpu.

WANWÜNKAX 16:14

Jetüi-hwonlangkya khünake wanghompa ang mong amüi thom ang azongüi; wanghompa ang mongtsikle jangchang, owawa mik max angkya ataküi.

2 PUKAX-PANGAO 19:6

ilaxle hwom hama ile adangle fa: “Kaxfün thothuile chifa angkya bama khünzailax, chemthüikoxle hünzome a khünak tsak-zong mwot mokkya münchang ikoxle Jowanpa tsak-zong mwot mokpu, ilaxle nange kaxfün fale changpongma chix a nang füi tüile ngole.

1 THESALONIKA 4:6

Ija olom ma khünak owaechu ma üitho khristan füi thaile chimoküi chichangba dyen-nganle chichangüi. Kwome ija hünzom hama thotochu akaxdaoa, athaxchu kaxkhün koxle akaxpu, iningle mokkya khünak to Jowanpa-e sikngün faüi.

ROM NOK HATO ZAKYA POL LAIZA 13:6

Nange süibu koxkyachu ikhoma le changle, chemthüikoxle hwome hwom mwottho to mongkoxle mokkya a pünpa-chongwangbu Zang hanpakma mokkya changpu.

MIKA 3:9

Ku kax apalax, hünzom Israel nok lompabu, hünzom sukya thua anukyabu tamchu sukya chisukya ang achangkyabu.

EZEKEL 25:14

Ku hanpak ang, ku khünaknu Israel noke Edom nok to jannong alüiüi, ilaxle hwome Edom nok ang tüle shixkya ku mongtsik awanle lax ang tomüi. Kue jannong alüikya thama chem hex, ija Edom noke awan ang kopüi.” Jowanpa Khüthak Zang-e ija akaxdaoa.

EZEKEL 22:27

Tingpün-nokwangkyabu a, hwom langdaokya müimang ma atinle ashik-akhixle saxkya shwonbu ningle. Hwom ahak-aluale chang angkya hanpakma hwome mix lang mix.

JEREMIA 5:28

hwom a nutüna ilaxle zaoüna. Hwome mokkya ochax mwot ma chem othüt müntüi. Hwome zasa-khaxsabu ang süntswon münfa chichangba afangle thomkyabu hanpakma sukya tsaifün-kaxwün münfa.

ISAIA 1:17

ilaxle sukya mwot mok ang awanle koplax. Kaxfün sule facha: afangle thomkya to fongcha hex, zasa-khaxsabu ang süntswon facha hex, zomnubu kho awale kopcha hexle hukoplax.”

WANWÜNKAX 20:26

Jetüi-hwonlangkya wanghompa-e thaile mok ngokya khünak atak tsuakle, ilaxle ojao chingcha chitüile chix to sikangünle.

WANWÜNKAX 20:8

Wanghompa kaxfün nui ma thungle ilaxle hukya füi tomle chixe chichang-chizangkya awanle laxle.

1 WANGHOMBU 10:9

Jowanpa nang Zang achuak kox Nang Israel nok wanghom ang achang laxle nang füi chix mongzom ibukux müipule ahodaoa, chemthüikoxle Israel hanpakma tüikya chix mongkün a oshuk chitüikya changle, ikhoma nange chix wanlom to laxle sukya kaxfün thom angkya hanpakma chixe nang wanghom ang zingpu.”

JIHUSUA 20:9

Ibibi tingnu a Israel nok pangwüi hanpakma tamchu hwom füi tomle ngole hüikya mixnokbu hanpak ang chuwüi mütkop mixbu paole azangtsuak angkya tingnubu changkya. Owawae chak-chax-jansaxle mix mik amütkya khünak. Chix to jannong alüile chang ang lomle ngokya chak tokya chix ibu tütapu khato thüichu paole azang ang tsuak; chix a onok kaxfün machang tanto langle awüt ang müntsuak.

JIHUSUA 20:5

Chix to jannong alüisele lomkya mix ikhato jangngui, tingnu angkya khünakbue ija mixsün chak to chix chikoxüi. Hwome chix sünle kopüi, chemthüikoxle chixe ija mixsün mongtsik makhange chaktung ma chichangle chak-chax-jansaxle langkya changpu.

1 PITAR 2:14

gowarnorbu ang oma mwot mokkyabu to sikangün angkya üntoxle mwotmüi mokkyabu achuak achenle chang angkya hanpakma Jowanpa-e ajokya changpu le hwom kax ma laxle tüilax.