ROM NOK HATO ZAKYA POL LAIZA 12:8 - OTSAO BAIBEL (BSI)

⁸ Mix ang zong adün angkya jangchangchu, keme ile mok angkya wüi changle; ma tuina mix füi ahan achüikya mixchu okhex-oküi chitüi le mok angkya changle; owa ma apün-awang angkya zong tüilaxpuix, mwot azongle mok angkya changle; owae mix to chingcha aho laxüihex, chixe ija mongmüi pwonla le mok angkya changle.

ROM NOK HATO ZAKYA POL LAIZA 12:8 ပူးပေါင်းရင်းမြစ်များ

2 KORIN 9:7

Mong to kakngale chichangba mok angkya othui tuita ningle chichang homle, pangnusae wüi, mae mongto thütkya ningle kox angkya changle; chemthüikoxle mongmüi to koxkya mix to Zange chingchale.

1 TIMOTHI 5:17

Mixpa tüichongbu opange lompabu ang achang laxle müikya mwot mokpuix, hwom ang othom anyi tsyen amün kox angkya asule tüile, tamnüilechu hwon-ano ang tamchu anwot-ano ang azongle opange moklaxpuix, ibu ang.

1 KORIN 12:28

Müimüithom ma Zange chifün tankya a: Pongwang angkya chifün ma wangshembu, anyi lükya ma ajebu, azom lükya ma anwot-anokyabu, ifüima ohünotün mwot mokkyabu, ifüima kaklak amüikyabu, mix to fongtsox angkyabu, apün-awang angkyabu, chitsingkya kax ma zangwünkyabu.

IBRI 13:17

Hünzom lompabu kax ma laxlax üntoxle hwom kaxtombu apalax. Hwom mwot bama hwome Zang ang akiakkya kox angkya changkoxle, ojao chizak le hwome hünzom to hule nye ngole. Hünzome hwom kax ma laxle jangtüi thüikoxle, hwome hwom mwot mongmüimüile moküi; ile chichang thüiningle, hwome ibu mongma füi moküi, üntoxle ijae hünzom ang chem olüichu chifaüi.

WANGSHEMBU MWOT 15:32

Judas hia Sila, opang aje changkya hex, hokhie tüinaohom ang zong adün ilaxle mong achenle ozulole zangwün.

WANGSHEMBU MWOT 13:15

Mosa wanlom angkya hia ajebu lai angkya e üntoxle sinagok angkya alixachonge hokhi hato kaxhole thüi: “tüinao nyi, hünkhi ma zong adün angkya kax chemchem jangtüi thüiningle kwome, khünaknu füi hünkhi tam namakaxbae le textüia.”

IBRI 13:24

Hünzom lompabu pangwüi ang tamchu Zang khünaknu nok ang kwom salam fakox. Itali tokya mongong mixbuechu hünzom hato hwom salam akatle.

IBRI 13:22

Ku zuikhuihom, chingchalaxle ija zongdün kaxho to adule apahüi; chemthüikoxle hünzom hato ija ku laiza aluile lokyanu münchang.

IBRI 13:7

Hünzom füi Zang Kaxho akaxkya, pongwang angkya hünzom lompabu taxalak. Hwom chemle ngole hüi üntoxle chemle zi, ibu to aküi le tam ajangle anolax, ilaxle hwom mong ningle chang ang azonglax.

IBRI 10:25

Züizüie mokle hüi ngokya ningle, keme tata füi apong asaole ngokya wanlom taxamüt hax. Itülüi, keme sisile mix keme tata ang zong adün hax, chemthüikoxle Jowanpa hanpak chwonle hüingole.

2 KORIN 8:12

Nange otukux tsuakpuix itukux mongtsu laxle jangmok thüiba, nang hingho füi Zang mongzom müikya tüiüi. Nang ma ngax chitüi khato koxüi changtüi angpu le Zange otuechu münthüt.

1 KORIN 14:3

Ikoxle Zang kax a apuk-apuakya mixe, hwom to fong ang, tamchu hwom zong adün ang, khünaknu füi akaxpu.

WANGSHEMBU MWOT 20:28

Ma hanpakma alüile ilaxlechu Otsao Chasae nang ang nyelaxo le koxkya pangnusa hanpakma khünkhile nye ngolax. Chix Hosa zi ang koxkya makhange ma ang achangkya Zang müimüithom ma chunnyetmix ang achanglax.

WANGSHEMBU MWOT 20:2

Chix ibu haxtok to aham ilaxle khünaknu ang zong adünle kaxhobu apua. Ifüima chix Grik nok to ngui.

1 TIMOTHI 4:13

Ku mangui-manguile, nang hanpakma hia azongkya noknu hato Otsao Lai ekya üntoxle hwon-anokya hia anwot-anokya mwot to sütle ngokox.

1 THESALONIKA 2:8

Kwom ma hünzom to mongkünkya tüikya khoma, Zang tokhange hüikya Kaxho Müikya tata chichangle kwom tsün ngaxchu hünzom füi atom-ahan ang achwonle tüikya. Hünzom a kwom zongto mongkünle tüikya.

1 THESALONIKA 2:3

Kwome hwon anokya ma chisukya mongjang hia ochax tutex chemchu chitüikya, chichang thüiba kwome owawa dyen-ngan ang azongkya chemchu chitüikya.

KOLOSI 3:22

Dabu, pangnuli to hünzom tsangtsa ma hopunu kax ma laxle tüikox, hwome nang to mike hule ngopong ma tata sule le naxthüi ang chichang homtoxle, nange Zang chathua zakya khoma mongkoxle saxmok kox.

EFISIA 6:5

Dahaibu, hünzome zakya hia abünkya füi ma tsangtsa hopunu hwom kax ma laxle hwom chak to dankox; ilaxle Khrista thothakya ang laxle, nange ija mongkoxle mokkox.

2 KORIN 11:3

Ef to changkya ningle hünzom tochu nakchang ünkoxle ku zamaxle. Pu huanuma atsing ilaxle chixe Ef ochax to adüt. Ilailaile hünzom tutex zia ama ang tsuak, ilaxle hünzom Khrista zongto haxtsao-zangthakya chitüile changüi.

2 KORIN 9:13

Hünzome mokkya mwottho ijae hünzom ma khristan chingcha mong zaikya ahole, ilaxle hünzome ngaikya hia Khrista Kaxho Müikya kax ma laxkya olom khoma tomwüi khristanbue Zang mün achuaküi. Hwom füi ilaxlechu mama tomwüi mongong mixbu füi hünzome ma ma tüikya mongtsu laxle tom-hanle laxkya chingcha khoma hwome Zang achuaküi.

2 KORIN 9:11

Kwom makhange ataile fakya hünzom hinghobu hanpakma khünaknue Zang naxachuak ang, othuithuima chingcha ang tsuluakya tüitsuak tang okhonguile chixe ahak alua ang koxüi.

2 KORIN 1:12

Kwom mongngam a: Ija chaxwannu ma kwom tsün, tamnüilechu hünzom füi asyen-abuikya bama, khünak hwon-je makhange chichangle Zang chingcha tsakzong makkange, Zange fakya ngaitho hia zaxhune azuilaxle saxmokle hüidaoa le kwom khangka ma tsaotha le awandaoa.

ROM NOK HATO ZAKYA POL LAIZA 13:6

Nange süibu koxkyachu ikhoma le changle, chemthüikoxle hwome hwom mwottho to mongkoxle mokkya a pünpa-chongwangbu Zang hanpakma mokkya changpu.

ROM NOK HATO ZAKYA POL LAIZA 12:13

Hünzome chitüi chinangkya tüinao füi hünzom bwotba ahan achüi le laxkox, ilaxle mixhing wünpabu hanpakma hünzome ma hom ka daple laxkox.

MATHI 25:40

Wanghome chatle lanüi: ‘Otsingtsingma kue hünzom ang thüipu: ku tüinao hixkyabu to hünzome humekya a ku to humekya changpu!’

ISAIA 64:5

Nange hwom chemle naxngosele thütlaxpuix ija texle atakkyabu, opange sukya mwot moklaxle mongmüi atakkyabu nange pwonle lax. Nang ang kwom füi mongtsik, ikoxlechu kwom a chizakle ochax mwot mok ang sütle ngo; ile kwom füi nang mongtsik koxlechu kwome kaitokhange wüi ochax lyenle hüi.

ISAIA 32:8

Ikoxlechu achuak-koxle sule tüikya khünake mwot sule mokle ilaxle chem supuix ija bama shingmongle ajongle.

ISAIA 32:5

Ongat mix achuak-achen angkya chichangba tselop mix sukya ang lax angkya owa mong tochu münthütüi.

HWON-NWOT-JAONO 11:6

Nange anopningle tamchu hansongechu küi-thwomle changlax, ikoxlechu ija müile tsongüi hia chitsongüi tamchu mixe küi-thwomkya füi ataxle chimüimüiüi nange müntik.

HWON-NWOT-JAONO 9:10

Nange chem mokpuix ikhama mwot a zongbakle mokkox, chemthüikoxle amalum to mok angkya, ajang angkya, jen-hwon ibu chemchu müntüiüi—ilaxle nang a ikhato paole ngopu.

WANWÜNKAX 22:9

Chingcha-chakzun tüikox ilaxle nang süt chitüi-chinang füi tom-hanle changkox. Ija khoma nang to mohimankya tüiüi.

MÜNCHUAK-TSAI 112:9

Chixe chitüi-chinang mix ang mongtsutsule kox-zunle, ilaxle chix chingcha otuechu thaithaxle münbang; chix a tsak-zongle tamchu achuak-achenle tüiüi.

MÜNCHUAK-TSAI 37:21

Chichangchizangkya khünakbue thashe laxle apüile ikoxlechu chemtuechu ija chiachat, ikoxle müikya khünakbu a hwom hinghobu mongtsutsule ahan-achei lelaxle.

TSAITONG-KAXTONG 16:11

Jowanpa pomtho ma hünzome masu-masabu, dabu, Liwi hwom, püntüibu, zomnu hia khaxsabu, opangsa hünzom tingnu ma ngole tüipuix, hwom pangnusa füi tomle mongmüi-pwonlakya tüikox. Ija a zangshwom angkya onui jongtakha ma moklax.

TSAITONG-KAXTONG 15:14

Jowanpae nang ang mohimankya chun, saxziak ilaxle grep-ti, ibu kha angkya mongmüi to hwom ang koxle apaokox.

PONGWANG LAIPEX 18:19

Ku kax ma laxle tüi angkya tamchu changkya hia sukya mwot mok angkya bama su-sa hwom to zünsaile changtsuak angkya hanpakmale kue chix zünle koppu. Hwome ile jangmok thüiningle kue tsaosaxdaokya pangwüi chix ang mokle koxüi.”

WANGSHEMBU MWOT 13:12

Ile changkyabu ngünlaxle Gowarnor-e Zang kax to mongong; Jowanpa bama apua-anokya to chix huanuma abüt.

WANGSHEMBU MWOT 4:36

Ilaxle ikhama Jusep le amünkya Saipras shuazo to puxkya liwi sün tuita tüikya, owa ang wangshembue Barnaba (thüikoxle zong adünkya mix) le nyak;

WANGSHEMBU MWOT 11:23

Ikhato chix ngui ilaxle Zange khünakbu to mohimankya ngünlaxle chixe hwom ang zong adünle Jowanpa to mongongkya ma shingmongle ngo angkya akax.

1 TIMOTHI 6:18

Müikya mwot mok angkya, müikya mwot ma ahak alua angkya, mixfüi ahan-achüi le lax ang mongtsutsu le tamchu achwonle ngo angkya bama hwom ang kaxtom laxkox.