ROM NOK HATO ZAKYA POL LAIZA 12:6 - OTSAO BAIBEL (BSI)

⁶ Idaile Zange kem ang fakya chingcha ma ajanglaxle keme malili hinghobu twon angkya changle. Kem hingho a Zang kaxho bama akax angkya jangchang thüikoxle kem ma tüikya mongong ma thütle ija keme mok angkya changle.

ROM NOK HATO ZAKYA POL LAIZA 12:6 ပူးပေါင်းရင်းမြစ်များ

1 KORIN 7:7

Tamthüt koxle, hünzom pangnu wüi ku ningle namchangbae le kue texpu. Ikoxlechu ata ang lita ata ang lita le nok-nok ang wüi Zang hingho tüipu.

ROM NOK HATO ZAKYA POL LAIZA 12:3

Zange ku ang fakya hingho khoma, kue hünzom pangwüi ang thüipu: Hünzome ozyakai le ma alüile chongbongkya ang taxajang. Itülüi, nang mongjang ma mong nonai tüikox. Üntoxle Zange ma ang fale thomkya mongong ma thütlaxle ma kaxfün fakox.

ROM NOK HATO ZAKYA POL LAIZA 1:11

Chasa mohiman hünzom füi ahan-achüi le lax, ilaxle hünzom zong dong ang kox angkya kuxmale kue hünzom ngünse le huanuma thüt.

1 KORIN 13:2

Ku ma je zong tüikoxlax, ilaxle ku ma pangnu je-hwon tüile ngoünkoxlax ilaxle pyenle thomkya otsingtsing awan ang thokoxlax; onüi angchu haxnu apao tsuak tang ku ma mongong tüikoxlax, ikoxlechu ku ma mongkün chitüi thüikoxle ku chem angchu münchang.

EFISIA 4:11

“Khünakbu ang hingho kox”, le thüikyachu chix changpu; chixe züizüi wangshembu ang, züizüi ajebu ang, mamabu a kaxho apuk angkyabu ang, mamabu a chunnyetmixbu ang üntoxle nwotmixbu angle kam.

1 KORIN 14:1

Athax, achuale hünzom zik angkya a, mongkün ha alop angkya hanpakma changle. Chasa ma hingho, tamnüilechu Zang kax apuk-apua angkya hingho kop angkya to nang mong ma mongzaokya tüilax.

2 KORIN 8:12

Nange otukux tsuakpuix itukux mongtsu laxle jangmok thüiba, nang hingho füi Zang mongzom müikya tüiüi. Nang ma ngax chitüi khato koxüi changtüi angpu le Zange otuechu münthüt.

1 THESALONIKA 5:20

Chasa kaxhobu taxahai.

1 KORIN 14:29

Zang kaxho fakya mixhuak anyi hia azom tukuxe akaxkox, ilaxle mamabue hwome wünkya zangwün azut ajangle changkox.

WANGSHEMBU MWOT 15:32

Judas hia Sila, opang aje changkya hex, hokhie tüinaohom ang zong adün ilaxle mong achenle ozulole zangwün.

WANGSHEMBU MWOT 2:17

“Zange thüile: ‘Hanpak ashukle hüikya zuma khünaknu ang kue Chasa thokle koxüi. Hünzom susabue Haxzang Kaxho khünaknu hato apuküi; hünzom naosünbue mikngün ohün ngünüi, hünzom azupabue wünmang amangüi,

FILIPI 3:15

Chasa ma tsongdaokya kem pangnu ma wüi ija tutex tüi angkya changle. Ikoxlechu hünzom züizüi ma tutex mama lom to jangtüi thüiba, Zange ija hünzom ang tsaotha le awan ang tomüi.

EFISIA 3:5

Amipongma ija huxsa bama khünaknüsa hama apuale chithom, ikoxle Zange Chasa makhange athax a ija wangshembu hia ajebu hato angaile aho.

WANGSHEMBU MWOT 13:1

Antiok angkya onok müimüithom khama züizüi ajebu tamchu nwot-mixbu tüikya. Hwom a: Barnaba, Simeon (mixnak le nyakkya), Lusia (Sirini tokya), Manahem (chongwangpa Herod füi tomle chongkya mix) üntoxle Sol.

KAXHO MÜIKYA LUK 11:49

Idaile Zang hwon-je e thüile: ‘Kue hwom hato ajebu üntoxle kaxho mixbu ahüiüi, ibu züita hwome langüi, ilaxle mamabu to zothupüi!’

MATHI 23:34

Ija khoma kue hünzom hato ajebu hia manpabu tamchu nwotmixbu ahüiüi; hünzome züizüi langüi, züita pünsak ma taküi, ilaxle züita to a sinagokbu to fitüi, ilaxle hwom a tingkhua tuita angkya ata tingkhua to le jwonle ahamüi.

1 KORIN 14:24

Ikoxle Zang kaxho pangnu apuk-apua, ipongma songsari khünak chichangba mongong ma zong chitüikya mix nguile hüi, chixe atatkya makhange chix a ochax khünak tuita changle le awan ang kop. Chixe atat daokyabu makhange chix ang kaxfün faüi,

WANGSHEMBU MWOT 21:9

Chix ang sacha hwom naocha ali tüikya; hwome Zang kaxho apuk.

1 KORIN 3:5

Jangchang thüiba, Apolo a owa? Üntoxle Pol a owa? Kwom nang, hünzom mongong hato zunle ahüi angkya hanpakma ngokya Zang da muakyabu changwüi. Kwom pangnusasae wüi Zange ma ang akoxkox mwot mokwüi.

1 KORIN 12:18

Ikoxlechu chix mongto thütkya ningle Zange tompo ma omik ochak malom-malom zingle alaipu.

2 PITAR 1:20

Ibachu pongwang ma ija tsingle koplax: Otsao Lai kax tuitachu ma mongtex ma owaechu taitsuak angkya fang münchang.

MATHI 25:22

“Hajat anyi kopkya dachu wüi ngui ilaxle thüi: ‘Nange ku ang jat anyi ngun koxpu; hopunu, ikoxle hulax, ikhama kue thalex laxle kopkya olap hajat anyichu wüi tüile!’