ROM NOK HATO ZAKYA POL LAIZA 12:2 - OTSAO BAIBEL (BSI)

² Kotok to ngünkya chaxwannu zanglom ningle taxngo, ikoxle nang khangka tutex pangnu alüixle Zang ang nang kün-mong lüi ang laxkox. Ifüima müikya chemhex, chix zongma chem müipuix, ilaxle okhonguikya chem hex: Ija Zang mongtex nange awan ang thoüi.

ROM NOK HATO ZAKYA POL LAIZA 12:2 ပူးပေါင်းရင်းမြစ်များ

1 PITAR 1:14

Zang kax ma laxle tüilax, üntoxle nange chemchu chitsingle ngotanto tüikya osing mongzao füi nang im-jo le taxtüi.

2 KORIN 5:17

Tüta mix wüi changlax, otue Khrista po ma nyemüihex, chix a tuita hozün khüzün changpu; ozang a toxdaoa, hulax, hozün ang achangle hüile.

KOLOSI 3:10

ilaxle mixzün awunlaxle ngoüna. Hünzome chix tsingwankya okhonguikya hato ahüi angkya hanpakma, zingpupae chix lailaile zingkya othuithuima azünle zing ngokya a ija tsün hozün changle.

EFISIA 5:17

Ongat ang taxchang! Ikoxle Zange nang ang chem naxmok le textüipuix, ija lomle shongkoplax.

EZEKEL 36:26

Kue hünzom ang tutex mongtsang hozün faüi. Kue hünzom ma tüile ngokya kax ma chilaxle künkhüi-mongdüi alaile awütüi ilaxle kax ma laxle tüi angkya künno-mongnaikya koxüi.

1 PITAR 4:2

Athax makhange atale tüikya hünzom chaxwannu tsün khünak küntsu monglua ma chichangle Zang mongtex ma akumathum le ngo angkya changle.

ROM NOK HATO ZAKYA POL LAIZA 12:1

Idaile, kutüi-kunaohom, Zang chingcha chongkya khoma, kue hünzom zongsaipu: Chix mwottho ma atsaole hia chix mongzom müikya lima, ma alüile ozün ma tö laxkox. Nange fase lükya otsingtsing zangshwom a ija changle.

JUHAN 15:19

Hünzom chaxwannu kux jangchang thüikoxle, chaxwannue makuxle mongkünle tüise; ikoxle hünzom a kue chaxwannu angkya zünle kopdaoa, ija khoma chaxwannue hünzom thua anu angkya changle.

MÜNCHUAK-TSAI 51:10

O Zang, ku ma mongtsaokya alaile fahüi, üntoxle khüzün hia otsao chasa ku ma shole fahüi.

ROM NOK HATO ZAKYA POL LAIZA 13:14

Ikoxle Jowanpa Jisu chang hi pax koplaxle, ilaxle chix mongtsukya, mongzom amüi ang, ochaxbu zanglom to hünzom mong ko

TITA 3:5

chixe kwom khosün. Ija ma keme lita müikya mwot mokdaokya khoma le chichang, ikoxle chix chingcha tokhange tix chixe kem khosünpu. Ija khosün mwot chixe, kem sole atsaokya ilaxle azünle puxkya hia tsün ozün fakya Otsao Chasa makhange mok.

JAKOP 4:4

Hünzom chaxwannu zuikhui ang achangkya a Zang zongto zan ang achangpu le hünzome matsing hia? Hünzome chaxwannu zuikhui ang ngose tsukya a malailai to Zang füi zan ang achangpu.

2 KORIN 4:4

Ija chaxwannu angkya baozange, zangnak to hwom khangka je apale thomkya tokhange hwome Kaxho Müikya to mongong ang chitsuak. Zang füi tuita Khrista fuazang bama tüikya Kaxho Müikya makhange hwom to nyanle hüikya zangngai ngün ang chitom le chixe hwom to abax.

JUHAN 17:14

Kue hwom ang nang kax fadaoa; chaxwannue hwom thua anule, chemthüikoxle chemle ku chaxwannu kux chichangpuix, ija ningle hwomchu wüi chaxwannu kux ang chichang koxle.

2 PITAR 1:4

Ibu tokhange kem Zang jaopo ma wom angkya üntoxlechu ochax tutex khoma laikya chaxwannu tuma wanshix tokya azangle tsuak angkya bama, chixe kem ang tsaodaokya achongkya tamchu thalix hinghobu kem ang fadaoa.

JAKOP 1:27

Zang kem Hopae, changkya üntoxle otsao zanglom ang ekya a ija changle: Hwom sikngün pongma zomnu khaxsabu to humekya üntoxle chaxwannu onu-oma chemechu nun-maokya chitüi le malailai to ibu füi atsaile ngo tsuakkya, ibibi changle.

EZEKEL 18:31

Hünzome mokle ngokya ochax pangwüi danle toxdao, ilaxle hünzom ma künzün-mongzün donglax. Hünzom Israel nok zise büthüikoxle tsupu?

MÜNCHUAK-TSAI 34:8

Jowanpa chemtukux müipuix ija nang hanpak ang lomle ataklax. Chix ma chalomlule ngo ang atakkyabu a mongmüi mixbu changle.

1 JUHAN 3:13

Ikhoma, kutüi-kunaohom, ija chaxwannu angkya khünakbue hünzom thua anukya ma taxabüt.

1 THESALONIKA 4:3

Hünzom otsao ma tamchu chinunchakkaikya füi atsaile ngo angkya Zang mongtex changle.

1 JUHAN 5:19

Chaxwannu abakle tuita haxshix fangma, keme kem a Zang kux changpu le awanpu.

EFISIA 1:18

Tamchu, chem hato chixe hünzom nyakpuix, ija monghom a chemhex, chix khünaknu hanpakma chixe tsaosax le tüikya ohünotün mohiman a otukux ahak-alua puix, (chix to ongkyabu kem ma mokle tüikya chix mwot otukux zongle tüipuix),

2 PITAR 2:20

Ama angkya chaxwannu zong chak tokya, kem Jowanpa tamchu khosünpa Jisu Khrista tsingwankya makhange khünak paole azang ang tsuak; üntoxle ifüima ibue hwom chatle kop ilaxle hwom to lütle jangchangba, iningkya khünakbu oshuk, ami owang pongkya füi ngaxchu onüi ziama ang changle tüiüi.

EFISIA 2:2

Ija pongma hünzome chaxwannu ochax manto; ding hia hax angkya chasa zongma apün-awangkyabu chasa owae athax Zang kax ma chilaxkya khünakbu akumathum le ngopuix, hünzome ija chasa kax ma lax.

MÜNCHUAK-TSAI 119:174

Jowanpa, kue nang khosün fongkya bama chemtukux sungpuix! Kue nang wanlom ma mongmüi atakle.

GALATIA 1:4

Athax pongkya ochax tsün chak tokya kem khangkho angai angkya kuxma, Zang tamchu kem Hopa mongtex kax ma laxle, Khrista-e chix tomtata kem ochax hanpakma kox.

1 KORIN 3:19

Chemthüikoxle ija chaxwannu je-hwon a Zang zongto ongat changle. Otsao Lai-e thüile: Hwom angangle tsing zai tüipongma, jetüi hwonlangkyabu, Zange tsünle amanle.

MÜNCHUAK-TSAI 119:128

Ikhoma kue nange adangle fakyabu pangwüi kax ma laxpu; Kue thaikya lom pangwüi thua anule.

ROM NOK HATO ZAKYA POL LAIZA 7:22

Ku kün-monge a Zang wanlom füi mongmüi le.

MÜNCHUAK-TSAI 119:97

Kue nang wanlom to chemtukux mongkün puix! Kue ija bama han-ahomle ajangle.

MÜNCHUAK-TSAI 119:72

Nange ku ang fakya Wanlom ku zongto müima müile, chaxwannu angkya ngun-syen pangnu füi ngaxchu wüi sümüi.

JUHAN 7:7

chaxwannue hünzom to miktsak ang müntsuak; ikoxle ijae ku to tüle tsakle; chemthüikoxle hwom lekya lomtangbu a ochax changpu le kue akax ngokya khoma.

LAIPAO 23:2

Hwome thaikya mokpongma tamchu sukya kaxfün tupangpün ang thaikya zangwün apüile changpongma, nang a ibu füito azuile taxchang.

MIKNGÜN-OHÜN 13:8

Langkya Chun Hosa kux ang tüikya khüzün laipex ma ding hi hax zingüi thoto wüi mün zale tüikyabu chi-e homtoxle chaxwannu ma ngokya khünak noke ija to shwom angkya changle.

1 PITAR 2:3

Otsao Lai-e thüile, “Jowanpa a müikya changpu le hünzome wanlax tamchu hulax.”

MÜNCHUAK-TSAI 119:103

Nange adangle fakyabu chemtukux tipuix: nax-ti füi ngaxchu sütile!

ROM NOK HATO ZAKYA POL LAIZA 7:12

Idaile chix po ma, wanlom a otsao, sukya tamchu müikya changle.

KOLOSI 4:12

Tuita Jisu Khrista da, tamchu hünzom othom kha angkya Epafra tokhange salam. Tsün tsongdaokya tamchu mong komle alüix daokya khristanbu ningle, Zang mongtex kax ma laxlaxle hünzom shingmong le ajong ang koxhüi le Zang ma jule, chixe hünzom hanpakma jento zangjople.

1 PITAR 1:18

Chemthüikoxle hünzome pupa tsün tokhange kople hüikya obato maxün angkya hünzom khüzün shak ang otha chem thompuix ija hünzome awanpu. Ija a ma ang thokya hun hia jangjong fang chichang;

JUHAN 14:30

Hünzom füi ku aluile akax ngo ang müntho; chemthüikoxle chaxwannu wanghom hüile ngole.

ROM NOK HATO ZAKYA POL LAIZA 7:14

Keme wanlom a otsao changpu le awanle; ikoxle ku a ziün angkya khünak, ochax da ang hang daokya mix tuita changle.

MIKNGÜN-OHÜN 12:9

Ija tüle chongkya dragon, owa chaxwannu pangwüi dyenkya ozang pu changpuix, tamchu owa ang Bao chichangba Haxshix le nyak, chix üntoxle chix füi tüikya kaxtaimixbu komle chaxwannu to tswonle awüt.

IZRA 10:11

Idaile athax, Jowanpa hünzom putong hwom Zang tunthoma hünzom ochaxbu ngailax, ilaxle chix zongto chem müipuix ija mokkox. Kem haxtok ma ngole tüikya hia hünzome kako ang laxle apüikya mixnokcha, ibu füi hünzom atsaile ngoün.”

MATHI 13:22

Züizüie kaxho atat ikoxlechu chaxwannu tsün bama ajang tamchu tuina to asingkyae athakle asam; ibu a fum khato dütkya, oziak chidünkya tsaxtsangbu ningle changpu.

MARK 4:19

Ikoxle chaxwannu bama abankya tamchu ngun syen tokya nüfux hia mamabu to asingkya, ibu chix ma nopkyae pongle kopthom daokya kaxho to alum, ile ijae oziak dün ang chitom.

KOLOSI 1:9

Ikhoma kwome hünzom bama atatle hüikya tokhange wüi hünzom hanpakma zangjople hüikya changpu. Otsao Chasae fakya hwon-je hia tsingle tsuakkya pangnu füi, tsingwankya chix mongtex füi hünzom awang ang laxkoxle kwome Zang to joppu.