ROM NOK HATO ZAKYA POL LAIZA 12:16 - OTSAO BAIBEL (BSI)

¹⁶ Pangnu hanpakma tuitex tomwüi tüikox. Taxngam taxzam, itülüi jonai mwot pongle kopkox. Nang lualua to jetüi hwonlangpa le taxthüt.

ROM NOK HATO ZAKYA POL LAIZA 12:16 ပူးပေါင်းရင်းမြစ်များ

1 PITAR 3:8

Oshuk ang: Hünzom pangwüi mong tuita ma, chingcha jajakya tüi-hi-nao ningle künkak mongkün füi mong nonai tamchu künsom mongdang le changlax;

WANWÜNKAX 3:7

Nang zongzong ma nang a jepa tuitale taxajang; ikoxle tangthole Jowanpa kax ma laxle tüilax ilaxle thaikya mwot taxmok.

IBRI 13:5

Ngun to kün-luakya füi hünzom atsaile ngolax, üntoxle hünzom ma ma tüikya füi mongzom müile ngolax, chemthüikoxle Zange thüile: “Kue nang otuechu danle müntox; kue otuechu nang awütle müntox.”

ISAIA 5:21

Hünzom a maxdaoa! Hünzome hünzom a hwontüi-jelangkyabu, tüle tsingzaikyabu le thütle.

ROM NOK HATO ZAKYA POL LAIZA 15:5

Ilaxle adu angkya hia zong adün angkya otong a owa changpuix, Zang chixe, Khrista ningle saxmok koxle ija mongtex tuita hünzom machu tüi ang naxfa;

ROM NOK HATO ZAKYA POL LAIZA 12:3

Zange ku ang fakya hingho khoma, kue hünzom pangwüi ang thüipu: Hünzome ozyakai le ma alüile chongbongkya ang taxajang. Itülüi, nang mongjang ma mong nonai tüikox. Üntoxle Zange ma ang fale thomkya mongong ma thütlaxle ma kaxfün fakox.

1 KORIN 3:18

Owaechu ma alüile taxdyen, owawae athaxpongkya chaxwannu chifün ma chix a jetüi hwonzaikya mix tuita changpu le jangtex, otsing tomtata ma je-hwon füikya mix ang achang angkya kuxma, chix a ongat ang achang angkya changle.

2 KORIN 13:11

Kutüi kunaohom, athax a ngodao! Nguiwangkya atak ang atinlax; ku zangwün to natha hüi; tata füi tsaitun-kaxtun tomle tüihüi; mongsom ma ngohüi. Mongkün hia mongsom Zang hünzom füi ngohüi.

ROM NOK HATO ZAKYA POL LAIZA 11:25

Tüinaohom, hünzome tsingle naxlax laxsele ku mongto thütkya otsingtsing huxsa zangwün tuita tüile. Nang obukux hwontüi jezai mix hex, ija aju-ajang ang chifale kue nang tsyenle thomüi. Ija a ija changle: Israel khünaknu mongkhüikya othuithui hanpak ang münchang, ikoxle mixnok komle Zang hato mahüikya wawama ngoüi.

KAXHO MÜIKYA LUK 14:13

Otue nange fongkhaüi hex, mixshix-zasabu, chifai-chaknyaibu, üntoxle miksut nababu ahyenkox;

WANWÜNKAX 26:12

Je-hwon chitüi khato jetüi-hwonlangkya mix ningle thütkya khünak tuita füi a mongkho ojao chinguikya anga tuita wüi sümüi.

1 KORIN 8:2

Owawae chixe hidaole tsingwanpule jangtex thüiba, chixe chem tsingwanse hex ija chixe ojao matsing ma-awan.

1 KORIN 6:5

Kue ija hünzom zak akople akaxpu. Hünzome tüinao tata bama zangwün azutle fatang je-hwon füikya mix hünzom khama owangaxchu müntüi changa nyi?

JEREMIA 45:5

Nange nang hanpakma süile hume fa angkya olom lomle ngopia? Ile otuechu taxmokngozi. Kue khünaknu pangnusa hato thama-thomshix ahüile ngopu, ikoxlechu nang a, nang apaopao khato khangkho sünle ngo ang tomüi. Ija kax Jowanpa, kue akaxdaoa.”

FILIPI 4:2

India hia Sintik nyi, kue hünkhi ang thüipu: Chingchalaxle Jowanpa ma na-hi-naohom ningle hünkhi tsaino-kaxno tomhüi.

1 KORIN 4:10

Khrista kuxma kwom ongatbu, ikoxle hünzom a Khrista ma jetüi hwonlangkyabu. Kwom a shonaile ikoxle hünzom a tsakzongle. Kwom a wünhaile ikoxle hünzom a achuak achenle!

KAXHO MÜIKYA LUK 6:20

Jisu-e wangshembu to hulaxle thüi: “Mohiman a hünzom zasabu; Zang Wangting a hünzom kux!

MATHI 26:11

Chitüi chinangkyabu hünzom füi othuithuima ngo angkya changle, ikoxle ku a hünzom füi othuithuima ngo angkya chichang.

MATHI 11:5

Mikduakbue ngün ang kople; cha faikyabu aham ang tsuakle; angwonkyabu kak müile; naba mixe atat ang kople; zidaokyabu anaole zole; ilaxle mixshix-zasabu hato Kaxho Müikya apuk ang tomle.

1 PITAR 5:3

Hünzom ang nyehüio le koxle thomkyabu thakma hopunu ang chichang homtoxle hwom tu ma hünzom apyen angkya tuita ang achangkox.

FILIPI 3:16

Ija atix tütale wüi changlax, anyix kople keme tole hüikya taningkya wanlombu ningle kem thochi to lehax.

FILIPI 1:27

Khrista Kaxho Müikyae lomkya ningle hünzom zanglom saikha tüi angkya mwot changle. Ile changkoxle tix ku hünzom hato chatle ngui angkya chitsuak koxlax tsuak koxlax; Kaxho Müikya apuk angkya bama mongtex tuita ma tomle, ku füi chakta le hünzom ajongle tüikya, hünzom bama müikya kax-ngao kue atat ang kopüi.

1 KORIN 1:10

Kem Jowanpa Jisu Khrista mün ma kue hünzom füi akaxpu, kutüi-kunaohom, hünzom khama ahak ahanle chitüi angkya kuxma, hünzom tuita ma tsaino-kaxno tomlax;

WANGSHEMBU MWOT 4:32

Mongong mixbu kün-mong tuita ma ngo. Owaechu ma ma tüikya makux changpu le chithüi: ikoxle hwom ma atüitüi pangnu wüi tata füi azut-ahanle lax.

JEREMIA 32:39

Kue hwom ang tsün ma mwotli tuita wüi koxüi: ija a, hwom tamchu hwom su-sa hwom fünmüi angkya hanpakma, hwome othuithuima ku chathua zale ngo angkya.

WANWÜNKAX 19:22

Osing-nüfux tüi angkya a müikya oli münchang; Kaxthai zangwünkyabu füi zasa ang ngokya wüi sümüi.

WANWÜNKAX 19:17

Chemtue nange chitüi-chinangkya khünak ang kox-zunle changpuix, ija a Jowanpa ang koxle thomkya ningle changpu; Jowanpae ija nang ang achatle fa-angkya changpu.

WANWÜNKAX 19:7

Chitüi-chinangkya khünak tuita a chix haxnu-homsabu mwot chem ngaxchu münthap; chix ang zuikhui chitüikya bama abüt angkya jao müntüi. Chix tüle chu naxazong, chixe tuita ngaxchu machi to kop ang müntho.

JOB LAIPEX 36:5

Zang chemtukux tsak-zongle tüipuix! Chixe owachu münahai; Chixe chitsingkya chemchu müntüi.

2 PUKAX-PANGAO 30:12

Wanghompa hia chix nguakax-wangkhobu kaxtom to le chix mongtex kax ma laxle chang angkya bama ma küntsu monglua to hwom pangwüi motomle chang angkya hanpakma Zang-e Judah ma mwot mokle tüikya.

3 JUHAN 1:9

Müimüithom hato kue moxmoxle tuita laiza kox; ikoxle hwom khama lompa ang chix achangse tsukya Diotrefa-e ku kax to na ojao chitha.

ROM NOK HATO ZAKYA POL LAIZA 6:2

Ile otuechu münchangüi! Kem ochax ma zidaoa: ikoxle ija ma wüi kem chemle ngole hüiüi?

WANWÜNKAX 17:5

Nange mixshix-zasabu chanyi-wanjaile jangchang, nange ija hwom zingkya Zang adapu. Owawa shoma to nang ang mongmüikya jangtüi thüiningle nang ang sikangünkya tüiüi.

WANWÜNKAX 26:5

Ongat kaxtik to ongat kaxlan fakox, ile chichang thüiningle chix mik-hu ma alüile chix a jetüi-hwonlangkya mix changpule ngamkya tüiüi.

ROM NOK HATO ZAKYA POL LAIZA 11:20

Ija changtomtapu. Hwome chiongkya khoma hwom pakle awütpu, hünzome mongongkya khoma hünzom oting ma sütle ngopu. Ikoxlechu ija bama bong-chong le taxtex; itülüi zale mix zalax.