ROM NOK HATO ZAKYA POL LAIZA 11:7 - OTSAO BAIBEL (BSI)

⁷ Jangchangba chem? Israel noke hwom lomle ngokya chiatak. Zange zünle kopkya khünak huak hidaole tüikyabue tix ija atak; mamabu ang a Zange nyakkya atat ang naba.

ROM NOK HATO ZAKYA POL LAIZA 11:7 ပူးပေါင်းရင်းမြစ်များ

2 KORIN 4:4

Ija chaxwannu angkya baozange, zangnak to hwom khangka je apale thomkya tokhange hwome Kaxho Müikya to mongong ang chitsuak. Zang füi tuita Khrista fuazang bama tüikya Kaxho Müikya makhange hwom to nyanle hüikya zangngai ngün ang chitom le chixe hwom to abax.

ROM NOK HATO ZAKYA POL LAIZA 9:18

Idaile chixe chingchase le texkya mix to Zange chingchale, ilaxle chixe mong akhüi ang koxse lükya mix ang chixe mong khüi ang koxle.

ROM NOK HATO ZAKYA POL LAIZA 11:25

Tüinaohom, hünzome tsingle naxlax laxsele ku mongto thütkya otsingtsing huxsa zangwün tuita tüile. Nang obukux hwontüi jezai mix hex, ija aju-ajang ang chifale kue nang tsyenle thomüi. Ija a ija changle: Israel khünaknu mongkhüikya othuithui hanpak ang münchang, ikoxle mixnok komle Zang hato mahüikya wawama ngoüi.

ROM NOK HATO ZAKYA POL LAIZA 11:5

Athaxchu ija lailaile, chix chingcha khoma, Zange zünle kopkya khünak huak hidaole tüile.

EFISIA 1:4

Chix pomtho ma kem otsao ang achang angkya ilaxle thaikya chemchu chitüile chang angkya bama, Khrista füikya notom ma kem, Zange kem amiba wüi chix hanpak ang zünle thom daokyabu changle.

2 KORIN 3:14

Otsing tomtata ma hwom mongka chidap; ilaxle anyix kople hwome ozang Tsaotsüt laibu ekya zuma, hwom tutex mongtsang ija ozang nyie wüi khung laxle tüile. Khünak tuita Khrista füi notomkya zuma tix ija thünkhung nyi awütüi.

ROM NOK HATO ZAKYA POL LAIZA 9:23

Kem opang chix fuazangkya kop angkya hanpakma chixe achwon, kem chix mohiman pe ang thokle koxkya chix fuazangkyachu wüi chixe ngaile ahose le tex.

FILIPI 1:18

Hwome tütale wüi thütngo koxlax, chem münchang! Mongtex sukya lom makhange wüi changlax, chisukya lom makhange wüi changlax, tsuakkya olom ma Khrista apuk-apuale jangchangba müipu, ija khoma ku mongmüipu. Üntoxle ku mongmüi le wüi ngoüi,

1 KORIN 10:19

Ija ku kax a, chapa chichangba ija ang koxkya süt lita thakho nguile le thüikya kax changdaicha?

ROM NOK HATO ZAKYA POL LAIZA 10:3

Zange khünak füi muamüi ang lomkya olom hwome ma-awan, ilaxle hwome Zang zongma sukya lom hwom lailai to zingle lax ang azongle; ilaxle Zange khünak füi muamüi angkya olom tandaokya hato hwom hüise müntsu.

ROM NOK HATO ZAKYA POL LAIZA 6:15

Ikoxle chem? Zang chingcha fangma ngowüi, wanlom fangma ngokya chichang khato le keme ochax lyenüi hia? Ile otuechu münchang!

ROM NOK HATO ZAKYA POL LAIZA 3:9

Jangchang thüiba, kem Jehudi khünakbu chifün mixnokbu füi oli tuita ma ngaxchu müicha hex? Tütama ngaxchu münmüi! Jehudi khünakbu ilaxle mixnokbu pangnusa wüi talailaile ochax zonge womle tüile le kue thoto wüi ahodaoa.

JUHAN 12:40

“Zange hwom miksutbu ang achang daoa, ilaxle chixe hwom mongtsang atsakdaoa; ile chichang hwome mik füi ngünse; ma mongtsang füi ajang ang those; ilaxle hwom mong chatkoxle, kue hwom müi ang tomse.”

KAXHO MÜIKYA LUK 13:24

Chixe hwom ang thüi: “Hitkya fülom makhange le ang zongbakle azonglax; chemthüikoxle imakhange le ang noknusa wüi azonghuüi ikoxlechu noke münthoüi.

ISAIA 44:18

Iningkya khünakbu a hwome chem mokpuix ija awan ang ngaxchu chithokya ongatbu changpu. Hwome otsingtsing hanpakma ma mik hia mong ka hakle.

ISAIA 6:10

Ifüima chixe ku ang akax: “Ija khünaknu kün-mong oba ang achang kox, hwom nabu ba ang tomkox, hwom mikbu apwom ang tomkox, ikoxtix hwome ngün ang chithoüi, atat ang münthoüi, ilaxle tsingle lax ang münthoüi. Hwome ile tsuakle jangchang, hwom ku hato mong lüile hüiüi ilaxle kakmüi angkya ataküi.”

WANWÜNKAX 1:28

Ipongma hünzome je-hwon to nyaküi, ikoxlechu kue münlanüi. Hünzome ku pangnu chito lomüi, ikoxlechu hünzome ku münatak.

1 PITAR 1:2

Jisu Khrista kax ma laxle tamchu chix aji makhange atsaole ngo angkya hanpakma Hopa Zang mongtex makhange zünle kopkya tamchu chix Chasa makhange otsao khünakbu ang zingle tüikya a hünzom changle. Chingcha hia mongsom okhongui le hünzom kux ang naxchang.

IBRI 12:17

Hünzome awan, ofüima chixe hopa mohiman laxsele tsu; ikoxlechu chixe ija pongle chilax, chemthüikoxle mikfi tunji le chixe ija lomkoxchu, chixe chem mokdao laxpuix, ija alüix angkya olom chiatak.

MARK 6:52

Hajat aga khünaknu tuxle ohünotün mwot ahokya chem hanpak hex hwome awan ang chitho; chemthüikoxle hwom monge ija ajang ang chitsuak.

EFISIA 4:18

Zange fakya tsün ma hwom hak angkya jao münchang, chemthüikoxle hwom a ojao chitsing chiwan ilaxle kheba chithüikyabu changle.