ROM NOK HATO ZAKYA POL LAIZA 11:11 - OTSAO BAIBEL (BSI)

¹¹ Ifüima atüi: Jehudi khünakbu asuakya zuma, hwom olithu ang nguakpia? Ile ojao münchang! Chemthüikoxle hwome ochax lyen, ilaxle hwom nüfux naxdong ang mixnokbu hato khosün apüi.

ROM NOK HATO ZAKYA POL LAIZA 11:11 ပူးပေါင်းရင်းမြစ်များ

ROM NOK HATO ZAKYA POL LAIZA 11:31

Ija lailaile, hünzome atakkya chingcha khoma, Jehudi khünakbue Zang kax ma chilax, ija a athaxpi hwomechu Zang chingcha kop angkya hanpak changle.

ROM NOK HATO ZAKYA POL LAIZA 11:12

Jehudi khünakbu ochaxe zangfang hato huanuma mohiman apüi, ilaxle hwom chasa chima tuinokyae mixnokbu hato huanuma mohiman apüi. Ilaxle Jehudi khünak huak komle athütkya zuma mohiman otukux chongle changüihex!

ROM NOK HATO ZAKYA POL LAIZA 10:19

Anaolechu kue atüi: “Israel noke tsinglax ma?” Pongwang ma Mosa-e lan, “Kue manok chichangkyabu ang, hünzom to miktsak ang koxüi; mixnok angabu tokhange, kue hünzom ang mongtsik adünüi.”

ROM NOK HATO ZAKYA POL LAIZA 11:14

Ku mwot ma ku mong ngamkya to ku füi mamixbu ang osing dong ang koxüi, ilaxle ile ku khoma hexle Zange züizüi kho thüingaxchu sün angkya hanpakma.

WANGSHEMBU MWOT 18:6

Otue hwome chix mwot abax üntoxle chix ang kaxma thüipuix, chixe ma nyi angkya khui hong üntoxle kaxza zongle akax: “Hünzom max-sam koxle, hünzome ma to alüile jualax. Ija bama ku hünlix münchang. Athax makhange ku mixnokbu hato paoüi.”

EZEKEL 18:23

Ochax khünakbu zikkya ngünlaxle ku ang mongmüile le nange thütpuix nyi?”, le Jowanpa Khüthak Zang-e atüi. “Ile münchang, itülüi kue hwom künlop-monglüi laxle ozün ma ngokya ngünse tsupu.

ROM NOK HATO ZAKYA POL LAIZA 11:1

Ifüima kue atüi; Zange chix khünaknu chilaxle awütpia? Chemthüikya to! Ku ngaxchu Benjamin homjen khama Abraham sixli, tuita Israel khünak changpu.

EZEKEL 18:32

Kue opupuchu naxzile münthüt. Hünzom ochaxbu tokya mongchatle changlax, le Jowanpa Khüthak Zang-e akaxle.”

WANGSHEMBU MWOT 13:42

Pol hia Barnaba nyi sinagok angkya laile paoüi to, ija kaxmik wüi chatlechu anaokya nazak nyixchu akax angkya bama khünaknue hokhi ang thüi.

EZEKEL 33:11

Hwom hama, ku a mongao chitüikya ozün ma ngokya Jowanpa Khüthak Zang changpu, ochax khünakbu max-samkya to ku mong münmüi. Itülüi kue hwom a, ochax mwotbu dantoxlaxle ozün ma ngokya ngünse tsule. Israel nok, hünzome mokle hüikya ma ochax mwot zakün. Hünzom zise büthüikoxle tsupu?

KAXHO MÜIKYA LUK 20:16

Chix nguiüi, üntoxle ibu manzai mixbu pangnu wüi oli thule amütüi üntoxle ija grep haxtok mama manzai mixbu ang koxüi.” Üntoxle ija kax atatkya zuma hwome thüi: “Ile büle changüi?”