ROM NOK HATO ZAKYA POL LAIZA 10:6 - OTSAO BAIBEL (BSI)

⁶ Ikoxle mongong makhange muamüi angkya bama akaxkya kax a ija changle: “Zangkangting to owa dongüi?” (Ija a Khrista jo ang).

ROM NOK HATO ZAKYA POL LAIZA 10:6 ပူးပေါင်းရင်းမြစ်များ

WANWÜNKAX 30:4

Tütuechu zangkangting je-hwon bama komkaile awankya mix tüicha? Tütuechu owawae hwom chak ma zangwin kop ang thokya mix tüicha? chichangba nyitsyensa ma ti akütle kopkya mix tüicha? chichangba chaxwan longzibu ziazütle tsuakkya mix tüicha? Hünzome jangawan, ibu a opang? Hwomsu-hwomsabu a opang?

JUHAN 6:58

Ija tix zangkangting tokya jukya süt changpu. Ija a hünpu hünpa hwome saxlaxle zikya manna ningle chichang, ikoxle owae ija süt saxlaxüi hex, oshuk chitüi le ozün ma ngo ang ataküi.”

FILIPI 3:9

Wanlom to pongma atakkya ningkya chasa otsao athaxpi kuma müntüi. Athaxpi kuma Khrista to mongongkya makhange kopkya Otsao Chasa tüile, oja Chasa Otsao Zang tokhange hüikya hex üntoxle mongong chifün ang laxlaxle tüipuix.

ROM NOK HATO ZAKYA POL LAIZA 4:13

Zange Abraham hia chixsu chixsabu ang, zangfang hwom kux ang achangüile tsaosax. Ija tsaosüt fakya a, Abrahame wanlom kax ma laxkya khomale münchang, ikoxle chixe Zang to mongong ilaxle Zange chix a otsao khünak tuita le laxkya khoma changle.

ROM NOK HATO ZAKYA POL LAIZA 3:22

Hwome Jisu Khrista to mongongkya tokhange Zange khünak chix füi mua amüi ang koxle. Zange ija Khrista to ongkya pangnusa hanpakma mokle, chemthüikoxle ikhama malili le chemchu müntüi!

IBRI 11:7

Chixe ngün ang chitho koxlechu Noa ang füichi hanpakma Zang kaxfün atat ang tomkya a mongong changkya. Chixe Zang kax ma lax üntoxle khua müi, oja mong ma chix tamchu hwom kako pangwüi khosün puix. Ikhoma, chaxwannu a max ang tom, üntoxle Noa-e Zang angkya mongong makhange hüikya otsao mantswon kop.

IBRI 1:3

Zang fuazangle fakya chix makhange aho üntoxle chix kax makhange Zange ding hia hax ozün ma thomkya chix a Zang jaojao changpu le aho. Khünaknüsae ochax thailak atak ang kop füima, chix zangkangting to Zang, thüikoxle pangnu thak angkya Zang tsaxchi ma thungle tüile.

ROM NOK HATO ZAKYA POL LAIZA 3:25

Chix to ongkya hwom mongong makhange, chix zikyae khünaknu ang ochax thailak atak angkya olom ang naxchangle Zange chix komkaile kox. Chix otsao aho angkya hanpakma Zange ija ile mok. Ledaokya wan ma a chix adule ngo üntoxle khünaknu ochax bama zax chihunle hulanle hu;

JUHAN 6:38

chemthüikoxle ku a zangkangting tokya, ku mongtex ma mok ang chichangle, ku tsanle ajokya mix mongtex ma mok ang nguipu.

JUHAN 6:33

Chemthüikoxle Zange fakya süt a zangkangting tokhange hüi ilaxle chaxwannu ang tsün fakya mix a chix changpu.”