ROM NOK HATO ZAKYA POL LAIZA 10:3 - OTSAO BAIBEL (BSI)

³ Zange khünak füi muamüi ang lomkya olom hwome ma-awan, ilaxle hwome Zang zongma sukya lom hwom lailai to zingle lax ang azongle; ilaxle Zange khünak füi muamüi angkya olom tandaokya hato hwom hüise müntsu.

ROM NOK HATO ZAKYA POL LAIZA 10:3 ပူးပေါင်းရင်းမြစ်များ

FILIPI 3:9

Wanlom to pongma atakkya ningkya chasa otsao athaxpi kuma müntüi. Athaxpi kuma Khrista to mongongkya makhange kopkya Otsao Chasa tüile, oja Chasa Otsao Zang tokhange hüikya hex üntoxle mongong chifün ang laxlaxle tüipuix.

KAXHO MÜIKYA LUK 16:15

Jisu-e hwom ang thüi: Hünzome hünzom alüile khünak thüntho ma hünzom chithai kya ang achangle, ibachu Zange hünzom kün-mong awanle; chemthüikoxle khünak zong to thanu-juapa le ekya bwot Zang zongma tüta ziakhochu münngui.

2 KORIN 5:21

Ikoxle chix füi notomkya tokhange, kem, Zang otsao ma wom angkya kuxmale, ochax chitüikya Khrista, Zange ochax ang achang.

ROM NOK HATO ZAKYA POL LAIZA 5:19

Üntoxle mixhuak tuitae kax ma chilaxkya khoma khünakbu huanuma ochaxbu ang achangkya ningle, ija lailaile mixhuak tuitae kax ma laxkya khoma khünaknu huanuma Zang füi muamüi ang tomüi.

ROM NOK HATO ZAKYA POL LAIZA 1:17

Chemthüikoxle Kaxho Müikyae Zange khünaknu chix füi mua amüikya ngaile ahole; owang tokhange oshuk kople ija a mongong makhange tix changüi. Otsao Lai kax ma tüikya ningle: “Mongong makhange Zang füi owa muamüi laxpuix (chix) ozün ma tüile.”

ROM NOK HATO ZAKYA POL LAIZA 3:22

Hwome Jisu Khrista to mongongkya tokhange Zange khünak chix füi mua amüi ang koxle. Zange ija Khrista to ongkya pangnusa hanpakma mokle, chemthüikoxle ikhama malili le chemchu müntüi!

ISAIA 57:12

Hünzome chem mokpuix ija sukya changpule hünzome thütle, ikoxlechu hünzom zanglom kue kotok to alaiüi, ipongma hünzom chapabue hünzom asun ang chithoüi.

ISAIA 51:8

hwom a saxe saxdaokya nyi-za ningle samle paoünüi! Ikoxle kue koxkya khosün a jento ngoüi; kue lütkya a othuithui hanpak changpu.”

KAXHO MÜIKYA LUK 10:29

Ikoxlechu Wanlom tsingpae chix lualua to chix supu le aho ang Jisu ma chatle ile atüi: “Ikoxle ku zongma tomzi owa?”

ISAIA 56:1

Jowanpae chix khünaknu ang thüi: “Chem supuix tamchu oja changpuix ija moklax, chemthüikoxle lebama wüi kue hünzom khosün angkya changle.

NEHEMIA 9:33

Kwom to sikangünkya bama nange sukya mwot mokpu; Kwome ochax lyenle changkox ngaxchu, nang mongong ma chiale.

ISAIA 64:6

Kwom pangwüi ochaxe awangle ngo; müile mokpu lükya kwom mwot ngaxchu othai ang wüi changle nui. Chemthüikoxle kwom a kwom ochax makhange jumle dütkya pünchak zangwin to pikle paongokya ningle chang.

MÜNCHUAK-TSAI 71:19

Zang, nang otsaoe zangdingkho alople tüile. Nange tüle chongkya mwot mokle tsuakdaoa; nang lailaikya owachu müntüi.

JOB LAIPEX 33:27

Chixe noknu tunthoma akaxüi: “Kue ochax lyendaoa. Kue changle chimok, ikoxlechu kua Zang-e panle thompu.

LIWI 26:41

oja khoma kue hwom hato tok aho ilaxle hwom mixnok zanpabu haxtok to samle ngo ang koxpuix, ibu ochax pangwüi hünzom su-sabue angaile thailak tüihüile thüiüi. Chemtue hünzom su-sabue hwom ochax hia pupabu ochax bama thathom tsuaklaxle puinaile changüihex,

2 PITAR 1:1

Jisu Khrista wangshem tamchu chix da tuita Simon Pitar tokhange: Zang hia khosünpa Jisu Khrista otsao ma hwom füi tomle tuita thalix mongong kopkyabu hato:

ROM NOK HATO ZAKYA POL LAIZA 3:26

ikoxle athax pongea, chix otsao aho angkya hanpakma, chixe khünak ochax bama khünzule hu.

MANGSOP 3:22

Mong chiathokya Jowanpa mongkün chingcha otyatya wüi tüile,

DANEL 9:24

“Anüt anütle othom anüt zanglao a Zang-e hünzom khünakbu hia otsao tingnu ochax hia chichang-chizangkya chak tokya danpan angkya Zang hanpak zanghan changpu. Thaikyabu pangwüi thailak tüiüi ilaxle oshuk chitüile sukya zingle dan, ikoxtix mikngün-ohün hia jekax otsingtsing ang achangle laiüi, ilaxle ija otsao Zangshwom-Hom a jople atsaoüi.

ISAIA 51:6

Zangdingkhobu to angakle hulax; chaxwannu to hunolax! Zangdingbu a wünkhut samkya ningle samle paoünüi; chaxwannu a nyitsyen buikya ningle sumle paoünüi, ilaxle khünaknu pangwüi hwom zikya ningle zile paoünüi. Ikoxlechu kue apüikya khosün a jento ngoüi; kue lütkya ija a oshuk-okim changüi.

TSAITONG-KAXTONG 6:25

Keme mongong tüikya füi Zang-e fakya kaxtom pangwüi kax ma laxle jangtüi, chix ang kem füi mongmüikya tüiüi.’

ISAIA 51:1

Jowanpae thüi: “Ku kax apalax, hünzom khosünse le tsukyabue, hünzom ku hato fongkya lomle nguikyabue. Nang ojong tokhange nguipuix ija longnu ajang koplax, ojong longthwot nui angkya nang thole alaipuix, ija a.

ROM NOK HATO ZAKYA POL LAIZA 10:2

Hwome Zang to zule mongkoxkya bama ku kaxkhi angchu changtsuakse. Ikoxle hwome mong koxkya otsingtsing man-ngünkya chichangba changkya lom ma man-ngünkya chifün ang laxlaxle koxkya münchang.

ROM NOK HATO ZAKYA POL LAIZA 10:20

Ilaxle ija akax ang Isaia mong süchong chongle chong, “Ku lomle chingokyabue ku atak, ku chiatüituakyabu hato ku ngui.”

ROM NOK HATO ZAKYA POL LAIZA 11:7

Jangchangba chem? Israel noke hwom lomle ngokya chiatak. Zange zünle kopkya khünak huak hidaole tüikyabue tix ija atak; mamabu ang a Zange nyakkya atat ang naba.