ROM NOK HATO ZAKYA POL LAIZA 10:18 - OTSAO BAIBEL (BSI)

¹⁸ Ikoxlechu kue atüipu: Hwome kaxho chiatatkya otsing changlax ma? Hwome atat tomta daoa; chemthüikoxle Otsao Lai kax ma tüile: “Hwom kaxzing chaxwannu pangnu khato ka; hwom zangwüne haxtua zangnam alople.”

ROM NOK HATO ZAKYA POL LAIZA 10:18 ပူးပေါင်းရင်းမြစ်များ

MÜNCHUAK-TSAI 19:4

Ikoxlechu hwom kaxho chaxwannu pangnu khato pule paopu, üntoxle chaxwan otua ozang alople atat ang koppu. Zanghan hanpakma zangdingkho to chix hom zaile koxpu;

ROM NOK HATO ZAKYA POL LAIZA 1:8

Pongwang ma hünzom pangnu hanpakma, Jisu Khrista makhange kue Zang ang münchong fapu; chemthüikoxle hünzome Jisu Khrista to mongongkya zing zangfange atat ang kople ngole.

MATHI 24:14

Ilaxle Zang Wangting bama ija Kaxho Müikya chaxwannu nok pangnu chito kaxkhi ang apuküi; ija füima tix oshuk hüiüi.

1 THESALONIKA 1:8

Mesidonia hia Akaia makhange hünzom angkya Jowanpa kaxho tata paokya chichang, ikoxle Zang tokya hünzom mongong bamachu wüi pangnu chito pule pao. Ifüima kwome akaxse lükya oli chemchu müntüi.

KOLOSI 1:23

Zangfang ma tüikya chakzing pangnu hato anwot-anokya oja Kaxho Müikya hünzome atatle lax, ilaxle ku Pol oja bama thothapa ang achang, ija Kaxho Müikya monghom angkya chiachikchex le mongong ma jang ajong thüiba, hünzom chix füito wom ang tomüi.

KOLOSI 1:6

Pongwang ole atatkya nyix ijae hünzom mong alüixkya üntoxle Zang chingcha chongkya tsingle lax ang fakya lailaile, hünzom hato hüikya Kaxho Müikya tuitata wüi khünaknu tsün lüile koxle chaxwannu faole aham ngole.

MARK 16:15

Chixe hwom ang thüi: “Hünzom a chaxwannu pangnu khato paokox; khünaknüsa hama Kaxho Müikya apukkox.

MATHI 28:19

Idaile khünak pangnu hato tamchu nok khato paokox ilaxle hwom ku wangshem ang achangkox; Hopa, Hosa, Otsao Chasa hwom mün ma ibu bapti le laxkox.

MATHI 26:13

Athax ija mong ma koplax! Ojongpang to Kaxho Müikya apukle paoüi hex, ija chaxwan pangnu khato, ija mixchae mokkya mwot bama she texle atak ang wünüi.”

JEREMIA 16:19

Jowanpa, nang a ku kho-awakya tamchu ku ang tsak-zong koxkya Zang changpu; kue sikngün apongle changpongma nange ku to asun. Haxtua-zangnam tokhange jat-li pangwüi nang hato nguiüi ilaxle thüiüi: “Kwom pupa hwom ang othai baozang, laxli chitüikya chapabu boma chemchu müntüidaoa.

MATHI 4:8

Anaolechu chix haxhua atsuakya khato dünlaxle, chaxwannu angkya tingnubu tamchu ibu zaxzangkyabu aho.

ISAIA 52:10

Jowanpae chix otsao tsak-zong twonüi; chixe chix khünaknu khosünüi, ilaxle ija zangfang pangnusae ngünle laxüi.

ISAIA 49:6

Jowanpae ku ang thüi: “Ku dapa, nang hanpakma ku ang chongkya mwot tuita tüile. Nang a achongkya ang achang angkya tata le münchang Israel khünaknu opang ozün ma tüipuix, ikoxle kue nang a chaxwannu nok hanpak ang zangngai ang zingüi — ikoxle tix zangfang abakle sün ang tho angkya chang koxle.”

MÜNCHUAK-TSAI 98:3

Achuak-achenle tamchu mongkün füi chixe Israel khünaknu ang hwom füikya chix kaxtsao thomle Khünak pangnue nok khato kem Zang-e lütkya ngün ang kople.

MÜNCHUAK-TSAI 22:27

Chaxwan angkya pangnu jat-lie Jowanpa texle ataküi. Chaxwan pangnu chitokhange hwom chix hato chatüi; pangnu jat-lie chix tongshwomle changüi.

ISAIA 24:16

Otsao jat-li, Israel nok achuakle haxtua-zangnam tokyabue tsai ngaokya keme atatüi. Ikoxlechu ku hanpakma monghom angkya müntüi! Ku a ngat-to ngohomle! Khohang mixbue chizakle khohang ngole, ilaxle hwom huxtsing-loptsang mwot ozia süma-sümale male paole.

1 WANGHOMBU 18:10

Ozün ma tüikya nang Jowanpa mün ma kue tsaosaxle thüipu, wanghompa-e chaxwan pangnok-jating towüi nang lom angkya kax koxdaoa. Chemtue onok tuita angkya wanghome nang hwom haxtok ma müntüile kax koxpuix, Ahap-e ija wanghom ang nang atak ang münthopule tsaosax ang tompu.

ROM NOK HATO ZAKYA POL LAIZA 15:19

Idaile Jerusalem makhange Elirikam alople ahamkya bama lomjang fole, Khrista bama Kaxho Müikya komkaile apuk-apua daoa.

WANGSHEMBU MWOT 28:23

Ifüima hwome hanpak nyixta tyale tox ilaxle ija nyix khünakbu Pol füi apong ang chix ngwotnui to ngui. Swom makhange hanhom ma thule chixe Mosa wanlombu hia ajebue zakya kaxbu apüilaxle akhix akhanle apuakya tokhange hwom mong anom-anai ang azong.

MARK 16:20

Wangshembue pangnu khato pao ilaxle hwon-ano; ilaxle Jowanpa-e hwom füi tomle mwotmok; ile otsingtsing chix changpule münwan füi kaxkhi alai le, hwom makhange ohünotünbu mwot mok ang tom.

WANGSHEMBU MWOT 26:20

Hwom ochaxbu tokya mong chatle Zang hato hüi angkya wüi changle üntoxle mong chatüna le ahokya mwotli mok angkya changle.

WANGSHEMBU MWOT 1:8

Ikoxlechu wüi Otsao Chasa otue hünzom ma nguiüihex, hünzome tsakzong kopüi, üntoxle hünzom a Jerusalem ma, Jehudi hia Samaria pangnu khato, üntoxle chaxwannu okhui apongle ku bama kaxkhi fa angkyabu ang achangüi”.