ROM NOK HATO ZAKYA POL LAIZA 10:12 - OTSAO BAIBEL (BSI)

¹² Ija ma pangnu wüi womle, chemthüikoxle Jehudi nok hia mixnok le süikya kha chemchu müntüi; Zang a nok Jowanpa, ilaxle chix mün lünkyabu pangnu hanpakma mohiman okho changle.

ROM NOK HATO ZAKYA POL LAIZA 10:12 ပူးပေါင်းရင်းမြစ်များ

FILIPI 4:19

Khrista Jisu makhange chix ma okhonguile tüikya tuina makhange ku Zange hünzom ang laxlili komle fa angkya changle.

MIKNGÜN-OHÜN 17:14

Hwome Chun Hosa füi azanüi, ikoxlechu Chun Hosae, chixe nyakle hia zünle kopkyabu tamchu mongong ma shingmongle chix füito azuikyabu füi notom laxle ibu to anaoüi, chemthüikoxle chix a hopunubu thakma Opupa üntoxle wanghombu thakma Chongwangpa changle.”

ROM NOK HATO ZAKYA POL LAIZA 3:22

Hwome Jisu Khrista to mongongkya tokhange Zange khünak chix füi mua amüi ang koxle. Zange ija Khrista to ongkya pangnusa hanpakma mokle, chemthüikoxle ikhama malili le chemchu müntüi!

GALATIA 3:28

Idaile Jehudi hia mixnokbu bama da hia panle thomkyabu bama, lüka hia sheko bama le süichapkya chemchu müntüi, Khrista füikya notom ma hünzom pangnu tuita.

MÜNCHUAK-TSAI 86:5

Nang a kwom zongto müile tamchu kwom ang thailak tüile, nang to jop-tokyabu hanpakma chizakle künkya nang mongkün tüile.

KOLOSI 3:11

Ikhoma mixnok hia Jehudi nok, khwonzüt zom twonkya hia chitwonkya, chemchu chitsuak chimankya nok, dinghüt khosom ngokya nok, dabu tamchu dan-pan thomkyabu le süipaikya chemchu müntüi, ikoxle Khrista pangnu, pangnu ma Khrista.

MÜNCHUAK-TSAI 145:18

Chix se-lomle changkyabu zongto chix a nuisox ma tüile, künkox-mongkoxle se-lomkyabu zongto a.

1 TIMOTHI 2:5

Chemthüikoxle Zang a tuita wüi changle; Zang hia khünak tama asüi ang tomkya, khünak tuita Khrista lan wüi changle,

FILIPI 2:11

Hopa Zang fuazang ma, Jisu Khrista a Jowanpa changpu le; ngaitho le apuk angkya changle.

EFISIA 3:6

Huxsa zangwün a ija changle: Kaxho Müikya makhange mixnokbuechu Jehudi nok füi Zang mohiman mantswon ma tuita; tuita tompo ma wom ilaxle Khrista ma Zang kaxtsaobu tomwüi tom-hanüi.

MIKNGÜN-OHÜN 19:16

Chix nyiza hia chix weho ma mün ija zale tüikya: “Wanghombu thakma Chongwangpa hopunubu thakma Opupa.”

EFISIA 1:7

Chemthüikoxle Khrista zikya makhange tix kem dan-panpu, thüikoxle keme ochaxbu thailak atakpu.

ROM NOK HATO ZAKYA POL LAIZA 14:9

Chemthüikoxle Khrista zilaxle chatle azangle zokya a ozün omang pangnu thakma Jowanpa ang achang angkya hanpakma changle.

ROM NOK HATO ZAKYA POL LAIZA 2:4

Changle nange chix chingcha achongkya, adu thokya ilaxle monglokya, mongto kakle münlax.

ISAIA 55:6

Jowanpa hato chatlax ilaxle chix to zangjoplax, athax chix a hoxhoxle tüile.

KOLOSI 1:27

Zang katzua wünkhom a, oja ahak aluakya hia fuazangkya huxsa chix khünaknu nok hanpakmale pyenle thomkya hex, ija huxsa chix khünaknu hato ngaile tsing ang kox angkya changle. Huxsa Ija a ile changle: Khrista a hünzom ma tüile, thüikoxle, hünzome Zang fuazang süntswon ang kopüi.

2 KORIN 8:9

Kem to künkya Jowanpa Jisu Khrista mongkün chemtukux chongle tüipuix ija hünzome awanpu. Zang chifün chikao ma chasa ma chix ahak-aluale tüikya, ikoxlechu hünzom khosün angkya kuxma chix chaxwannu to ngui ilaxle chitüi chinangkya mix tuita ang ngo. Hünzom chasa ma ahak-aluale tüi angkya kuxmale chixe ija mok.

1 KORIN 15:47

Pongwang angkya Adam a, hax makhange zingkya, haxwannu angkya; anyi lükya Adam a zangkangting tokya.

1 KORIN 1:2

Korin ma tüikya Zang müimüithom, opang Zang otsao khünak ang achang ang nyakle koplaxpuix ibu pangnu, Khrista Jisu ma notom tokhange opang chix kux changpuix, Jisu Khrista owa kem Jowanpa chuwüi changpuix, chix shwomkyabu pangnu hato:

EFISIA 2:7

Khrista ma kem hato ahokya chix mongkün ma atakkya chix chingcha othuithui hanpakma aho angle chixe ija mok.

EFISIA 2:4

Ikoxlechu Zang chingcha okhonguikya, üntoxle kem tokya chix mongkün namchongkya changkoxle,

ROM NOK HATO ZAKYA POL LAIZA 15:12

Anaolechu Isaia-e thüi: “Jesse sixli nguiüi; mixnokbu apün ang chix nwonüi; hwome hwom monghom chix ma thomüi.”

WANGSHEMBU MWOT 9:14

Üntoxle chix a Damaska to nang shwomtole ngokyabu pangnu kop angkya hanpakma nguakhobu angkya laiza koplaxle hüikya changle.”

EFISIA 3:16

Fuazangle chix ahak-aluale tüikya kha tokya hünzom mong ma zong adün angkya bama Chasa makhange zong laxkoxle kue Zang ma jupu,

EFISIA 3:8

Otsao khünakbu khama ahixkya füi ngaxchu sühixkya ku changpu; ikoxlechu hwom hanpakma Khrista tam chibak toxle chix ahak-aluakya Kaxho Müikya mixnokbu hato apuk angkya hanpakma Zange ku zünle kop;

WANGSHEMBU MWOT 7:59

Hwome chix to long füi thuple ngoponge Stefen-e zangjop: “Jowanpa Jisu, Ku chasa pongle kop hüi!”