ROM NOK HATO ZAKYA POL LAIZA 1:7 - OTSAO BAIBEL (BSI)

⁷ Idaile kue hünzom Rom tingnu angkyabu opang to Zange mongkün puix ilaxle chix ma-mix ang nyakle laxpuix, hünzom pangnu hato zapu. Zang kem Hopa hia Jowanpa Jisu Khrista nyie hünzom ang mongsom hia chingcha naxfa.

ROM NOK HATO ZAKYA POL LAIZA 1:7 ပူးပေါင်းရင်းမြစ်များ

KOLOSI 1:2

Kolosi angkya Zang khünaknu, Khrista füikya notom ma opang kwom tüinaobu hex, hwom hato: Zang kem Hopae chingcha üntoxle mongkün fahüi.

EFISIA 1:2

Kem Hopa Zang hia Jowanpa Jisu-e chingchajaja tamchu tumüi naxfa.

1 THESALONIKA 1:1

Pol, Sila hia Timothi hwom tokhange: Thesalonika angkya müimüithom, opang Hopa Zang tamchu Jowanpa Jisu Khrista kux hex, hwom hato: Chingcha hia mongkün hünzom tsyen ang naxchang.

2 JUHAN 1:3

Hopa Zang tamchu Hosa Jisu Khrista-e kem ang chingcha-jaja hia mongsom naxfakox; otsingtsing hia mongkün ma ibu a kem hanpak ang naxchang.

FILEMON 1:3

Zang kem Hopa hia Jowanpa Jisu Khrista-e hünzom ang chingcha hia mongsom naxfa.

2 THESALONIKA 3:18

Kem Jowanpa Jisu Khrista chingchajaja hünzom pangnusa füi ngohüi.

2 THESALONIKA 3:16

Jowanpa, chix jaojao, owa kem mongsom otong hex, chixe othuithuima tamchu pangnu lom ma hünzom ang mongsom naxfa. Jowanpa hünzom pangnusa füi ngohüi.

MIKNGÜN-OHÜN 22:21

Opunu Jisu chingchajaja Zang khünaknu pangnusa füi ngohüi.

FILEMON 1:25

Hünzom pangnusa füi Jowanpa Jisu Khrista chingcha ngohüi.

1 JUHAN 3:1

Hopae kem to otukux mongkün puix hulax! Kem ang Zangsu Zangsabu le nyakkya kople chix mongkün chongkya tüile; üntoxle otsing tomtata ma kem a chixsu chixsabu changle. Ikhoma chaxwannue kem owahex münawan; chemthüikoxle chaxwannue Zang owahex chitsing.

1 PITAR 1:15

Itülüi, nang ahyenle laxkya Zang chemle Otsao hex, ilailaile nangchu wüi mokkya olom pangnusa ma tsaole tüilax.

TITA 1:4

Oja tomkux mongong ma kusa tsingtsing hex, Tita, chix hato kue ija lai zapu. Hopa Zang hia kem khosünpa Khrista Jisu-e nang ang chingcha mongsom naxfa.

2 TIMOTHI 4:22

Nang chasa füi Jowanpa womhüi. Zang chingcha hünzom pangnusa füi wüi ngohüi.

2 TIMOTHI 1:2

Mongkün kusa Timothi hato: Hopa Zang üntoxle kem Jowanpa Jisu Khrista-e nang ang, chingchajaja ilaxle mongsom naxfa.

1 TIMOTHI 1:2

Mongong ma kusa tomtata, Timothi hato: Hopa Zang ilaxle kem Jowanpa Jisu Khrista-e nang ang chingchajaja üntoxle mongsom naxfa hüi.

1 THESALONIKA 5:28

Jowanpa Jisu Khrista chingcha hünzom füi naxngokox.

1 THESALONIKA 4:7

Zange kem naklyen-khosyen le ngo ang nyakkya chichang ikoxle otsao ma ngo ang nyakwüi.

1 THESALONIKA 1:3

Chemthüikoxle hünzome chemle hünzom mongong mwot ang achangle twonpuix, hünzom mongküne hünzom ang azongle mwot amokpuix, üntoxle Jowanpa Jisu Khrista tokya hünzom mongong chemle oshing mongle tüipuix, ibu kwome kem Hopa Zang thüntho ma texle atakpu.

KOLOSI 3:12

Hünzom a Zang khünaknu changle; chixe hünzom to mongkünle üntoxle hünzom a chix mamix ang kamle kopkya changle. Idaile hünzom a, chingcha, mongkün, puinaikya, jonaikya ilaxle adukya, ibu füi awunlaxle ngolax.

FILIPI 4:23

Jowanpa Jisu Khrista chingchajaja hünzom pangnusa füi ngohüi.

FILIPI 4:20

Zang kem Hopa ang othuithuima fuazangkya naxchang! Amen.

EFISIA 6:23

Hopa Zang hia Jowanpa Jisu Khrista-e khristan tüinao hwom ang mongong makhange mongsom hia chingcha mongkün naxfa.

GALATIA 6:18

Kutüi kunaohom, hünzom pangnu füi wüi kem Jowanpa Jisu Khrista chingchajaja womle ngohüi. Amen.

1 KORIN 16:23

Jowanpa Jisu Khrista chingcha hünzom füi ngohüi.

ROM NOK HATO ZAKYA POL LAIZA 9:25

Ija a Hosea ma chixe akax ngokya kax changle, “Ku khünaknu chichangkyabu ang, kue ‘ku khünakbu’ le nyaküi. Kue mong chikünkya chaxwan ang, kue ‘Ku mongkün’ le nyaküi.

ROM NOK HATO ZAKYA POL LAIZA 5:1

Athax a mongong makhange kem Zang füi muamüikyae, Jowanpa Jisu Khrista makhange kem ang Zang füi mongsom tüile.

WANGSHEMBU MWOT 15:23

Hwome ibu makhange ija laiza akat: “Hünzom tüinaobu kwom, wangshembu üntoxle tüichong mixmüibue Antiok tingnu ma tüikya üntoxle Siria hia Silisia haxtok ma tüikya tüinaohom, nuput ma mixnok, hünzom pangwüi hato salam fapu.

KOLOSI 3:15

Khrista-e fakya mongkün a nang mong zangwün to zun angkya hanpakma changle; chemthüikoxle müitom tuita ma hünzom pangnu chixe nyakle ngokya a ija mongsom hato nyakkya changle. Üntoxle münchong fakya tüikox.

FILIPI 4:13

Tüta ningkya osho füichu apong tsuak angkya kuxma Khrista-e fakya zong tüipu.

ROM NOK HATO ZAKYA POL LAIZA 8:39

thak tokya zangfange wüi changlax chichangba fang tokya zangfange wüi changlax: Jisu Khrista ma kem kux ang ngokya Zang mongkün füi kem ajan ang tho angkya Zang chakzing khama athax kople chemchu matüi.

ROM NOK HATO ZAKYA POL LAIZA 1:6

Jisu Khrista kux ang achang angkya hanpakma Zange nyakle kopkyabu Rom tingnu ma otukux tüilaxpuix, hünzom chuwüi womle.

MIKNGÜN-OHÜN 2:1

“Efisia ma tüikya müimüithom kaxtaimix hato zalax: “Ija kaxho a, lyettsi anüt tsaxchi chak ma koplaxle hun wüntik dannui khato ahamle ngokya mix tokhange hüikya changle.

JAKOP 1:1

Zang tamchu Jowanpa Jisu Khrista da Jakop tokhange: Chaxwan tok ma chiakle tüikya Zang khünaknu nok hato salam.

JUHAN 20:17

Jisu-e she ang thüi: “Ku to taxtwon; chemthüikoxle athax kople ku Apa hato machat! Ikoxle kutüi kunao hwom hato paolaxle ku a, owa hwom zongtochu Hopa tamchu Zang changpuix, ija Apa hato chatüi ta le thüikox.”

MATHI 5:16

Ija lailaile nang zangngaie khünaknu to nyan ang laxkox; ikoxtix hünzom mwot müikya ngün ang koplaxle hwome zangkangting tokya Apa mün achuaküi.

MÜNCHUAK-TSAI 60:5

Nang janzüi füi kwom khosünle changhüi; kwom zangjop to lanhüi, ile nange mongkünkya khünaknu khangkho sünkya naxtüi lax ang.

TSAITONG-KAXTONG 33:12

Benjamin homjen bama chixe ile akax: “Ija a Jowanpae mongkünkya tamchu khosünle thomkya homjen changle; Nyixfokya to chixe hwom nyele thomle, Ilaxle chix a hwom khama ngoüi.”

MIKNGÜN-OHÜN 3:22

“Na zaikyabue, chasae müimüithombu füi chem akaxpuix ija to apalax!”

MIKNGÜN-OHÜN 3:14

“Laodekia ma tüikya müimüithom angkya kaxtaimix hato zalax: “Ija kaxho a Zange zingkya pangnu li owang wangnui, mongong ma onyem üntoxle otsingtsing kaxkhi oja Amen hex, chix tokhange changle.

MIKNGÜN-OHÜN 3:7

“Filadelfia ma tüikya müimüithom ma kaxtaimix hato zalax: “Ija kaxho a tuita otsao, tamchu otsingtsing owa hex, chix tokhange hüikya changle. Dawid kux kapatja chix ma tüile; otue chixe ka dapüihex, owaechu ija hak ang müntho, ilaxle otue chixe haküihex ija owaechu dap ang müntho.

MIKNGÜN-OHÜN 2:29

“Na zaikyabue, chasae müimüithombu füi chemle akaxpuix ija to apalax!

MIKNGÜN-OHÜN 2:18

“Thaitira ma tüikya müimüithom angkya kaxtaimix hato zalax: “Ija kaxho a mik wün lailaile üntoxle cha fwotle atsyet thomkya khop lailaile tüikya Zang Hosa tokhange hüikya changle.

MIKNGÜN-OHÜN 2:12

“Pargama ma tüikya müimüithom kaxtaimix hato zalax: “Ija kaxho a nongnong-naxkya changlo owa ma tüipuix, chix tokhange hüikya changle.

MIKNGÜN-OHÜN 2:8

“Smarna ma tüikya müimüithom kaxtaimix hato zalax: “Ija kaxho a, owa Alfa hia Omega changpuix, owa zi üntoxle ozün ma tüipuix, chix tokhange hüikya changle.

1 TIMOTHI 6:2

Da opang ang hopunu khristanbu changlaxpuix, hwome ma hopunubu wünahai le taxchang, chemthüikoxle hwom a tüinaohom changle. Itülüi, ibue mix sümüi le hwom thotha angkya changle, chemthüikoxle opange hwom mwot makhange lap koplaxpuix ibu a hwome mongkünkya mongong khünakbu changle. Nange ibu apua angkya tamchu anwot-ano angkya changle.

TSAITAX-NGAONÜI 5:1

Ku a ku tsawat khato nopdaoa, ku mongkün, ku tuinu. Kue ku jingso hia otex-tsyapi athünle ngopu; kue ku nax-ti hia naxzop saxle ngopu; kue ku grepti-ju hia tsomti lingle ngopu. Saxlax, mongkün hwom, ilaxle linglax Hünzom to mongkün füi matok-matokle!

HUAKE LAIPEX 6:25

Jowanpa a hünzom zongto chingcha hia jajale naxchang.

WANGSHEMBU MWOT 9:13

Anania-e lan: “Jowanpa, chix huak bama tamchu chixe Jerusalem angkya nang khünaknu to za adünle zothupkya bama khünakbue ku hama wündaoa.

ROM NOK HATO ZAKYA POL LAIZA 5:5

Ija monghome kem ang mong münatho, chemthüikoxle Zange chix hingho Otsao Chasa makhange chix mongkün kem kün-mong ma thokle koxdaoa.

ROM NOK HATO ZAKYA POL LAIZA 8:28

Chix to mongkünkyabu, kem opang Zange chix mwot mok ang ahyenpuix, hwom füi Zange omüi hanpak paktikle mwot mokkya keme awanle.

1 KORIN 1:24

ikoxlechu Zange opang nyakle kopdao laxpuix, Jehudi hia mixnok pangnu wüi, hwom zongto ija kaxho a, owa Zang tsakzong hia je-hwon hex, ija Khrista changpu.

FILIPI 1:2

Zang kem Hopa ilaxle Jowanpa Jisu Khrista-e hünzom ang chingchajaja hia mongsom naxfa.

1 THESALONIKA 1:4

Kutüi kunaohom, Zange hünzom to mongkünle tamchu chixe hünzom chix-ma chix-mix ang zünle thompu le kwome awanpu.

2 THESALONIKA 1:2

Kem Hopa Zang hia Jowanpa Jisu Khrista-e hünzom ang chingcha tamchu mongsom naxfa.