ROM NOK HATO ZAKYA POL LAIZA 1:30 - OTSAO BAIBEL (BSI)

³⁰ Hwome tata bato khualop, ilaxle tata mo ama le wün; hwom a Zang thua anukyabu, tata ajaokyabu, ngamkyabu, ilaxle kaxchongbu, hwom a oma mwotlom to khüt-alikyabu; hwome manu mapa kax ma chilax;

ROM NOK HATO ZAKYA POL LAIZA 1:30 ပူးပေါင်းရင်းမြစ်များ

2 TIMOTHI 3:2

Khünakbu a tsingpux, nüfux, tsaichong-kaxbong, üntoxle ngamle tüiüi; hwome ajao-ahaiüi, nuzün-pazün kax ma chilaxle tüiüi; tata achuak achenkya tamchu zanglom tokya chemchu chitüi le changüi;

JUD LAIZA 1:16

Ibu khünakbu a jento kax ma alatlanle tamchu mixmo omale wünkyabu changle; hwom a ma ochax küntsu monglua füito azuile; hwome ma bama alüile tsaichong-kaxbongle tüile; ilaxle hwome ma lomtang kop angkya kuxma mix loplüi füt ang tomle.

2 PITAR 2:18

Achax le ngokya khünakbu füi atsaile pao ang owang wangtankyabu tsün angkya hanpakma hwome chilaxli ongam zang wünle, üntoxle müi-hi-aji mongzok zalokya lom to tsangtsa twonle.

JAKOP 4:16

Ikoxle athax hünzom ngampu, üntoxle tsaichong-kaxbongpu; ibu bong-chongkya pangwüi othai changpu.

JAKOP 3:5

Le bamachu ija ningle changpu: Ija muaküsa changle, ikoxlechu tüpong-tüpong tsaichong-kaxbongle tüi ang tsuakle. Tüpong-tüpongkya faonu ngaxchu amoküsa wünchua füi zokle ashun ang thokya bama ajangle anohu!

TITA 3:3

Chemthüikoxle tam a kwomchu wüi ongat ningle, kax ma chilax ilaxle thaile tüikya changpu. Kwom a pangnu lito asingle nüfux zaikya da ang ngokya. Kwome kwom tsün chingcha chitüile hia mixfün müikya ngünse chitsukya lom ma koxle hüi; mixe kwom to tsak ilaxle kwomechu hwom to khu.

2 THESALONIKA 2:4

Chixe zang le athüiüi pangnu füi chichangba shwomkya oli pangnu füi alünüi ilaxle chix hwom pangnu thak tokya ang achangüi. Chix zangshwom-hom to nop ilaxle thungüi üntoxle chix a zang changpu le thüiüi.

2 KORIN 10:15

Ikhoma Zange kwom ang koxkya zia akaile mokle lekya mix mwot bama kwom münngam. Itülüi, Zange koxle thomkya mwot ziathüt mong ma, hünzom mongong ma tsong angkya ilaxle kwome hünzom khato süchongkya mwot tsuak angkya hanpakma kwome monghompu.

ROM NOK HATO ZAKYA POL LAIZA 3:27

Jangchangba, kem mongngam angkya ikoxle chem tüi? Chemchu müntüi! Chemthüikoxle Zang füi kem muamüikya a wanlom tokya tokhange chichangle keme chix to mongongkya makhange changle.

ROM NOK HATO ZAKYA POL LAIZA 2:23

Zang wanlom kop laxle nang kax chonghule ikoxle wanlom züntekya tokhange nange Zang ang zak akop pia?

ROM NOK HATO ZAKYA POL LAIZA 2:17

Ajang anohu, nange nang Jehudi khünak changpu lea thüi; nang wanlom to onglaxle ngo ilaxle Zang bama tsaichong-kaxbongle chang;

WANGSHEMBU MWOT 5:36

Amipongechu Theoda le amünkya mix, chixchu wüi akhokya mix tuita changpu le ma alüile achuakle tülaidaopu; ilaxle chix füito ho-ali tukux khünak azui. Chix a langle awüt ilaxle chix füito azuikyabu afanle pao, ilaxle chixe apukkya tuwuk olom olithu le maxpu.

KAXHO MÜIKYA LUK 21:16

Manu-mapa hwome ilaxlechu matüi-manao hwome üntoxle kako: homkhae, tamchu üipa-zuikhuibue, hünzom a owüiole koxüi, üntoxle hwome hünzom züizüi a omang jao amütüi.

MATHI 16:21

Ija makhange Jisu-e wangshembu hama angaile akax: “Ku Jerusalem to paotomtaüi ilaxle apün-awangkya, nguakhobu, wanlom nwotmixbu, ibu chak ma kue huanuma sikngün apongüi; hwome ku langüi ikoxlechu nyix azom lükya to ku chatle azangle zoüi.”

MATHI 15:4

Chemthüikoxle Zange akaxle: ‘Hünnu hia hünpa thua zalax; ikoxle owae manu mapa thuakzomle changüi hex, chix a zi ang tomkox!’

EZEKEL 22:7

Tingnu ma hünzom opupuechu manu-mapa hwom chathua zakya mix müntüi. Hünzome mixnokbu dyenle ilaxle zomnu hia khaxsa-zasabu to jemle.

HWON-NWOT-JAONO 7:29

Kue tikle laxkya ibibi changle: Zang-e kem olan to tangtho ma zingpu, ikoxle kem mixe kem a lüthüt-lüwüt ang achangpu.

WANWÜNKAX 30:17

Nange hünpa chanyi chichangba azu füima manu ajao-adale jangchang,, nang a okun-olae saxdao angkya changle chichangba okhabue nang mik lokdao angkya changle.

WANWÜNKAX 25:23

Shuakuxchi zangwine ojao chithaile zangwat ang tomkya ningle za-amankyae mongtsik-mongma alaile.

WANWÜNKAX 8:36

Opange ku atak ang chithopuix hwom lailai to thomzünle; owae ku thua anule changpuix chixe zik to luapu.”

MÜNCHUAK-TSAI 106:39

Hwom mwotbu makhange alüile hwom a chitsaokya ang achang ilaxle hwom ma Zang to ongkya mongong ojao chitüi.

MÜNCHUAK-TSAI 99:8

O Jowanpa, kwom Zang, nange nang khünaknu kax to lan; nange hwom ochax khoma hwom sikangünle changkoxchu nange hwom hato nang a thailak fakya Zang changle le aho,

MÜNCHUAK-TSAI 97:7

Chapa shwomkyabu pangwüi zakkop ang tomle; baozangbu pangwüie Jowanpa tunthoma akhuxle.

MÜNCHUAK-TSAI 94:4

Mütkopmixbu chemtukuxle ngamle ngoüi tamchu hwome mix mik amüt-tsuakkyabu bama chemtukux tsaichong-kaxbongle ngoüi?

MÜNCHUAK-TSAI 81:15

Ku to miktsakle ngokyabu zalaxle ku chitong to akhuxse; hwom sikngün ma oshuk chitüile changse.

MÜNCHUAK-TSAI 52:1

Ochax ma achongkya mix, nang ochax bama nang büthüikoxle tsaichong-kaxbongpu? Chialekya Zang mongong ma oshuk müntüipu.

MÜNCHUAK-TSAI 49:6

ochax khünakbue hwom ma tüinangkya to mongongle ilaxle hwom tuina bama tsaichong-kaxbongle.

2 PUKAX-PANGAO 25:19

Amaziah, athax ang a Edom nok to lüttsuakpule angamle tsaichong-kaxbongle changtüi, ikoxlechu kue nang ang ojongtochu chipaole hom ma nui angkya kax koxpu. Nang hia nang khünaknu hato thama apüi lan angkya tingtui omalax ang adünle ngolaxpu?”

2 PUKAX-PANGAO 19:2

Ajepa tuita, Henani sasün Jehu a wanghompa füi apong ang ngui ilaxle thüi: “Ochax khünakbu to asun angkya tamchu Jowanpa thua anule changkyabu chima se angkya nange sukya mwot le thütpia? Nange chem mokpuix, ijae nang füi Jowanpa ang mongtsik adünle changdaoa.

1 WANGHOMBU 20:11

Wanghompa Ahap-e lan: “Süpahi tsingtsinge zan lütle chang füimatix ongam ahopu, ikoxle azanle machang tanto ija ongam münaho angkya oli ta le thüikox.”

TSAITONG-KAXTONG 27:16

“‘Owae manu hia mapa kax ma chilaxle tüipuix, Zang-e chix to thuakzomle changkox!’ “Ilaxle noknusae lanüi, ‘Amen!’

TSAITONG-KAXTONG 7:10

ikoxlechu chix thua anukyabu to sikangün angkya chix ma mongao ojao müntüi.

HUAKE LAIPEX 10:35

Chemtue Tsaotsüt Suak alaile achexpuix, Mosa-e thüi: “Ajongkox, Jowanpa; nang zanpabu afale pao ang tomkox ilaxle nang to miktsakkyabu zikle pao ang tomkox!”

JUHAN 7:7

chaxwannue hünzom to miktsak ang müntsuak; ikoxle ijae ku to tüle tsakle; chemthüikoxle hwom lekya lomtangbu a ochax changpu le kue akax ngokya khoma.

MÜNCHUAK-TSAI 10:3

Chichangchizangkyabu hwom ochax mongzok bama huanuma ngamle; nüfux füikya mixe Jowanpa to thuakzomle tamchu chix chilaxle awütle.

MÜNCHUAK-TSAI 5:5

Otuechu nang ongam chikaoma sele münajongtox; chichang-chizang khünakbu thua chianule müntox.

WANWÜNKAX 24:8

Nange jento ochax mwottho zingle jangngo thüiningle, nang mün a tuita thama adün ngokya mix ningle lünüi.

2 KORIN 12:20

Ku ikhato nguikya zuma, hünzomchu ku tutex füi opüi ma ilaxle kuchu hünzom zongto hünzom tutex füi opüi to nakbang le ku zamaxündai. Ku thoma ohyet-otsi hia osing nüfux, mongtsik hia saxkün, ajao ahaikya hia zaxhun, mongngam ilaxle tuwuk-lajatbu nakbang le zamaxündai.

EZEKEL 14:5

Chapa ibu khokho ma Israel noke ku hato tok aho angkya laipu, ikoxlechu ku kaxlan makhange hwom ku kax ma laxle ngo ang mongchatle ahüiüile ongpu.