ROM NOK HATO ZAKYA POL LAIZA 1:13 - OTSAO BAIBEL (BSI)

¹³ Kutüi kunaohom, hünzome ija mong ma kop angkya changle: Kue hünzom waise le obi thomthom ma hexle olom zingle ano daoa, ikoxle kue ile mok ang jao chimüile lilitae thüichu wüi abaxle thomle. Mama mixnokbu khato achangkya ningle, kue hünzom khatochu khristan ang achangle khünaknu ahüise le tsupu.

ROM NOK HATO ZAKYA POL LAIZA 1:13 ပူးပေါင်းရင်းမြစ်များ

WANGSHEMBU MWOT 19:21

Ibu chang füima Mesidonia hia Akaia chaxwan to ahamle ngopongma Jerusalem to chat angkya Pol mongto texle atak. Chixe thüi: “Ikhato pao füima kue Rom tingnuchu wüi ngün angkya changle.”

FILIPI 4:17

Kue hingho pongse tsukya tata chichangle, hünzome chingcha ahokya to bole olap naxtüi le texpu.

2 TIMOTHI 4:17

Ikoxlechu Jowanpa ku füi ngo ilaxle ku ang zong kox, ikhoma tix kue mixnok pangnue atat ang tsuak le Kaxho Müikya apuk-apua ang tho; tamchu mik amüt angkya kaxfün chak tokya ku azang.

1 THESALONIKA 4:13

Ku tüinaohom, monghom chitüikyabu ningle hünzom angchu mongtsik mongmakya chitüi angkya kuxma, ziünkyabu bama otsingtsing hünzome awan koxle müisele kwome texpu.

1 THESALONIKA 2:18

Kwom hünzom hato chatse tsupu. Kujaojaoe obi thomthom ma hexle chat ang azongdaoa, ikoxle haxshixe lom chidap.

2 KORIN 1:8

Asia haxtok ma kwome apong daokya thangnak bama kwome hünzom hama tamchatle wünse tsupu. Kwom ang alikle koxkya hünlix a huanu tamchu lixkya changkya ilaxle chatle ozün ma ngo ang kopüi le monghomkya kwom ma ojao chitüile mongmax.

1 KORIN 12:1

Athax hünzome zakya Otsao Chasa ba angkya tsaikax bama, kue hünzom hama otsingtsing chiwün homle ngose müntex.

1 KORIN 10:1

Kutüi kunaohom, Mosa füito azuikya kem pupa hwom zangfwom zangkhung fang to ngokya, ilaxle tinu akaile azangle ta,

KOLOSI 1:6

Pongwang ole atatkya nyix ijae hünzom mong alüixkya üntoxle Zang chingcha chongkya tsingle lax ang fakya lailaile, hünzom hato hüikya Kaxho Müikya tuitata wüi khünaknu tsün lüile koxle chaxwannu faole aham ngole.

ROM NOK HATO ZAKYA POL LAIZA 11:25

Tüinaohom, hünzome tsingle naxlax laxsele ku mongto thütkya otsingtsing huxsa zangwün tuita tüile. Nang obukux hwontüi jezai mix hex, ija aju-ajang ang chifale kue nang tsyenle thomüi. Ija a ija changle: Israel khünaknu mongkhüikya othuithui hanpak ang münchang, ikoxle mixnok komle Zang hato mahüikya wawama ngoüi.

JUHAN 15:16

Hünzome ku zünle kopkya chichang, ikoxle otsün lole ngokyali oziak huanuma ziakle pao angkya hanpakma kue hünzome zünlaxle kamle koppu. Ikhoma hünzome ku mün ma chix ma ajuju komle chixe kox angkya changle.

JUHAN 4:36

Owae zütle ngopuix chixe omün kopdaoa, ilaxle oshuk chitüikya tsün hanpakma oli afoxle ngole; Idaile saikya mix hia zütkya mix tomle mongmüi angkya changle.

2 THESALONIKA 2:7

mike chingünkya chisumüikya mwot a mokle ngoüna, ikoxlechu chix abaxle ngokya mixe chix lom mashan tanto chem chang angkya tüipuix ija chang ang müntomüi.

2 KORIN 2:14

Ikoxlechu Zang ang münchong naxtüi! Chemthüikoxle Khrista füikya notom ma Khrista ma tholünkya sungdün ngadongle lekya jenthom Zange othuithuima thothut. Khrista bama tsingwankya ongan müile pangnu khato apuk-apua kox angkya Zange kem twonle.

1 KORIN 9:2

Mix zongto chichang koxlechu hünzom zongto ku wangshem tuita changle; chemthüikoxle hünzom a Jowanpa ma ku wangshem ang achangkya münwan changle.

WANGSHEMBU MWOT 21:19

Pol-e hwom ang wünpwon salam kox ilaxle chix makhange Zange mixnokbu khato mokle hüikya bama bakle wün.

WANGSHEMBU MWOT 15:12

Barnaba hia Pol nyie, hokhi makhange mixnokbu khato khomtsikya hia ohünotün mwotbu mok ang tomkya Zang mwottho kaxwün wangkya atatkya zuma noknusa wüi dangle hokhi zangwün to natha le apa.

WANGSHEMBU MWOT 14:27

Okhie Antiok alopkya zuma khünaknu nyakle asox ilaxle Zange hokhi hanpakma chempangle mokdaopuix ibu pangnu mo wün üntoxlechu chixe mixnokbu angchu wüi chemle ongtsuak angkya olom daple koxpuix, ija apua.

JUHAN 12:24

Otsingtsingma kue hünzom ang thüipu: Tsaxtsang tuita chaxwan tok to dütle chizi thüikoxle ija a chix tata ngole; ikoxle ija jangziba, ijae oziak huanuma dünüi;

ISAIA 27:6

Hüi angkya hanpak ma Israel khünakbu, opang Jakop sixlibu changpuix, hwome pün tuita ningle tsingjule naxchang, ilaxle ibu asok laxle puale naxchang. Chaxwan tok a ibu pünziak füi ule naxchang.

WANGSHEMBU MWOT 1:15

Hanpak nyixta anyi füima mongong mixbu afoxkya hanpak tüikya, hwom pangnu mixhuak hota tsa tukux changkya, üntoxle Pitar akax ang ajong,

WANGSHEMBU MWOT 28:14

Ikhato kwome mongong mixbu züizüi apong. Hwom füi tomle kwom ang hatdang tuita ngotox hüile akax. Ibibile aham laxle kwome Rom tingnu alop.

ROM NOK HATO ZAKYA POL LAIZA 1:12

Ku woktex a, ku mongong tokhange hünzom to fong ilaxle hünzom mongong makhange ku to fongle tomwüi afong angkya hanpakma changle.

ROM NOK HATO ZAKYA POL LAIZA 7:1

Tüinaohom, hünzom pangnue wüi wanlom bama komle awanle ngokya daile, kue akax angkya bama hünzome awanüi le ongpu. Wanlome khünak to ozün ma ngopongma tata apünüi.

1 KORIN 1:10

Kem Jowanpa Jisu Khrista mün ma kue hünzom füi akaxpu, kutüi-kunaohom, hünzom khama ahak ahanle chitüi angkya kuxma, hünzom tuita ma tsaino-kaxno tomlax;

1 KORIN 14:20

Tüinaohom, hünzom mongjang ma naosom ningle taxchang; ochax lom ma naosom angchu achanglax, ikoxlechu tutex ma mixmüi ang achanglax.

1 KORIN 14:26

Tüinaohom, ku kax a ija changle: Hünzom Zang shwom ang asoxkya zuma, khünak tuita tsai lom ma dan, ata mix a hwon-nwot jaono angkya lom ma dan, ata mix a Zange angaile ahokya ngün angkya olom ma dan, ata mix a chitsingkya kax ma kaxho kop angkya lom ma dan ilaxle mama mix a chem akaxpuix ija taile apua angkya olom ma dan. Ibu pangnu wüi müimüithom fün amüile fong angkya hanpakma changkoxle müiüi.

GALATIA 3:15

Kutüi kunaohom, kue nyixfokya to apongle hüikyabu apyen le twonüi: Otue mixhuak anyi mwotli tuita bama motom üntoxle notom laiza le sohi shingüihex, owaechu ija ama ang chichangba ito tütalichu bo ang müntsuaküi.

GALATIA 6:18

Kutüi kunaohom, hünzom pangnu füi wüi kem Jowanpa Jisu Khrista chingchajaja womle ngohüi. Amen.

FILIPI 1:22

Ikoxle ku ozün ma jangngo thüiningle, khünaknu Khrista hato apüi angkya mwot kue süchongle mok ang thoüi, jangchang thüikoxle ozün ma ngo angkya hia zi angkya nyi opupu shongzünüihex, kue müntsing tsuak.

KOLOSI 1:10

Ifüima hünzome chix mong amüi angkyakya mokle Jowanpa mongtex ma ngo ang thoüi. Hünzome tsün ma müikya mwot pangnu li mokle alai ilaxle hünzom Zang tsingwankya ma tsongüi.