ROM NOK HATO ZAKYA POL LAIZA 1:11 - OTSAO BAIBEL (BSI)

¹¹ Chasa mohiman hünzom füi ahan-achüi le lax, ilaxle hünzom zong dong ang kox angkya kuxmale kue hünzom ngünse le huanuma thüt.

ROM NOK HATO ZAKYA POL LAIZA 1:11 ပူးပေါင်းရင်းမြစ်များ

2 PITAR 1:12

Hünzome ibu tsingle ngoün koxlechu üntoxle hünzome pongle kopkya otsingtsing ma hünzom tsingju kamong le tüiün koxlechu, kue ibu jento hünzom mongto texle atak ang tomüi.

ROM NOK HATO ZAKYA POL LAIZA 16:25

Zang ang fuazangkya koxhax! Khrista bama kue apukkya Kaxho Müikya ningle, üntoxle kaile pupa tsün tokhange wüi pyenle thomkya otsao otsingtsing ngaile ahokya ningle, chixe nang mongong ma shingmongle ajong ang koxtsuak le.

2 THESALONIKA 3:3

Ikoxlechu Jowanpa a chialekya Zang changle, ilaxle chixe hünzom ang tsakzong koxüi tamchu chisumüikya chak tokya hünzom khosünüi.

ROM NOK HATO ZAKYA POL LAIZA 15:29

Otue ku hünzom hato nguiüihex, Khrista mohimane awang laxle nguiüi le kue awanle.

1 PITAR 5:12

Mongong tüikya khristan tüinao tuita le kue esele tüikya Sila-e fongle, moxmoxsüle ija laiza kue hünzom hato zapu. Kue hünzom ang zong adünse tsupu üntoxle ija a Zang chingcha changtomtale le kue khüzün kaxkhi fase texpu. Ija ma shingmongle ajonglax.

1 PITAR 5:10

Ikoxle noxta hanpakma hünzome sikngün apong füima, pangnu to chingchakya Zang, owae Khrista füikya notom ma oshuk chitüikya chix fuazang mantswon ang hünzom nyakpuix, chixe hünzom okho anguile faüi üntoxle hünzom ang shingmongkya, zong tamchu mongao chitüikya chifün faüi.

2 THESALONIKA 2:17

othuithuima müikya zangwün ang hia müikya mwot mok ang hünzom mong naxchong tamchu atsak azong le naxfa.

WANGSHEMBU MWOT 19:6

Pol-e hwom khangkho ma chix chak dankya zuma hwom hato Otsao Chasa hüi; hwome chitsingkya kax ma zangwün ilaxle Zang kaxho apuk.

WANGSHEMBU MWOT 16:5

Ile müimüithombu mongong ma shingmong ang tom üntoxle nyixfokya to mixhuak tsa ang tom.

2 PUKAX-PANGAO 20:20

Ngainop ningle swomsa ma wüi khünaknu a Tekoa nok zui ma tüikya faochi to pao. Hwom ka ang laipongma, Jehusafat-e ile pünzün-wangsaile chang: “Judah hia Jerusalem angkya khünaknu! Jowanpa, hünzom Zang to mongong tüikox, ile jangchangba hünzom shingmongle ajong ang thoüi. Chix ajebue akaxkya kax to mongongkya tüikox, ikoxle hünzome lütkya kopüi.”

1 THESALONIKA 3:13

Ile chixe hünzom tsakzong ang koxüi ilaxle kem Jowanpa Jisu Khrista chix khünaknu füi ngui nyix Hopa Zang thüntho ma hünzom ofwot chitüi le tamchu otsao ang achangüi.

1 THESALONIKA 3:2

Ibama kwome Timothi, kwom tüinao owae kwom füi tomle Zang hanpakma mwot mokpuix, chix a Khrista bama Kaxho Müikya apuk ang tsanle apaoüi. Kwome chix hünzom zong adün ang tamchu hünzom mongong to fong ang tsanle apaopu,

FILIPI 4:1

Idaile ku mongkün tüinaohom, hünzom ku zongto otukux müipuix ilaxle kue hünzom ngünse le tüle-tüle sungle! Hünzome ku ang mong otukux amüipuix, üntoxle hünzom bama ku mong tüle ngamle! Kutüi kunaohom, ija a mama chemchu münchang ikoxle Jowanpa ma hünzom tsün shingmongle ajong ngokya tokhange changle.

FILIPI 2:26

Chixe hünzom ngündaose le sungle tamchu hünzom ang chix kakkya zing atat ang koxkya bama chix mongto kakle.

FILIPI 1:8

Ku mongkha to zule hünzom hanpakma sungle tüikya oja Jisu Khrista mongthong tokya hex, ija bama zangwün pongma, ija a otsing tomta changkox a le ku kaxkhi ang Zang changle.

2 KORIN 9:14

Zange hünzom ang koxkya ataxkya chingchajaja khoma zule künkak mongkünkya füi hwome hünzom hanpakma zangjopüi.

2 KORIN 1:21

Hünzom füi tomle kwomchu wüi Khrista füikya notom ma oshing mongle thomkya a Zang changle;

ROM NOK HATO ZAKYA POL LAIZA 15:32

Zang mongtex jangchang thüiba, hünzom hato ku mongmüi atungle nguiüi, ilaxle hünzom waile nazak kop ang tsuaküi.

ROM NOK HATO ZAKYA POL LAIZA 15:23

Ikoxle athax a ituitui ma ku mwot ashuk daoa, ilaxle hünzom ngün ang nguise le obibi zangpua hexle mong ma sungle ngodaokya daile, athax a ile moküile ku monghompu.

WANGSHEMBU MWOT 19:21

Ibu chang füima Mesidonia hia Akaia chaxwan to ahamle ngopongma Jerusalem to chat angkya Pol mongto texle atak. Chixe thüi: “Ikhato pao füima kue Rom tingnuchu wüi ngün angkya changle.”

2 SAMUEL 13:39

ikoxlechu chemtue chixe Amnon zikya alakle changpuix, chixe Absalom ngünsele mong makhange tüle sung.

IBRI 13:9

Küjo küjekya hozün hwon-nwotbue hünzom ochei to pao ang taxtom. Osüt oling bama wanlombu tokya makhange chichangle Zang chingcha tokhange omong tsakzong kopkya wüi sümüi, ibu wanlom tokya tokhange hexle lap chemchu chitüi tox.

2 KORIN 11:4

Kwome apuk-apuakya füi malili changkoxlechu hünzome Jisu bama hwome apüikya kaxho to ong! Hünzome kwom makhange kopkya Otsao Chasa oja hex, ija ngax chichang khato, hwome kaxtsao fakya chasa hünzome pongle laxpu! Ilaxle kwome apuk-apuakya füi chixlili changkoxlechu, hwome apuk-apuakya kaxho müikya hünzome pongle lax. Ile hünzom hato nguikyabu chak to hünzome ochwon ma hünzom dankya ngünlaxle ku abüt maxle.

2 SAMUEL 23:15

Dawid-e homchi sung ilaxle thüi: “Bethlehem zünkai ma tüikya tüküi angkya ti ku hato owae khole apüikoxhax!”

PONGWANG LAIPEX 31:30

Nange chat-sele hom sung laxle ku ha angkya laile paokya changpule kue awanle, ikoxle kwom homkhae shwomle ngokya chapa nange chemthüi ang ahuxle pao?”

ROM NOK HATO ZAKYA POL LAIZA 1:12

Ku woktex a, ku mongong tokhange hünzom to fong ilaxle hünzom mongong makhange ku to fongle tomwüi afong angkya hanpakma changle.

2 KORIN 1:15

Ibu hanpakma mongao ojao chitüi le hünzome thom anyi ma mohiman naxkoplax ang, pongwang ma hünzom shongwaise le ku mong katzua changpu.