ROM NOK HATO ZAKYA POL LAIZA 1:1 - OTSAO BAIBEL (BSI)

¹ Khrista Jisu da, ilaxle kamle kopkya wangshem tuita tamchu Kaxho Müikya apuk angkya hanpakma Zange nyakle kopkya mixsün Pol tokhange:

ROM NOK HATO ZAKYA POL LAIZA 1:1 ပူးပေါင်းရင်းမြစ်များ

WANGSHEMBU MWOT 9:15

Jowanpa-e chix ang thüi: “Paokox! Chemthüikoxle kue chix ku mwot mok ang kamdaoa. Chixe ku mün mixnokbu hia hwom wanghombu hato tsingang tomüi.

ROM NOK HATO ZAKYA POL LAIZA 15:16

Ija a Jisu Khrista da tuita ningle mixnokbu khato mok angkya hanpakma changle. Otsao Chasa makhange, mixnokbu a Zange pongle koptsuak angkya kuxma tö tuita ang naxchang, Zang tokhange hüikya Kaxho Müikya apuk-apua angkya kue nguapa tuita ningle mokpu.

1 KORIN 1:1

Khrista wangshem ang Zang mongtex ma nyakle laxkya Pol, ilaxlechu kem tüinao Sosthen makhange:

KOLOSI 1:1

Zang mongtex makhange wangshem tuita ang achangkya Pol hia Timothi nyi tokhange:

JEREMIA 1:5

“Kue nang ang khüzün zakdün koxüi thoto wüi zünle kopkya changpu, ilaxle nang puxüi thoto wüi nang a jat-libu hato ajepa tuita ang zünle kopdaoa.”

TITA 1:1

Zang da tamchu Khrista wangshem Pol tokhange: Zange zün le kopkya khünaknu to fong ang ilaxle oshuk chitüikya khosün monghom chifün ang laxlaxle ngokya kem zanglome anwot-anokya otsingtsing hato hwom zun le apüi ang ku zün le koplax le tsanle apaokya changpu.

ROM NOK HATO ZAKYA POL LAIZA 1:9

Hosa bama Kaxho Müikya apukle mong bakle koxlaxle Zang owa mwot kue mokle ngolaxpuix, chixe ku zangwün otsingtsing changpu le kaxkhi fa ang thoüi. Kue zangjopkya foto hünzom texle atakkya Zange awanle.

2 KORIN 1:1

Zang mongtex makhange Khrista wangshem ang achangkya Pol hia kem tüinao Timothi nyi tokhange: Korin angkya Zang müimüithom, tamchu Akaia angkya Zang khünaknu nok hato:

1 KORIN 9:1

Ku a mongtex ma ngo ang dankya mix münchang hexnyi? Ku a wangshem tuita münchang hexnyi? Kue kem Jowanpa Jisu Khrista mangün hexnyi? Jowanpa ma hünzom ku füi tomle üitho münchang hexnyi?

2 TIMOTHI 1:11

Kaxho Müikya apuk-apua angkya hanpakma Zange ku wangshem tuita ang kamle kopkya changle.

1 TIMOTHI 1:1

Zang kem khosünpa ilaxle Jisu Khrista kem monghom tokhange Jisu Khrista wangshem ang achang ang tsankya mix Pol tokhange:

GALATIA 1:1

Khünak angkya, chichangba khünak makhange hüikya chichangle, ikoxle Jisu Khrista üntoxle Hopa Zang, owae chix zidaokya chatle azangle zo ang tompuix, chix wangshem ang nyakle kopkya Pol tokhange.

1 TIMOTHI 2:7

üntoxle ikhoma ku mixnokbu hato mongong hia otsingtsing bama kaxho apuk ang wangshem tuita tamchu anwot-ano ang tsanle apaokya mix changle!

1 THESALONIKA 2:2

Kwom Thesalonika to hünzom hato nguiüi thoto Filipi ma kwom to chisumüile tamchu ahai le chemle hwondao laxpuix, ija hünzome awan ngopu. Ile kwom zan to kale mokkyabu tüihu koxlechu, chix makhange hüikya Kaxho Müikya hünzom hama wün ang kwom Zange kwom ang mongchyen fapu.

ROM NOK HATO ZAKYA POL LAIZA 1:5

Khünaknu pangnu jat-li tokya wüi mongong hia kax ma laxkya hato zunle ahüi angkya hanpakma, Khrista mün hanpakmale, chix makhange Zange ku ang wangshem tuita ang achang angkya osho fa.

FILIPI 1:1

Khrista dabu, Pol hia Timothi nyi tokhange: Khrista Jisu füikya notom ma Filipi angkya Zang khünaknu, tamchu müimüithom lomzun mixbu hia fongmixbuchu womle; hwom hato:

MIKNGÜN-OHÜN 1:1

Ija a Jisu Khrista-e angaile ahokya zale thomkya laipex tuita changle. Chwonle chem chang angkya tüipuix ija chixe ma thothakyabu hato aho angkya kuxma Zange Jisu Khrista hato ija angaile kox. Chix kaxtaimix makhange Khrista-e ijabu chix thothapa Juhan ang tsingle lax ang tom;

JUD LAIZA 1:1

Jisu Khrista wangshem tamchu Jakop sasün Jud tokhange, Zang Hopa ma nyakle kopkyabu tamchu mong akünkyabu, opang Jisu Khrista ma sünle thompuix, ibu hato.

2 PITAR 1:1

Jisu Khrista wangshem tamchu chix da tuita Simon Pitar tokhange: Zang hia khosünpa Jisu Khrista otsao ma hwom füi tomle tuita thalix mongong kopkyabu hato:

JAKOP 1:1

Zang tamchu Jowanpa Jisu Khrista da Jakop tokhange: Chaxwan tok ma chiakle tüikya Zang khünaknu nok hato salam.

IBRI 5:4

Owaechu ma nguapa akhokya changündai le ma alüile achuak achenle tüi angkya münlom. Ikoxle khünak tuita Arun lailaile Nguakho ang achangkya a Zange nyakle laxkya tokhange tix wüi changpu.

FILIPI 2:11

Hopa Zang fuazang ma, Jisu Khrista a Jowanpa changpu le; ngaitho le apuk angkya changle.

EFISIA 4:11

“Khünakbu ang hingho kox”, le thüikyachu chix changpu; chixe züizüi wangshembu ang, züizüi ajebu ang, mamabu a kaxho apuk angkyabu ang, mamabu a chunnyetmixbu ang üntoxle nwotmixbu angle kam.

EFISIA 1:13

Üntoxle hünzom chuwüi, hünzom hato khosün apüikya Kaxho Müikya bama otsingtsing kaxho otue atatpuix, hünzom chuwüi Zang khünaknu ang achangpu. Hünzome Khrista to ong, üntoxle chixe faüi hexo le tsaokya Otsao Chasa koxlaxle Zange hopupa münwan chix shin tople.

2 KORIN 12:11

Kue ongat ningle mok ngopu, ikoxle hünzom tokhange kue ile mokpu. Ku bama achuak achenle wün angkya a hünzom changse. Chemthüikoxle ku chemangchu chichangle tüikoxlechu, hünzome “ataxkya wangshembu”, le ekyabu füi ku tütali lom machu ahixkya münchang.

2 KORIN 11:5

Hünzome “ataxkya wangshembu”, le ekya füi ku sühixkya changpu le kue müntex.

2 KORIN 4:5

Kwome apuk-apuakya kwom bama münchang; Jisu Khrista a Jowanpa changle, tamchu kwom a Khrista ma hünzom dabu changpu, le apukwüi.

ROM NOK HATO ZAKYA POL LAIZA 1:16

Kaxho Müikya bama ku münazak; chemthüikoxle ija a opange ongpuix hwom khosün hanpakma Zang tsakzong changle, pongwang ma Jehudi khünakbu hanpakma ilaxle mixnokbu hanpakma.

WANGSHEMBU MWOT 22:21

Jowanpa-e ku ang thüi: ‘Paokox, chemthüikoxle kue nang ochu to mixnokbu hato apaoüi.’”

WANGSHEMBU MWOT 22:7

Ku hax to düt üntoxle ku füi ile akaxkya kue atat, ‘Sol! Sol! Nange ku zo büthüikoxle thuppu?’

WANGSHEMBU MWOT 20:24

Jowanpa chingcha bama Kaxho Müikya apuk angkya, Jowanpa Jisu-e ku ang koxkya mwot, ija ku mwottho mokle jangtho laxba, ku zongma ku tsün chemchu münchangle texpu.

MIKNGÜN-OHÜN 22:9

Ikoxle chixe ku ang thüi: “Nange ile taxchang! Jowanpa mwottho ma kuchu hünzom füi tamchu hünzom tüinao ajebu füi ilaxlechu ija laipex ma tüikya kaxbu ma laxle tüikya pangnusa füi wüi üitho changle. Zang shwomlax!”

KOLOSI 1:25

Zang, owae hünzom fün amüi angkya kuxma, chixe tsün-tsün to khünaknu thüntho ma pyenle thomkya huxsa mwot ikoxle oja athax a chix khünaknu hato ngaile apukpuix,

EFISIA 1:1

Zang küntsu monglua tokhange Khrista wangshem ang achangkya Pol tokhange: Khrista füikya notom ma mongong ma chiale le ngokyabu, Efisia ma tüikya otsao khünakbu hato:

ROM NOK HATO ZAKYA POL LAIZA 16:25

Zang ang fuazangkya koxhax! Khrista bama kue apukkya Kaxho Müikya ningle, üntoxle kaile pupa tsün tokhange wüi pyenle thomkya otsao otsingtsing ngaile ahokya ningle, chixe nang mongong ma shingmongle ajong ang koxtsuak le.

ROM NOK HATO ZAKYA POL LAIZA 16:18

Iningle mokkyabue kem Jowanpa Jisu Khrista mwottho thakya münchang, ikoxle hwom wok hanpakma mokwüi. Hwome kaxmüi makhange tamchu tsaisong kaxnong makhange künlan-monglan ma ngokya khünakbu dyenle.

ROM NOK HATO ZAKYA POL LAIZA 15:29

Otue ku hünzom hato nguiüihex, Khrista mohimane awang laxle nguiüi le kue awanle.

ROM NOK HATO ZAKYA POL LAIZA 11:13

Athax kue hünzom mixnokbu füi akaxpu: Ku mixnokbu hato wangshem tuita ang ngokya kople ku mwottho ma ku mong ngamkya tüiüi.

WANGSHEMBU MWOT 27:23

Chemthüikoxle ku owa kuxhex ilaxle kue owa tongshwom le ngopuix, ija Zang kaxtaimixbu müja ku hato nguile,

WANGSHEMBU MWOT 26:1

Agripa-e Pol ang thüi: “Nang ang ma khosele akax ang fapu.” Pol-e chix chak thui ilaxle ma khosele ile akax,

WANGSHEMBU MWOT 13:9

Ifüima Sol, owa ang khünaknue Pol lüchu wüi nyak, chix ma Otsao Chasa ngui; chixe ija montro sün to tangthole hu,

JUHAN 15:15

Athaxpi kue hünzom ang dale münnyak; chemthüikoxle da tuitae ma hopupae mokkya mwot münawan; ikoxchu kue hünzom ang zuikhui le nyak daoa; chemthüikoxle kue Apa tokhange chempang atatle laxpuix ibu pangwüi kue hünzom hama wünpu.

JUHAN 12:26

Owawae ku thothase jangtsuba, chix ku füito azui angkya changle; ikoxtix ku ojong khato ngoüihex, ikhato ku dachu ngoüi. Owae ku thotha laxpuix, Apae chix achuaküi.

ISAIA 49:1

Ku kax to apalax, tsailo nokbu, hünzom khünak opang tsai to ngole tüipuix! Ku puxüi thoto wüi, Jowanpae ku zünle kop ilaxle ku a chix dapa ang kamle dan.

1 PUKAX-PANGAO 23:13

Chix sasün tüichongsa Amram a Arun hia Mosa nyi hopa changkya. (Arun hia chix sixli hwom a othuithui hanpak ang otsao tuinabu to twon angkya, Jowanpa to shwomle ongan müikya sobu zok angkya, chix thotha angkya, ilaxle chix mün ma khünaknu to mohiman angkya hanpakma süile dan.

TSAITONG-KAXTONG 10:8

Ipongma Jowanpae Tsaotsüt Suak to hu angkya Liwi homjen zünle, zompu-zangpabu mwot mokle chix thotha angkya ilaxle chix mün ma kaxzakdünle shozex angkya kox. Ilaxle ibu a hwome mok angkya hwom mwotbu changle.

MIKNGÜN-OHÜN 22:6

Ifüima kaxtaimixe ku ang thüi: “Ibu kax a otsingtsing tamchu mongong tüiangkya changle. Üntoxle Jowanpa Zang owae ajebu ang chix chasa fapuix, chixe chwon chwonle wüi chem chang angkya tüipuix ija chix dabu hato aho angkya hanpakma kaxtaimix tomle apao.”

IBRI 7:26

Ikhoma Jisu a kem laxli pangwüi anguile fa angkya Nguakho changle. Chix a otsao; chix ma thaikya chichangba ochax chemchu müntüi, chix a ochaxbu füi atsaile süi thomkya tamchu zangkho thak to nwonle thomkya changle.

WANGSHEMBU MWOT 26:14

Kwom pangnu wüi hax to nguak, üntoxle kue ku füi Ibri kax ma akaxkya ile atat: “Sol! Sol! Nange ku zo büthüikoxle thup ngopu? Kiajun to ho puixle nang thomzünle laxüi.”

WANGSHEMBU MWOT 21:40

Süpahi-Lompa-e chix ang akax ang kox. Idaile Pol dixtua chifün ma ajong ilaxle khünaknu to chix chak aja. Hwom dangle ngopongma Pol-e hwom füi Ibri kax ma akax.

JUHAN 15:20

‘Ma hopunu füi da wüi achongkya münchang’ le kue hünzom füi akaxkya ku kax texle ataklax. Hwome ku ang sikngün fadaokya jangchangba, hünzom sikchu wüi angün angkya changle. Hwome ku hwon-nwot kax ma laxkoxle, hünzom kax machu lax angkya changle.

MARK 1:14

Juhan kun to shokya füima, Jisu Galili to ngui ilaxle Zang Wangting bama Kaxho Müikya apuk.

2 KORIN 2:12

Khrista bama Kaxho Müikya apuk-apua ang ku Troas to nguikya zuma, kue ikhato chix mwot otua ma süt tsuak angkya hanpakma, Jowanpa-e ku ang lom zangle bang.

2 KORIN 11:7

Khosün angkya Otsao Kaxho kue hünzom hato apukkya zuma kue hünzom ma chemchu chiju chilom. Hünzom thak to nwon angkya kuxma kumix fangto jupu. Ija wüi ku zongma ochax ang achang laxcha?

1 THESALONIKA 2:8

Kwom ma hünzom to mongkünkya tüikya khoma, Zang tokhange hüikya Kaxho Müikya tata chichangle kwom tsün ngaxchu hünzom füi atom-ahan ang achwonle tüikya. Hünzom a kwom zongto mongkünle tüikya.

1 THESALONIKA 2:9

Kutüi kunaohom, kwome mokdaokya hia sikngün apong daokya, hünzom mong ma tüiün angpu! Zang tokhange hüikya Kaxho Müikya hünzom hato apuk-apuakya zuma hünzom zongto kwom tuita tingtui dongle nakchang ünkox le kwome zangnak zangngai mwot mokpu.

1 PITAR 4:17

Kaxfün owang wang angkya hanpak chwonle hüiüna, üntoxle pongwang ma kaxfün angkya a Zang khunakbu changle. Ija mwot kem makhange owang jangwang thüikoxle Zang chitsingkyabu füi chemle ashuk laxüi hex?