PONGWANG LAIPEX 9:6 - OTSAO BAIBEL (BSI)

⁶ Khünaknüsa a Zang lailaile zingkya changpu, idaile hwomkha angkya owawae mixhuak tuita mik amütle jangchangba mama mixe chix lang angkya changpu.

PONGWANG LAIPEX 9:6 ပူးပေါင်းရင်းမြစ်များ

LIWI 24:17

“Owawae mix mik-amütle jangchang thüiningle chix chuwüi mik max ang tomüi.

MATHI 26:52

Iponge Jisu-e chix ang thüi: “Nange chang züpak ma latdao! Chang twonkya khünak chang chak ma lam angkya changle.

MIKNGÜN-OHÜN 13:10

Koplaxle pao angkya le tüikyabu koplaxle pao angkya wüi changle; changlo füi langüi thüikyabu, changlo füi lang angkya jao changle. Ikhama Zang khünakbu hanpakma, adukya hia mongong tüi angkya lomle.

HUAKE LAIPEX 35:33

Hünzome ile jangmok thüiningle, hünzom ngole hüikya haxtok a chitsaokya ang achangpu. Khünak mik amütkya haxtok a okhu-omu ang achangdaoa, idaile mix mik amütkya khünak zikya ma wüi chichang, khünak tuita langdaokya haxtok atsaole zomzing angkya olom chemchu müntüi.

JAKOP 3:9

Keme ija le zingpupa Jowanpa tamchu Hopa ang münchong fa angkya hanpakma üntoxlechu Zang lailaile zingkya khünak thuakzom ang twonle.

PONGWANG LAIPEX 5:1

Ija a Adam sixli hwom mün zakya changle. (Zang-e khünaknüsa zingpongma, chix hwom chix lailaile zing.

ROM NOK HATO ZAKYA POL LAIZA 13:4

Chemthüikoxle nang füi naxmüi le mok angkya hanpakma chix Zang thothapa changle. Ikoxle nange chichang-chizangle jangmok, chix thua zalax, chemthüikoxle sikngün fa angkya zong chix ma tüikya otsing changle. Chix a Zang da ilaxle chichang-chizangle saxmokkyabu to Zang mongtsik kaxtom moküi.

PONGWANG LAIPEX 4:14

Anyix ku nange chaxwan tok tamchu nang miksho angkya jwonle apaopu. Ku a hom-hax chitüile chaxwan tokma samle aham ngoüi, ilaxle owae ku atakle laxpuix, chixe ku langüi.”

MÜNCHUAK-TSAI 51:4

Kue nang zongto ochax lyenle tüidaoa: nang tata zongto a: ilaxle nange chem münsule thüipuix, kue ija mokdaoa. Idaile nange ku to kaxfün fa angkya asule tüile; ku thaikya ang achangkya tokhange nang sukya ang achangle.

HUAKE LAIPEX 35:25

Noknue, mix mik amüt laxle pünpao tingnu to paole azangünkya khünak khose laxle chix a pünpao tingnu towüi tamchatle paole ozün ma ngo ang tom angkya oli. Ekhato chix epongma tüile asukya Nguakho zikya kople ngoüi.

1 KORIN 11:7

Lüka tuitae khang akho angkya mwot münchang, chemthüikoxle chix a Zang chakzing changle. Ikoxle sheko tuitae lükapa füi azakkya ocha ahole;

PONGWANG LAIPEX 42:22

Reuben-e thüi: “Kue ija nao to ile taxhwonhax le thüikoxle hünzome ku kax ang kaxle chithüi. Athax a chix mik amütkya olüix keme koppu.”

LAIPAO 20:13

“Mix taxlang.

TSAITONG-KAXTONG 5:17

“‘Nange mix mik taxamüt.

KAXFÜNPA-HWOM 9:56

Ile chixe hotüi-honao hwom 70 khünaknu mik amütle hopa zan to kakya khoma Zang-e ile jannong alüi.

1 SAMUEL 15:33

Samuel-e thüi: “Nang changlo khokho ma anyix shekobu su-sa chilax homtoxle huanuma ngole tüile, ija lailaile athaxpi hünnuchu masa chilax homtoxle mixcha tuita ang danle toxüi.” Ilaxle chixe Agag a tö-tsap tuntho ma Gilgal ma texle akhix.

2 WANGHOMBU 11:16

Hwome she kop, wanghom homlo to apüi, ilaxle ikhato Man Zünkai ma hwome she lang.

WANWÜNKAX 28:17

Owawa mix mik amüt ang thaikya khünak a tsuakkya tukuxle momle ma zuk-kha thole ngokya mix changpu. Chix to abax ang taxazong.

HWON-NWOT-JAONO 3:3

mik-amüt angkya hia azün angkya hanpak tyale thompu, pün angkya hia zingle alai angkya hanpak tyale thompu.

HUAKE LAIPEX 35:16

“Ikoxle owawae mix mik amüt ang jan, long hia pün, iningkyabu jangtwon, chix a ija mikmüt bama thaipu, ilaxle chix mik chuwüi max ang tomüi.

TSAITONG-KAXTONG 19:11

“Ikoxlechu owawae ma zongto zanpa tuita zingmüi ma langle awüt ilaxle chix khangkhom ang iningkya tingnu to paole jangchang,

2 SAMUEL 4:11

Chem chitikkya khünak tuita ma homkha ma jiple dangjale ngokya mik amütkya bao, khünak zongma chemtukux chongkya shoma ang changüihex! Athax kue chix langkya khoma hünkhi to jannong alüile changüi ilaxle hünkhi a chaxwan tok angkya oman chitoxle amütüi!”

1 WANGHOMBU 2:9

Ikoxlechu nange chix to sik-chiangün homle chialyet angkya changle. Chemle mok angkya hex nange tikle ngopu, ilaxle tütakoxlechu nange chix lang angkya wüi changpu.”

2 WANGHOMBU 11:1

Wanghompa Ahaziah honue, Athaliah-e sasün langkya kax kopkya füi tomle, she-e chongwang hwom homkha pangwüi mik-amüt angkya kax kox.

2 WANGHOMBU 11:20

Khünaknu pangwüi ang mong huanuma müi, ilaxle athax Athaliah wanghom homlo ma langle tingnu a wandangjale tüikya.

2 PUKAX-PANGAO 33:24

Amon nguakax-wangkho hwome chix to tung ilaxle khwa hommong ma chix lang.