PONGWANG LAIPEX 9:5 - OTSAO BAIBEL (BSI)

⁵ Owawa khünak tsün laxle jangchang, kue chix ang sikngün fa angkya changpu. Ilaxle müi ojae khünak khüzün laxle changüihex, kue ija to mik max ang tomle jao sikngün faüi.

PONGWANG LAIPEX 9:5 ပူးပေါင်းရင်းမြစ်များ

LAIPAO 21:12

“Owawae khünak tuita to fitle janglang, chix a mik max ang tomüi.

MÜNCHUAK-TSAI 9:12

Sikngün apong daokyabu Zang-e texle atakle; hwom sopkya chixe münalak, üntoxle hwom to thaile mokdaokyabu to chixe sikngün fale.

MATHI 23:35

Ija khoma chem ngax chitsingkya Abel makhange Zakaria kople chem pak chitikkya khünakbu chemtukux lang daopuix, pangnu wüi hünzom khangkho ma düt angkya changle. Berekiah sasün, owa hünzome Zangshwom-Hom hia tö koxkya zomtong nyi bama langpuix, chixchu wüi womle.

LIWI 19:16

Owawa bato khualople taxchang, ilaxle owawa a chix khüzün hanpakma kaxfün khwa ma tüipongma, nang zangwüne chix to kaxjua fongtsuak angkya olom jangtüi thüiningle ija akaxle laxkox. Ku a Jowanpa hünzom Zang changle.

LAIPAO 20:13

“Mix taxlang.

WANGSHEMBU MWOT 17:26

Mixhuak tuita makhange chixe khünaknu jat-hi-li pangwüi zing, ilaxle chaxwan tok pangnu khato wüi hwom ngo ang dan. Amiba wüi achale chixe hanpak hia hwom ngo angkya ziakam textya le othüt chixe kox.

PONGWANG LAIPEX 42:22

Reuben-e thüi: “Kue ija nao to ile taxhwonhax le thüikoxle hünzome ku kax ang kaxle chithüi. Athax a chix mik amütkya olüix keme koppu.”

KAXFÜNPA-HWOM 9:56

Ile chixe hotüi-honao hwom 70 khünaknu mik amütle hopa zan to kakya khoma Zang-e ile jannong alüi.

2 SAMUEL 4:11

Chem chitikkya khünak tuita ma homkha ma jiple dangjale ngokya mik amütkya bao, khünak zongma chemtukux chongkya shoma ang changüihex! Athax kue chix langkya khoma hünkhi to jannong alüile changüi ilaxle hünkhi a chaxwan tok angkya oman chitoxle amütüi!”

2 PUKAX-PANGAO 24:22

Zekariah hopa Jehoiada-e ipongpongle chix mwot mokle koxkya wanghompae alakle awüt, ilaxle chixe Zekariah mik max ang tom. Zekariah zakshuüi khakhama: “Nange chem mokpuix ija Jowanpae naxngünkox ilaxle nang to sikangünle naxchang kox”, le akhongle soplaxle zile pao.

LIWI 24:17

“Owawae mix mik-amütle jangchang thüiningle chix chuwüi mik max ang tomüi.

LIWI 24:21

Owae mix tsom-pom mik amütle changdaolaxpuix chixe olüix kox angkya changpu, ikoxlechu owae khünak mik amütle changdaolaxpuix chix a mik max ang tom angkya wüi changpu.

HUAKE LAIPEX 35:16

“Ikoxle owawae mix mik amüt ang jan, long hia pün, iningkyabu jangtwon, chix a ija mikmüt bama thaipu, ilaxle chix mik chuwüi max ang tomüi.

HUAKE LAIPEX 35:21

chichangba chix chaktom füi thule lang, ija khünak a mix mik amütkya bama thaipu; idaile chix a mik max ang tom angkya wüi changpu. Ziünkya mix pasa-tüinao owawae ija mix lang mix mik amüt angkya wüi changpu. Chemtue chix thoma bangpuix, chixe ija khünak lang angkya wüi.

TSAITONG-KAXTONG 19:11

“Ikoxlechu owawae ma zongto zanpa tuita zingmüi ma langle awüt ilaxle chix khangkhom ang iningkya tingnu to paole jangchang,

TSAITONG-KAXTONG 19:12

hwom tingsho angkya lompabue ija khünak apüi ang akatüi ilaxle chixe langkya haxnu-homsabue ija olüix khom angkya hanpakma chix a hwom chak to owüiole koxüi, ile hwome ija mixsün langle awütüi.

1 WANGHOMBU 2:6

Nange chem mok angkya hex nange awan ngopu; nange chix a zikmüi to zi ang chitom angkya oli changpu.

2 WANGHOMBU 11:1

Wanghompa Ahaziah honue, Athaliah-e sasün langkya kax kopkya füi tomle, she-e chongwang hwom homkha pangwüi mik-amüt angkya kax kox.

2 PUKAX-PANGAO 33:24

Amon nguakax-wangkho hwome chix to tung ilaxle khwa hommong ma chix lang.

2 PUKAX-PANGAO 33:25

Judah nokbue Amon langle changkyabu mik amüt ilaxle chix man ma chix sasün Josiah a wanghom ang achang.