PONGWANG LAIPEX 9:2 - OTSAO BAIBEL (BSI)

² Chaxwannu angkya müinüjen pangnu tamchu alyangle ahamkya Zünmok pangnu, ilaxlechu tinu mong tokya nyax pangnu ma wüi hünzom thua zakya tüiüi. Ibu pangwüi kue hünzom kax ma laxle tüi tompu.

PONGWANG LAIPEX 9:2 ပူးပေါင်းရင်းမြစ်များ

JAKOP 3:7

Khünak keme müi nüjen, o nüjen, alyangle ahamkya nüjen, tamchu nax nüjen pangwüi tsom laxle kax ma laxle tüi ang tomle.

PONGWANG LAIPEX 1:28

Zang-e hwom to mohimanle akax: “Simüi-limüi hüi tamchu pu-tsale changhüi, chaxwannu awanghüi tamchu ija to ohüi; tinu mong tokya janyax hia zangwin angkya osabu tamchu chaxwan tok ma ahamkya zünmok pangwüi thakma apün-awanghüi.

HOSIA 2:18

Ipongma kue faomüi janyax pangwüi füi tsaotsütle changüi, ikhoma hwome ku khünaknu to thomzün maklax ang müntomüi. Kue hwom haxtok angkya zankat chang-pax pangwüi awüt faüi, changlo hia hapnu, ibu pangwüi, ilaxle ku khünaknu a tumüi ma chaza angkya chitüile ngo ang tomüi.

EZEKEL 34:25

Kue hwom füi tumüi-lomkhaole ngo angkya tsaotsütkya tüiüi. Ija haxtok ma tüikya müima-nyaxshixbu pangwüi max ang tomüi, ile changkox tix wüi ku chunbu wunsa khato tamchu faonu mongto chaza angkya chemchu chitüile jip-pom ang thoüi.

LIWI 26:6

“Kue hünzom haxtok ang mongsom koxüi, ilaxle hünzom owa thua zakya chitüile mikngüt müile jip ang kopüi. Hünzom haxtok angkya müima-nyaxshixbu pao ang tsanüi, tamchu tütue chu chaxpwon-zanlekya müntüiüi.

PONGWANG LAIPEX 35:5

Hwom lomba to ahamle tüipongma, hwom akhople tüikya tingnu pangnu khato wüi, khünaknu hato za angkya ahüi, ikhoma hwom to owaechu achuale chichang.

PONGWANG LAIPEX 2:19

Ile hax makhange Zang-e faomüi tamchu zangwin angkya osa oli pangwüi zingle alai, ilaxle ibu ang mün chempangle koxüihex ang ibu pangwüi khünak hato apüi ilaxle Adam-e chemle nyakpuix ija a ibu münnyak ang achangle pao.

LIWI 26:22

Kue za-adünkya müima-nyaxshixbu hünzom hato ahüiüi, ilaxle ibue hünzom su-sabu langüi, hünzom tsom-pombu thomjoüi, ilaxle hünzom a hidaole wüi atale dantoxüi ikhoma hünzom lomtangbu a owachu chiahamle limüi.

PONGWANG LAIPEX 1:21

Ilaxle chixe ti ma tüikya müinu-nyaxpabu hia zünmok oli pangwüi alai ilaxle osa-juxsa oli pangwüi alai. Zang-e ija müihule le ngün.

PONGWANG LAIPEX 9:1

Zang-e Noa hia su-sa hwom to mohimanle thüi: “Simüi-limüi hüi tamchu chaxwannu awangle pu-tsa hüi.

PONGWANG LAIPEX 9:3

Athax hünzome ibu sax ang tsuak, tamchu fumhing-laihing pangwüi sax ang tsuak; kue ibu pangwüi hünzom süt hanpak ang koxpu.

PONGWANG LAIPEX 1:26

Ifüima Zang-e akax: “Athaxpi keme khünak zingüi; hwom a kem lailaile tüiüi ilaxle hwome kem khuaküi. Hwom a müi-hi-nyax, o-jux, tsom-pom hia faomüi chongkya hixkya pangnu thakma apün angkya zong tüiüi.”

JOB LAIPEX 39:11

Nange zazazikya chixtsak chix ong to mongong üntoxle tüpong-tüpongkya nang mwot mokle faüile texpia?