PONGWANG LAIPEX 9:16 - OTSAO BAIBEL (BSI)

¹⁶ Chemtue zangfwom ma nomlong laiüihex, kue ija ngünüi ilaxle chaxwannu angkya zünmok füikya oshuk chitüikya Tsaotsüt texle ataküi.

PONGWANG LAIPEX 9:16 ပူးပေါင်းရင်းမြစ်များ

JEREMIA 32:40

Kue hwom füi oshuk-chitüikya tsaotsüt tuita zingüi. Kue hwom hanpakma müikya mwot mokkya tam-münzak, ilaxle hwom mong makhange abakle ku chathua zale ngo ang tomüi, ikoxle tix hwome ku hato tok chiahoüi.

2 SAMUEL 23:5

Ilaxle ija ningle Zang-e ku sixlibu to mohiman angkya changle, chemthüikoxle chixe ku füi othuithui hanpak ang tsaotsütle changdaoa, tamchu chiama angkya tsaifün-kaxwün tuita, otuechu chialex angkya kaxtsao tuita a. Ibibi a ku mong ma tsukya changle; ija a kue tholünkya ang changüi, ilaxle Zang-e chithaile ija ile chang ang tomüi.

PONGWANG LAIPEX 17:19

Ikoxlechu Zang thüi: “Ile münchang. Nang kakonu Sarah-e nang ang sasün tuita puxüi. Nange ija nao ang Isak le amün angkya changle. Kue ku Tsaotsüt chix füi tamchu chixsu chixsa hwom füi othuithuima thomüi. Ija a oshuk chitüikya Tsaotsüt changpu.

PONGWANG LAIPEX 17:13

Mixhuak pangwüie ija zom zing angkya changpu, ijae hünzom füikya ku Tsaotsüt a oshuk chitüikya changpule aho angkya otok to ngün ang kopkya münwan tuita changpu.

IBRI 13:20

Oshuk chitüikya Tsaotsüt shintopkya chix aji khoma owa Akhokya chun-nyetmix ang changpuix, ija kem Jowanpa Jisu, zidaokya Zange chatle azang ang tom.

PONGWANG LAIPEX 17:7

“Oshuk-chitüikya Tsaotsüt tuita ang kue ku kaxtsao füichima nang füi tamchu nang su-sa hwom füi thom ang tomüi. Ku a nang Zang tamchu nang su-sa hwom Zang ang ngoüi.

ISAIA 55:3

“Athax apalax, ku khünaknu, ilaxle ku hato nguilax; ku hato nguilax, jangchangba nang ang khüzün tüiüi! Kue nang füi otsün lo angkya tsaotsütle changüi ilaxle kue Dawid ang koxüile tsaokya mohiman nang ang koxüi.

PONGWANG LAIPEX 9:17

Ija a zünmok pangnusa füikya ku tsaosüt münwan ang changüi.”

EZEKEL 34:26

“Kue hwom to mohimanüi ilaxle ku otsao haxnu akhople ngo ang tomüi. Ikhato hwome ti lom pongma ti koxle kue hwom to mohimanüi.

EZEKEL 37:26

Jento hwom tumüi lomkhaole ngo angkya bama kue hwom füi tsaotsütle changüi. Kue hwom ajing-ating le chang ang tomüi ilaxle khünak huak pu-tsale chang ang tomüi. Ku Zangshwom-Hom ija haxtok ma hwom tu ma jento ajongle ngokya kue ngün ang kopüi.