PONGWANG LAIPEX 8:1 - OTSAO BAIBEL (BSI)

¹ Ifüima Zang-e Noa hia chix füi tomle khua ma tüikya tsom-pom hia faomüibu texle atak. Zang-e chaxwannu tok ma zangwin awin ang tom ilaxle ti azop.

PONGWANG LAIPEX 8:1 ပူးပေါင်းရင်းမြစ်များ

PONGWANG LAIPEX 30:22

Ifüima Zang-e Rachel texle atak; chixe she zangjop to lan ilaxle she ma naosom nguidong ang tsuakle achang.

PONGWANG LAIPEX 19:29

Ikoxlechu haxsha ma tüikya, Lot ngokya tingnubu amüt pongma, chixe Abraham texle atak ilaxle Lot a zingmüi ma paole azang ang tom.

LAIPAO 2:24

Zang-e hwom mongsople nuzaokya ozing atat ilaxle chixe Abraham, Isak hia Jakop hwom füi Tsaotsüt laxkya texle atak.

MÜNCHUAK-TSAI 136:23

Kem to lütle changpongma chixe kem chialak; chix mongkün ma oshuk müntüi;

1 SAMUEL 1:19

Ofüima Elkanah hia chix kakobu swomsae zo, ilaxle zangshwom laxle hwom hom Ramah to chat. Elkanah a chix kakonu Hannah füi jip-pomle chang, ilaxle Jowanpae she zangjop to lan.

LAIPAO 14:21

Mosa-e tinu ding to chix chak thüi. Ifüima Jowanpae handünchi winjep ang tinu jeple achat ang tom. Ija winjepe wüntungtale tüle zongle jep ilaxle tinu mongto haxkozan alai, ile tinu anyi ang achangle ahan.

MÜNCHUAK-TSAI 106:4

Nange nang khünaknu to fongle changpongma, ku texle atak-hüi Jowanpa; nange hwom khosünle kop pongma ku chu wom ang tomhüi.

AMOS 8:7

Jowanpa, Israel nok Zang-e tsaodaoa: “Kue hwom ochax mwot ibu otuechu alakle awüt ang müntho.

HABAKUK 3:2

O Jowanpa, nange chem mokdaopuix, ija zing kue atatdaoa, ilaxle ku huanuma abütle. Athax chatle kwom tsün ma anaole mok-hüi nang mok-homkya chongkya mwotbu a. Nang mongtsik-mongma pongma ngaxchu chingchajajale tüihüi.

MÜNCHUAK-TSAI 137:7

Jerusalem kopkya nyix Edom noke chemle mokpuix, ija texle ataklax, O Jowanpa. “Ija pünle atsundao!”, le hwome akax ngokya texle ataklax.

MÜNCHUAK-TSAI 132:1

Jowanpa, chemtuechu Dawid ilaxle chixe adule hüidaokya fuxtsüi ibu alakle taxchang.

NEHEMIA 13:31

Khünaknue hwom puamün kha angkya saxziak hia pünziak töbu apüile chang angkya hanpakma tamchu hwome ibu apüi pongma töbu zokle ashun angkya hanpakma tingtui nakdong le kue ha achwonle koxpu. Ibu pangwüi texle atak-hüi ilaxle ija bama ku to chingchakya tüihüi.

NEHEMIA 13:22

Liwi hwom ma alüile atsao koxle, Sabath müile atsaole thom angkya kuxma panbu nye angkya kue kaxkoxle changpu. Ija bamachu ku texle atat-hüi, O Zang, ilaxle nang mongkün chongkya tüikya khoma ku panle thom hüi.

NEHEMIA 13:29

Texle atak-hüi, Zang, ibu khünakbue wanghom khualo ilaxle nguapabu hia Liwi hwom füikya nange kaxfün hwome chemle amapuix, ibu taxalak.

NEHEMIA 13:14

Nang Zangshwom-Hom hia ija zangshwom bama kue mokkyabu mong ma koplax, ku Zang.

MIKNGÜN-OHÜN 18:5

Chemthüikoxle she ochaxbu a, zangding to thule athünle tüile, She chichang-chizang mwotbu, Zange texle atakle.

MIKNGÜN-OHÜN 16:19

Achongkya tingnu azom ang achangle ahak, ilaxle pangnu chaxwan tokya tingnubu amüt. Zange Babilon tuita chongkya tingnu texle atak, ilaxle chix wansa angkya ju oja tüle chix mongtsikkya ju changpuix, ija ling ang tom.

WANWÜNKAX 25:23

Shuakuxchi zangwine ojao chithaile zangwat ang tomkya ningle za-amankyae mongtsik-mongma alaile.

JOB LAIPEX 14:13

Amalum to nange ku khomle namthomse; nang mongtsik mazak tanto ku pyenle namthomse; ku texle-atak angkya hanpak tex-tiale thomhüi.

HUAKE LAIPEX 22:32

Kaxtaimix-e sa: “Nange nang man to iningle othom azom ma büthüikoxle fit? Ku a nang lomtsyen ang nguipu, chemthüikoxle nang a ijachi to pao angkya mwot ojao münchang.

JONA 4:11

Jangchang thüiningle, ija chongkya tingnu, Ninewi nok to kue itokaile chingcha angkya olom tüile. Chemthüikoxle ikhama chemmün chitikkya naosom 120, 000 tamchu müibu tüihule!”

MÜNCHUAK-TSAI 36:6

Nang otsao a haxnukhobu lailai tsuale; nang sukya a tinu shinthuk jithong büta zule. Khünaknu hia müi-nyax nangkui-nangzang fang ma.

LAIPAO 15:10

Ikoxlechu nang zakmüt tamfang ma, Jowanpa, Ijip nokbu a ti to max; za-adünkya tinu mongto hwom jandwon lailaile ti thong to düt.

HUAKE LAIPEX 10:9

Chemtue hünzom haxtok ma zan laile, hünzom to single hüikya zanpa chak tokya ma khosün ang azongle ngopuix, ipongma chaxkhong-zankha apukle ibu nyazong mütkox. Jowanpa kue hünzom a ochax-ozan pangnu chak tokya azün ang hünzom to asuüi.

JOB LAIPEX 12:15

Chemtue Zang-e zangwat tsyenle tuipuix, zangzuale chaxwan zanle; Chemtue chixe ti danle ajenpuix, tichong ilaxle mua-mualyemle.

MÜNCHUAK-TSAI 29:10

Tüle zukya tinubu thakma Jowanpae apün; chixe wanghompa ningle othuithuima apün.

MÜNCHUAK-TSAI 105:42

Chixe chix dapa Abraham füikya otsao kaxtsao texle atak.

ISAIA 44:27

Kaxtom tuita makhange kue molo tinu zop ang tompu.

NAHUM 1:4

Chixe Molo-Tinu ang kaxtom kox, ikoxle ija ti zople zan! Chixe shuajenbu zople zan ang tom. Bashan angkya manzai haxtok zanle pao, Karmel Haxhua khuifople achang, ilaxle Lebanon angkya maipuabu hüile pao.

PONGWANG LAIPEX 9:10

O nüjen hia müinüjen: chempangsa khua angkya laile changpuix, ibu pangwüi füi chuwüi fünpu.

MÜNCHUAK-TSAI 115:12

Jowanpa kem texle ataküi ilaxle mohimanüi; chixe Israel khünaknu to mohimanüi ilaxlechu Zang zompu-zangpabu pangnusa to.

JEREMIA 50:38

Ija haxtok hato otui-onuak apüikox ilaxle ija angkya shuajenbu azopkox. Babilon a za-adünkya chapabu haxtok changle ijabu füi khünaknu ongatbu ang achangle.

ZEKARIA 10:11

Chemtue hwome hwom sikngün tinu akaile tsuaküihex, Jowanpa kue tichap to fitüi, ilaxle Nail jinu zukyabu zople paoüi. Tüle ngamle ngokya Asiria puinaile chang ang tomüi, ilaxle tüle zaxzangle ngokya Ijip noke ma tsak-zong amütüi.