PONGWANG LAIPEX 7:1 - OTSAO BAIBEL (BSI)

¹ Jowanpae Noa ang thüi: “Hünzom kako pangwüi koplaxle khua mongto noplax; chaxwannu tok ma ku mik-hu ma sukya nang tata tix atakle.

PONGWANG LAIPEX 7:1 ပူးပေါင်းရင်းမြစ်များ

PONGWANG LAIPEX 6:9

Ija a Noa pukax changle. Chix ang Shem, Ham üntoxle Jafet le sasün hwom azom tüikya. Chix tsündang khama thaikya chemchu chitüikya khünak mixmüi a Noa chix tata wüi changkya. Chix a Zang füi notom-tusüi ma ngole hüi.

IBRI 11:7

Chixe ngün ang chitho koxlechu Noa ang füichi hanpakma Zang kaxfün atat ang tomkya a mongong changkya. Chixe Zang kax ma lax üntoxle khua müi, oja mong ma chix tamchu hwom kako pangwüi khosün puix. Ikhoma, chaxwannu a max ang tom, üntoxle Noa-e Zang angkya mongong makhange hüikya otsao mantswon kop.

PONGWANG LAIPEX 7:13

Ija nyix wüi Noa hia chix kakonu, sasün Shem, Ham hia Jafet hwom tamchu hwom kakonu hwom füi tomle khuanu mongto dong.

1 PITAR 3:20

Hwom a, Noa-e khua müile ngopongma, Jowanpa-e ozulole adule tan koxlechu Zang kax ma chilaxle tüikya chasabu changkya. Ija khua ma tüikya hwom mixhuak achyet, ti zan to max ang chitom le khosün,

WANGSHEMBU MWOT 2:39

Chemthüikoxle hünzom üntoxle hünzom susabu, üntoxle tsailo to ngokyabu pangnu, üntoxle Jowanpa kem Zange chix hato otukux sele tüilaxpuix, ibu noknusa hanpakmale Zange tsaokya changle.”

KAXHO MÜIKYA LUK 17:26

Khünak Hosa dinchu Noa din tokya ningle changüi.

ZEFANIA 2:3

Jowanpa hato chatkox, haxtok angkya puinaile tüikya khünaknu pangwüi, hünzom chix kaxtombu kax ma laxle tüikyabu. Chem supuix ija mokkox, ilaxle Jowanpa tuntho to malualua to puinaile changlax. Ile jangchang thüiningle Jowanpae chix mongtsik ahokya nyix hünzom azangle pao ang tsuak.

WANWÜNKAX 14:26

Jowanpa chathua zakyae khünak tuita ang tamchu chix homkha ang mongong chalom hia khangkho sünkya tüiüi.

PONGWANG LAIPEX 7:7

Chix üntoxle chix kakonu, ilaxle sasün hwom hia hwom kakonu hwom, khuanu mongto dongle tinu-mualyem ma chimaxle azang.

WANWÜNKAX 18:10

Ojong khato paolaxle otsao khünakbue khosün atakpuix, Jowanpa a ija shingmongkya long-katuk tuita ningle changpu.

WANWÜNKAX 10:9

Khünak otsingtsingbu a khangkho azangle changüi, ikoxle thaithaxkya mix a kopüi.

KAXHO MÜIKYA LUK 1:6

Jowanpa wanlom hia kaxtombu apale hokhi a Zang miksho ma otsao tsün ngo.

2 SAMUEL 22:24

Ku ma thaikya chemchu müntüi chixe awan, chemthüikoxle kue chisule moklaxle ku thai ang chitom.

EZEKEL 14:14

Ibu mixsün azom, Noa, Danel, üntoxle Job, hwom a ikhato ngole tüikya. Hwome müile tüikyae hwom tsün tata khosünle changüi.” Jowanpa Khüthak Zang-e ija akaxdaoa.

PONGWANG LAIPEX 6:18

ikoxlechu kue nang füi tsaotsüt tüiüi. Nang kakonu, hünsa hwom hia hwom kakonubu füi nang khua mongto donglax.