PONGWANG LAIPEX 6:9 - OTSAO BAIBEL (BSI)

^9-10 Ija a Noa pukax changle. Chix ang Shem, Ham üntoxle Jafet le sasün hwom azom tüikya. Chix tsündang khama thaikya chemchu chitüikya khünak mixmüi a Noa chix tata wüi changkya. Chix a Zang füi notom-tusüi ma ngole hüi.

PONGWANG LAIPEX 6:9 ပူးပေါင်းရင်းမြစ်များ

KAXHO MÜIKYA LUK 1:6

Jowanpa wanlom hia kaxtombu apale hokhi a Zang miksho ma otsao tsün ngo.

IBRI 11:7

Chixe ngün ang chitho koxlechu Noa ang füichi hanpakma Zang kaxfün atat ang tomkya a mongong changkya. Chixe Zang kax ma lax üntoxle khua müi, oja mong ma chix tamchu hwom kako pangwüi khosün puix. Ikhoma, chaxwannu a max ang tom, üntoxle Noa-e Zang angkya mongong makhange hüikya otsao mantswon kop.

2 PITAR 2:5

Zange kaipongkya chaxwannu to ngaxchu chiakhex, ikoxle Zang chilax homtoxle ngokya chaxwannu angkya khunaknu hato tinu mualyemkya apüi; otsao bama kaxho apukkya mix Noa boma hwom mixhuak anüt wüi azang ang tom.

PONGWANG LAIPEX 7:1

Jowanpae Noa ang thüi: “Hünzom kako pangwüi koplaxle khua mongto noplax; chaxwannu tok ma ku mik-hu ma sukya nang tata tix atakle.

PONGWANG LAIPEX 5:24

Chixe chix tsün a Zang füi notom-tusüi ma ngole akai, ifüima chix chingünle sam, chemthüikoxle Zang-e chix tswonle pao.

GALATIA 3:11

Athax a, Wanlom makhange owachu Zang zongto sukya ang achang ang müntom le tsingle laxdaoa, chemthüikoxle Otsao Lai-e thüile: “Mongong makhange Zang zongto sule tüikya mix tix khosünle ozün ma ngoüi.”

PONGWANG LAIPEX 17:1

Chemtue Abram zanglao puli-aku changkya hex, Jowanpa chix hato ngai ilaxle akax: “Ku a Khüthak Zang changpu. Ku kax ma laxlax ilaxle chem supuix ija moklax.

PONGWANG LAIPEX 5:22

Ifüima Inok a Zang füi notom-tusüi ma zanglao 300 tsünlole ngo. Ipongma chix ang mama su-sa hwomchu wüi tüi.

EZEKEL 14:14

Ibu mixsün azom, Noa, Danel, üntoxle Job, hwom a ikhato ngole tüikya. Hwome müile tüikyae hwom tsün tata khosünle changüi.” Jowanpa Khüthak Zang-e ija akaxdaoa.

JOB LAIPEX 1:1

Jople amünkya mixsün tuita tüikya; chix a Uz nok ma ngokya mixsün tuita. Chixe Zang to shwom ilaxle chix to mongong thom. Chix a müikya khünak tuita changkya. Tütali to thaithaxle chibang angkya hanpakma chix tüle khünzai.

PONGWANG LAIPEX 2:4

Haxtsa-zangfang a ibibile iningle zingle alai. Chemtue Jowanpae ding-hi-hax zingle changpuix,

1 PITAR 2:5

Ozün ma tüikya longbu ningle hünzom chix hato hüilaxle, Jisu Khrista makhange Zange pongle koptsuakkya lima chasa tö koxkya khato otsao nguapabu ang achang ang tamchu chasa zangshwom-hom zing angkya to hünzom twon ang laxkox.

HWON-NWOT-JAONO 7:20

Othuithuima chem mokse hex ijaja mok ilaxle thaikya ojao chitüikya khünak chaxwan tok ma müntüi.

WANGSHEMBU MWOT 10:22

Hwome lan: “Kwom a lompa Kornelia mwottsan to hüikya changpu; chix a tuita müikya khünak changle tamchu Zang shwomkya mix changle ilaxlechu Jehudi nok pange wüi chathua zale e-sekya mix changle. Nange akax angkya oli tsai-kax apale kop angkya hanpakma chix hom to nang se angkya Zang kaxtaimix tuitae chix füi akaxdaoa.”

EZEKEL 14:20

Noa, Danel hia Job hwom ema tüikoxlechu:Jowanpa Khüthak Zang, kue akaxpu: hwome masu masa hwom khosünle chang ang ngaxchu müntho. Hwom müikya khoma hwom khang tata azang ang tsuaküi.”

JOB LAIPEX 1:8

Jowanpae atüile thüi: “Nange ku dapa Job ngünhexcha? Chix ningle mongong füikya üntoxle müikya khünak chaxwannu ma owachu müntüi. Chixe ku to shwomle ilaxle tütali thaithaxle chimok angkya hanpakma chix khünzaile tüile.”

ROM NOK HATO ZAKYA POL LAIZA 1:17

Chemthüikoxle Kaxho Müikyae Zange khünaknu chix füi mua amüikya ngaile ahole; owang tokhange oshuk kople ija a mongong makhange tix changüi. Otsao Lai kax ma tüikya ningle: “Mongong makhange Zang füi owa muamüi laxpuix (chix) ozün ma tüile.”

KAXHO MÜIKYA LUK 23:50

Jehudi tinglong angkya Arimathia nok Jusep le amünkya mixsün tuita tüikya. Chix a khünak omüi, achuak achen koxle asule tüikya ilaxle Zang Wangting hüikya tanle ngokya mixsün tuita changkya.

KAXHO MÜIKYA LUK 2:25

Iponge Simeon le amünkya mixpa tuita Jerusalem ma tüikya. Chix a müikya mix tuita, zangshwom ma zongkya üntoxle Israel khosün hanpakma tanle ngokya mix tuita changkya. Otsao Chasa chix ma tüikya.

HABAKUK 2:4

Ilaxle kaxho a ija changle: ‘Opang ochax changlaxpuix ozün ma münngoüi, ikoxlechu opang otsao changlaxpuix hwom ngoüi büthüikoxle hwome Zang to hwom mongong thom.’”

WANWÜNKAX 4:18

Otsao khünakbu ahamkya lomtang a, anyixning ang achangle süzaxzaxle dongkya zanghan dün ningle changpu.

MÜNCHUAK-TSAI 37:37

Müikya hia otsao khünakbu to hulax; somdangkya khünakbu ang sixlibu tüile,

2 PUKAX-PANGAO 15:17

Asa-e chix chaxwan angkya songsari baozangbu to shwomkya onui bakle chiama tho koxlechu, chix a, chix tsüntsün ma Jowanpa to mongong tüikya füi ngo.

PONGWANG LAIPEX 48:15

Ifüima chixe Jusep to mohiman: “Ku apu Abraham hia apa Isak hwome shwomle hüikya Zang, ija naonyi to mohimankox! Anyix kople ku tsünlo-khothole ngo ang tomkya Zang-e hwom to mohimankox!

JOB LAIPEX 12:4

Athax ku zuikhuibue ngaxchu kucha nyile; ku otsao, tsaitox-kaxfekya oli chemchu chitüikoxchu, hwome kucha nyile; ikoxlechu Zang-e ku zangjop to lankya onoxchu tüidaokya.

1 WANGHOMBU 3:6

Solomon-e lan: “Nange ku apa Dawid hato chongkya mongkün ahole hüipu, ilaxle nang dapa, chix a müikya tuita nang kax ma laxle tüikya mix ilaxle otsingtsing füi chix a nang füi nokmüile ngo. Ilaxle anyix chix man ma apünle tüikya chix sasün tuita, chix koxkya füi nange chix hato chongkya tamchu chizakkya mongkün ahole hüipu.

2 PUKAX-PANGAO 25:2

Chixe Jowanpa zongto sukyakya wüi mok, ikoxle zaxkak ashukle mok.

PONGWANG LAIPEX 10:1

Ibu a Noa sasün Shem, Ham, Jafet hwom sixlibu changle. Hwom azom pangwüi ang tinu-mualyemle chang füima su-sabu tüi.

PONGWANG LAIPEX 5:1

Ija a Adam sixli hwom mün zakya changle. (Zang-e khünaknüsa zingpongma, chix hwom chix lailaile zing.

TSAITONG-KAXTONG 18:13

Jowanpa to mongpak-fünthole mongong tüikya füi ngolax.”

2 SAMUEL 22:24

Ku ma thaikya chemchu müntüi chixe awan, chemthüikoxle kue chisule moklaxle ku thai ang chitom.

MÜNCHUAK-TSAI 37:39

Jowanpa otsao khünakbu khosünle kople üntoxle thangnak hüipongma chixe hwom kho-awale kople.