PONGWANG LAIPEX 5:22 - OTSAO BAIBEL (BSI)

²² Ifüima Inok a Zang füi notom-tusüi ma zanglao 300 tsünlole ngo. Ipongma chix ang mama su-sa hwomchu wüi tüi.

PONGWANG LAIPEX 5:22 ပူးပေါင်းရင်းမြစ်များ

1 THESALONIKA 2:12

Zang owae chix wangting hia fuazang süntswon ma hak ang hünzom nyakpuix, chix mong amüi angkya olom ma hünzom tsün ngo angkya bama kwome hünzom ang zong adünpu, mong asompu ilaxle tsyale ngopu.

PONGWANG LAIPEX 17:1

Chemtue Abram zanglao puli-aku changkya hex, Jowanpa chix hato ngai ilaxle akax: “Ku a Khüthak Zang changpu. Ku kax ma laxlax ilaxle chem supuix ija moklax.

KAXHO MÜIKYA LUK 1:6

Jowanpa wanlom hia kaxtombu apale hokhi a Zang miksho ma otsao tsün ngo.

MALAKI 2:6

Hwome oja supuix ija anopu, oja chisupuix ija chianopu. Hwom ku füi notom-wonmüi le ngopu; hwome sukya mwot hwome mokkya tata chichangle, hwome mix ang chuwüi ochax lyenle ngokya zak angkya to asunpu.

PONGWANG LAIPEX 6:9

Ija a Noa pukax changle. Chix ang Shem, Ham üntoxle Jafet le sasün hwom azom tüikya. Chix tsündang khama thaikya chemchu chitüikya khünak mixmüi a Noa chix tata wüi changkya. Chix a Zang füi notom-tusüi ma ngole hüi.

1 JUHAN 1:7

Ikoxle chix chemle zangngai ma tüipuix ilailaile kemchu wüi zangngai ma jangngo thüiba kem tata füi notom ma ngopu, üntoxle chix Hosa Jisu aji makhange ochax pangnu tokya kem tsao ang tomle.

MIKA 6:8

Ile münchang, Jowanpae chem müipuix ija kem hama apuadaoa. Chixe kem angkya laxse tsukya a ija changle: chem supuix ija mok angkya, chithwon mongkün angkya, ilaxle kem Zang füi puinaikya notom-tusüi ma ngo angkya.

MÜNCHUAK-TSAI 116:9

Ikhoma ozün ma tüikya chaxwannu ma ku Jowanpa füi ahampu.

LIWI 26:12

Ku a hünzom füi ngoüi; ku a hünzom Zang changüi ilaxle hünzom a ku khünaknu ang changüi.

KOLOSI 1:10

Ifüima hünzome chix mong amüi angkyakya mokle Jowanpa mongtex ma ngo ang thoüi. Hünzome tsün ma müikya mwot pangnu li mokle alai ilaxle hünzom Zang tsingwankya ma tsongüi.

1 THESALONIKA 4:1

Oshukma tüinaohom, Zang mong amüikya tsün chemle ngoüihex, ija hünzome kwom makhange awanle laxlax. Hünzom ngole hüikya ija changle. Üntoxle athaxchu Jowanpa Jisu münma ifüi sütsexle mok-hüile kwome hünzom zongsaipu.

EFISIA 5:15

Idaile nang chemle ngopuix, ija bama khünkhi lax. Hwon-je chizaikyabu ningle taxngo, ikoxle je-tüi hwonlangkyabu ningle ngolax.

PONGWANG LAIPEX 48:15

Ifüima chixe Jusep to mohiman: “Ku apu Abraham hia apa Isak hwome shwomle hüikya Zang, ija naonyi to mohimankox! Anyix kople ku tsünlo-khothole ngo ang tomkya Zang-e hwom to mohimankox!

PONGWANG LAIPEX 24:40

Chixe lanpu, ‘Jowanpa owa kax ma kue jento laxle hüipuix, chixe nang thoto achale chix kaxtaimix tuita apaolaxle ija mwot tsuakle hüi ang tomüi. Nange ku sa kakonu ang ku khünakbu, kuma-kumix kha angkya, ku apa homkha angkya apüi angkya changle.

KOLOSI 4:5

Hanpak omüi otwon manle, mongong mix chichangkyabu zongto hwon zaile mokkox.

2 KORIN 6:16

Zang shwomkya hom hia chapabu tuita ang chemle achang thoüi? Kem a ozün ma ngokya Zang Zangshwom-Hom changle! Zang chixe alüile akaxle, “Ku khünaknu füi kue ku hom zingüi, üntoxle ku hwom khato ngoüi; Ku a hwom Zang ang achangüi, hwom a ku khünaknu ang achangüi.”

ROM NOK HATO ZAKYA POL LAIZA 8:1

Idaile athax a Khrista ma ngokyabu hanpakma thaile le thüi angkya müntüi.

WANGSHEMBU MWOT 9:31

Ile Jehudi üntoxle Galili tamchu Samaria tokya müimüithombue sikngün apongkya zakle tumüikya hanpak atak. Jowanpa chathua zakya hia Otsao Chasa mongsom ma ngokya füi, hwom khünak huak tsale hüi.

MIKA 4:5

Pangnok jating towüi ma baozang-zang to shwomle ilaxle kam ma laxle, ikoxlechu kwome Jowanpa kwom Zang to othuithuima shwomüi.

AMOS 3:3

Katzua chitüi homtoxle mixhuak anyi tomtomle wünham ang laizai chami?

HOSIA 14:9

Ikhama chem zale tüipuix, jetüi-hwonlangkyabue tsingle naxlaxkox, ilaxle hwome ija mong ma pongle naxkopkox. Jowanpa lomtang a otsing lomtang, ilaxle otsao khünakbu a ija lomtang ma ahamle ozün ma ngoüi, ikoxle hwome ija thajaole tüikya khoma ochax khünakbu a ija ma asuaüi ilaxle atiüi.

TSAITAX-NGAONÜI 1:4

Nang füito ku koplax, ilaxle künyi zuile paohax; ku wanghom ang changlax ilaxle nang nui to ku dünhüi. Künyi shemle mongmüiüi, okhonguile lingüi ilaxle mongkün ma jikjuixle maxle. Sheko hex athüithüie nang to mongkünkya ma abüt angkya müntüi!

MÜNCHUAK-TSAI 128:1

Jowanpa kax ma laxle tüikyabu mohiman, chix kaxtombu ningle ngotsuakkyabu a.

MÜNCHUAK-TSAI 86:11

Nange ku ang chem amokse hex ku hama anwot-anole fahüi, ilaxle chialekya mongong füi kue nang kax ma laxüi; komkaile mongkoxkya füi ku hama nang thotha angkya anwot-anole fahüi.

MÜNCHUAK-TSAI 56:13

chemthüikoxle zikmüt-mangkho tokya ku nangetix sünpu ilaxle ku to lüt ang chitompu. Ikhoma ku Zang womkya ma ahampu, ozün ma tüikyabu to nyankya zangngai ma a.

MÜNCHUAK-TSAI 26:11

Ku hanpakpak a, chem supuix ijatix kue mokpu; ku to chingcha-jaja tüihüi üntoxle khosünle kophüi!

MÜNCHUAK-TSAI 16:8

Jowanpa womle tüikya kue othuithuima awanle; tütaechu ku to sile alox ang müntho, chix a ku zui ma tüile.

2 WANGHOMBU 20:3

“Jowanpa, mongong füi tamchu kax ma laxle nang thothale hüikya ku bama nang mongtex chem hex, ile mok angkya ku azong-afale changkya ibu texle ataklaxmi.” Ilaxle chix a mongmaxle sop ang süt.

1 WANGHOMBU 2:4

Nange chix kax ma laxle jangtüi, hwome mong hia chasa makhange zongbakle ku kax ma laxle tüi angkya bama hwom khünkhikya füi tüile ngokya kople kusix-kuli Israel haxtok ma apün-awangle ngo angkya chixe tsaosaxkya chix tsaotsüt chixe thomüi.

TSAITONG-KAXTONG 28:9

“Hünzome Jowanpa, hünzom Zang kax ma laxle jangtüiba tamchu chix kaxtom pangwüi mokle jangchangba, chixe tsaodaokya ningle, chixe hünzom a chix khünaknu ang zingüi.

TSAITONG-KAXTONG 13:4

Jowanpa mantolax ilaxle chix achuak-achenle changlax; chix kax ma laxlax ilaxle chix kaxtombu thomlax; chix to shwom-to lax ilaxle chix to mongongle tüilax.

TSAITONG-KAXTONG 5:33

Ibu pangwüi kax ma laxlax, ikoxtix hünzom füi pangwüi müile hüiüi ilaxle hünzome kop angkya haxtok ma hünzom jento ngo ang kopüi.

LAIPAO 16:4

Jowanpae Mosa ang thüi: “Athax kue hünzom pangnu hanpak ang süt zangwat ningle ding to khange düt ang tomüi. Khünaknue paolaxle nyixfole ija nyix saxtangtangle tswonle athünüi. Ija ningle hwome ku kaxtombu kax ma laxle changcha ang wanle anoüi.

PONGWANG LAIPEX 5:24

Chixe chix tsün a Zang füi notom-tusüi ma ngole akai, ifüima chix chingünle sam, chemthüikoxle Zang-e chix tswonle pao.

1 KORIN 7:17

Pangnusasa wüi, Zange chix nyakle kop pongma chix chemle tüikya hex, ile Zange chix ang hingho koxkya olom ma ngo angkya changle.

PONGWANG LAIPEX 5:21

Chemtue Inok zanglao 65 nguile hüipuix, chix ang Methuselah le amünle sasün tuita tüi.

PONGWANG LAIPEX 5:23

Ifüima chix zanglao 365 tsünlole ngo.