PONGWANG LAIPEX 41:8 - OTSAO BAIBEL (BSI)

⁸ Ngainop ningle chix ang tüle mongzangwün, ikhoma Ijip chaxwan ma atüitüi jenu-shipa hia tsingpa-wanpabu komkaile sele asox. Chixe hwom hama chix wünmang wünle kox ikoxle owaechu ija kaxming apuale fa-ang chitho.

PONGWANG LAIPEX 41:8 ပူးပေါင်းရင်းမြစ်များ

DANEL 4:7

Ifüima jenu-shipabu, hinghai twonkyabu, opa-nanpa hwom pangwüi ku hato ngui ang tompu; ilaxle kue hwom hama ku wünmang wünle koxpu, ikoxle hwom opupuechu ku hama ija chem hanpak hex wünle fa ang chitho.

LAIPAO 7:22

Ifüima wanghompa hingtwon mixbuechu hwom chajik-muashem tsak-zong makhange ile wüi mokle aho. Ija ngünlaxle wanghompa ang mongtsakle pao. Ija a Jowanpae, wanghompa Mosa hia Arun nyi kax ma chilaxle tüi angkya akaxkya ningle chang.

MATHI 2:1

Wanghom Herod ma apünle ngoponge, Jehudi angkya Bethlehem ma Jisu pux. Ifüi shemle handünchi tokya, lyettsibu bama awankya züita tsingpa-manpabu Jerusalem to ngui üntoxle atüi,

DANEL 4:5

Ikoxle ku jiple ngopongma khompua zadünkya wünmang hia mikngünohün tuita kue ngünle laxpu.

DANEL 1:20

Wanghompa-e tüningkya kax atüi chichangba tüningkya khosam ahüi koxlechu, ibu mixsün hwom ali zongto chemchu chichang chemthüikoxle hwom haxtok angkya jenu-shipabu pangwüi to thombün-thomtsae nüile pangnuli hwome tikle ngo.

ISAIA 29:14

Ikhoma kue hwom to texle chilekya sikngün füi tam füima tamle chabüt-lasün ang tomüi. Opangsa jepa changpule ngopuix ibu ongat ang achangüi, ilaxle hwom tsingtsang chem angchu chichangüi.”

LAIPAO 7:11

Ifüima wanghompa-e chix khünak hing twonmixbu nyak; ibue chuwüi hwom chajik-muashem tsak-zong makhange ija lailaile mokle aho.

DANEL 4:19

Ija ma, Danel, owa ang Belshazzar lechu nyakpuix, chix wün ang chithoüntoxsi le huanuma abüt-abanle changkya khoma zangwün ang chithole chang. Wanghompa-e chix ang thüi: “Belshazzar, ija wünmang hia ija chem hanpakhex, ija zangwüne nang abüt-aban ang taxtom.” Belshazzar-e lan: “Wanghompa, ija wünmang hia ija chem hanpak hex ijae nang to chichangle nang zanpabu to asax-asu le chang koxle müisele kue thütle.

ISAIA 8:19

Ikoxle khünaknue hünzom ang kaxhobu hanpakma, kax atsatle ngokya aje hia o-nan, ibu ma tik to angkya akaxüi. Hwome thüiüi: “Ikhoma khünakbue iningkya kaxhobu paktik ang baozang chasabu füi zangwün angkya ilaxle ozün ma ngokyabu mün ma ziünkyabu füi apong angkya changle.”

LIWI 19:31

“Lwompu hwom füi apongkyabu hato tsaitik-kaxshole chang ang taxpao. Hünzome ile jangmok thüiningle zanglom ma chitsaokya ang changüi. Ku a Jowanpa hünzom Zang changle.

LAIPAO 8:7

Hing twonkya khünakbuechu hwom chajik-muashem tsak-zong makhange Ijip haxtok awangle luk alai.

PONGWANG LAIPEX 40:8

Okhie lan: “Kukhie wünmang tuipong ngünkya changa, ikoxle ija wünmang kaxming apuale fa angkya mix müntüi changa.” Jusep-e thüi: “Wünmang tai angkya a Zang-e tix apuale faüi. Hünkhie ngünkya wünmang ku hama wünhu.”

PONGWANG LAIPEX 40:6

Chemtue Jusep hwom hato swomsa ma nguipuix, chixe hokhi künbüt-mongban ngünle lax.

1 KORIN 1:19

Otsao Lai-e ile akaxle, “Jetüikya khünak süttho-mwotlom, mokle pao ang chikoxle kue abaxüi.”

WANGSHEMBU MWOT 17:18

Züizüi Epikurian üntoxle Stoik le nyakkya nwotmixbuechu chix füi kax ma alan. Züizüie thüi: “Chuja zaman mixe chem wünse le azongkya changkoxpu!” Mamabue thüi: “Chixe mixnok zangbu mo wünle ngokya ningle tüile.” Pol-e, Jisu üntoxle chix chatle azangle zokya mo wünle ngokoxle hwome ija akax.

WANGSHEMBU MWOT 7:22

Chix ang Ijip nok tsailom-kaxlom hia sütlom-mwotlom pangwüi anole kox, ilaxle chix a tsaikax hia sütmwot pangnu lom ma man-ngünkya tuita chongkya mix ang achang.

HABAKUK 3:16

Ijabu pangwüi kue atat, ilaxle ku zale abün; zakyae ku tunpün abün. Ku tsangtsa ma jao-jao zong chitüile chang, ilaxle ku chitong ma chikho thu. Hanpak nguile hüikya thatanle ku dangjale ngoüi kem to single hüikyabu to Zang-e sikangünle changpongma.

DANEL 8:27

Obibi nyix hex ku a mongmale tamchu kakle ngo. Ifüima ku zo ilaxle wanghompa-e ku ang koxle thomkya mwottho to ajong, ikoxlechu ija mikngün-ohüne ku je-apale awüt ilaxle ija chitsingtsuak.

DANEL 7:28

Ija ba angkya zangwün ibibi ma ashukle. Ibu ngünlaxle ku huanuma za ilaxle thün huishole chang, ilaxle kue ibu pangwüi ku hanpakma mong ma akhax-adangle thom.

DANEL 5:11

Nang wangting ma zang chasa füikya khünak tuita tüile. Hünchaxnue apünle ngopongma, ija mixsüne, owawa je-hwon füikya baozangbu ningle tuita müikya olom ahole changpu. Hünchaxnu, wanghompa Nebukadnezar-e chix a jenu-shipa hia opa-nanpa hwom pangnu lompa ang zingle thompu.

ISAIA 19:3

Kue Ijip nok katzua atho ang tomüi ilaxle hwom tutex amale awütüi. Hwome hwom to asun angkya hanpakma hwom chapabu füi hwom to asun angkya kax akaxüi, ilaxle hwom ang mongkho adün fa angkya hanpakma aje-ahing hia lwompu hwom chasabu ma tsaitik-kaxshole changüi.

MÜNCHUAK-TSAI 25:14

Jowanpa a kax ma laxle tüikyabu zuikhui changpu üntoxle chixe chix Tsaotsüt bama hwom füi kaxshing kopkya ang changpu.

LIWI 20:6

“Owawae lwompubu füi apongle ngokyabu hato tsaitik-kaxsho ang paole jangchang, ku chix zan to kaüi ilaxle chix a ku khünak ang münlax.

LAIPAO 9:11

Hing twonmixbu Mosa pomtho to ngui ang chithole chang chemthüikoxle mama Ijip nokbu ningle hwom tochu mak-chake awangle chang.

PONGWANG LAIPEX 41:7

Ifüima shushuta le tüikya tsaxtobue owan müiwüi müile tüikya tsaxtobu jok. Ifüima wanghompa zokoxle ija a wünmang ang achangle bang.

PONGWANG LAIPEX 41:15

Wanghompa-e chix ang thüi: “Kue wünmang tuita ngünle tüile ikoxle ija kaxming owaechu apuale fa ang müntho. Nange wünmangbu tai ang awanle le ku hama wünle fadaoa.”

1 SAMUEL 6:2

khünaknue nguapa hia hingtwon mixbu nyakle thüi: “Jowanpa Tsaotsüt Suak füi kwome chemle hwonüi? Keme ija onui to jangachat thüikoxle a, ija füi tomle kwome chem koxle achatüi?”

DANEL 4:6

Ija wünmang chem hanpak hexle ku hama wünle fatsuak angkya hanpakma Babilon haxtok ma tüikya manmix-tsingmixbu komle ku hato ngui angkya kue kaxtom koxpu.

DANEL 4:18

“Nebukadnezar-e thüi: ‘Kue ngünkya wünmang a ija changpu. Ikoxle Belshazzar, athaxpi ija chem hanpakhex ngaile fahüi. Ku nguakax-wangkhobu owaechu wünle fa ang müntho, ikoxle nange wün ang thoüi, chemthüikoxle zang chasa nang ma tüile.’”

PONGWANG LAIPEX 41:24

Owan chimüikya tsaxtobue owan müikya tsaxtobu jokle ngün. Kue ija wünmang jenu-shipa hia tsingpa-wanpabu pangwüi hama wünle koxpu. Ikoxle hwom opupuechu ija wünmang kaxming apuale fa ang müntho.”