PONGWANG LAIPEX 40:8 - OTSAO BAIBEL (BSI)

⁸ Okhie lan: “Kukhie wünmang tuipong ngünkya changa, ikoxle ija wünmang kaxming apuale fa angkya mix müntüi changa.” Jusep-e thüi: “Wünmang tai angkya a Zang-e tix apuale faüi. Hünkhie ngünkya wünmang ku hama wünhu.”

PONGWANG LAIPEX 40:8 ပူးပေါင်းရင်းမြစ်များ

DANEL 2:47

Ifüima wanghompa-e akax: “Nang Zang ang baozang pangnu tha angkya Zang, wanghombu thak angkya Jowanpa, ilaxle huxsa jali komkaile ngaile ahokya mix changpu. Nange ipongpongkya huxsa zangwün ku hama ngaile apua koxkya ma kue ija tikle laxdaoa.”

DANEL 2:28

Ikoxlechu zangkangting to Zang tuita tüile. Chixe ija huxsa zangwünbu ngaile aho ang tsuakle. Wanghompa, ija a chixe nang hato athax füichi ma chemle chang angkya hex ija ngaile ahole ngokya changpu. Athax kue ija nang wünmang apuale fafang, nange jiple ngopongma ngünkya nang wünmang a.

AMOS 3:7

Khüthak Jowanpae ajebu, chix dabu hato ngaile chiaho kop homtoxle tütali chu münmok.

DANEL 4:8

Ifüima Danel nguile hüi. (Chix ang ku baozang mün ma Belshazzar lechuwüi nyakle.) Otsao zang chasa chix ma tüikya. Kue chix hama ku wünmang wünle kox. Kue chix ang thüi:

DANEL 2:11

Wanghompa, nange atüile ngokya zangwün a huanuma tsakle, idaile khünak füi tomle chingokya baozangbue wüi chichang, ija nang kax to owaechu lan ang münthopu.”

ISAIA 8:19

Ikoxle khünaknue hünzom ang kaxhobu hanpakma, kax atsatle ngokya aje hia o-nan, ibu ma tik to angkya akaxüi. Hwome thüiüi: “Ikhoma khünakbue iningkya kaxhobu paktik ang baozang chasabu füi zangwün angkya ilaxle ozün ma ngokyabu mün ma ziünkyabu füi apong angkya changle.”

MÜNCHUAK-TSAI 25:14

Jowanpa a kax ma laxle tüikyabu zuikhui changpu üntoxle chixe chix Tsaotsüt bama hwom füi kaxshing kopkya ang changpu.

PONGWANG LAIPEX 40:9

Idaile ju-mopae thüi: “Ku wünmang ma ku thüntho ma grep zuriak haxtok tüikya,

JOB LAIPEX 33:23

Zang kaxtaimixbu tüihukya kha angkya, hwom hato hwom mwot aho fa ang, kaxtaimix tuita wüi hüi ang tsuak.

DANEL 2:3

chixe hwom ang thüi: “Kue ngünkya wünmang tuita khoma ku ang huanuma künmax-mongshan ngole. Ija chem hanpakhex kue tikle laxse tsule.”

DANEL 2:27

Danel-e lan: “Wanghompa, nang hama ija wünmang wünle fa angkya jenu-shipa hia opa-nanpa chichangba lyetpu-hanpa owachu müntüi.

DANEL 5:16

Nange huxsa zangwün hia kaxhün-ngaotünbu tai ang tsuakle le kue atat ang kople. Nange ija chakza ele apua ilaxle ija chem hanpak hexle wünle fa ang jangtho, nang ang chongwang hwom nyilo nyikhik awunle koxüi, nang achuak-achenle dingkux ma hun lik alikle koxüi, ilaxle nang a ku wangting ma ku fang ma apünkya mix azom lükya ang achangüi.”

PONGWANG LAIPEX 41:25

Jusep-e wanghompa ang thüi: “Wünmang pangnyi oli tuita hanpakpak wüi changle. Ija a, Zang-e nang füi chemle mok angkya tüipuix, ija apuale fakya changpu.