PONGWANG LAIPEX 4:4 - OTSAO BAIBEL (BSI)

⁴ Abel-e chuwüi chix manzai kha angkya chun oputwang anutkya tuita Jowanpa hato tö apüile kox. Jowanpae Abel hia chixe apüikya tö pongle kop,

PONGWANG LAIPEX 4:4 ပူးပေါင်းရင်းမြစ်များ

IBRI 11:4

Abel-e Kain füi sümüikya Zang ang tö koxkya a mongong makhange changpu. Ija chix mongong khoma Zange chix a otsao khünak changle le lax, chemthüikoxle Zang chix jaoe chixe koxkya tö pongle kop. Chix mongong khoma, chix ziünkoxlechu Abel-e zangwün.

WANWÜNKAX 3:9

Nang haxtok ma puamünkya kha angkya sümüikya Jowanpa ang to apüile koxle makhange chix achuak-achen kox.

LAIPAO 13:12

Chemtue ija haxtok chixe hünzom ang koxüihex, hünzome pongwang ma puxkya olala Jowanpa ang kox angkya changle. Hünzom tsom-pom pongwang ma puxkyakya komle Jowanpa kux changle.

HUAKE LAIPEX 18:17

Ikoxlechu pongwang ma puxkya maihu, chun, zwon, ibu a shakle chat angkya oli münchang; ibu a komkaile ku kux jao, idaile ibu a ku ang tö koxpongma kox angkya oli changpu. Ibu aji a tö-tsap to sakle awütüi ilaxle ozao a süt tö kox angkya ang zokle ashunüi, ija ongan a ku zongto tüle müikya ongan changpu.

IBRI 9:22

Changle, Wanlom ma tüipupule pangnuli wüi aji makhange tix atsaole, ilaxle aji ajenkya chitüi homtoxle ochax thailak fakya müntüi.

MÜNCHUAK-TSAI 20:3

Chixe nange koxkya tö pangwüi pongle naxkopkox, ilaxle nange koxkya töbu füi chix mongzom müikya naxtüikox. Selah

2 PUKAX-PANGAO 7:1

Chemtue wanghompa Solomon-e chix zangjop ashukpuix, zangkangting tokya wün düt ilaxle tö koxkya pangwüi zokle ashun, ilaxle Jowanpa Nguikya zangchangjep wünzunge Zangshwom-Hom awang.

1 PUKAX-PANGAO 21:26

Ikhama chixe tö-tsap tuita zaile alai ilaxle Jowanpa ang zokle ashunkya tö hia notom tusüi tö kox. Chixe zangjop, ilaxle Jowanpa zangkho tokya wün adütle ija tö-tsap ding ma tüikya töbu zokle ashun ang koxkya füi chix zangjop to lan.

1 WANGHOMBU 18:38

Jowanpae wün adüt, ijae tö pangwüi zokle ashun. Ha hia longbu ashunlaxle hax to apüile zokle ashun ilaxle thap angkya ti bakle azop.

LIWI 9:24

Jowanpae allele wün alai, ilaxle zokle ashunkya tö üntoxle tö-tsap angkya müizao zokle ashun. Ibu ngünkya zuma khünaknu akhong ilaxle akhuxle thün khom.

PONGWANG LAIPEX 15:17

Chemtue zanghan dütle zangnakle changpuix, wünkhut füikya wüntik tuita ilaxle wünle füikya wünnyan tuita le ibu müithombu oba makhange le.

MIKNGÜN-OHÜN 13:8

Langkya Chun Hosa kux ang tüikya khüzün laipex ma ding hi hax zingüi thoto wüi mün zale tüikyabu chi-e homtoxle chaxwannu ma ngokya khünak noke ija to shwom angkya changle.

KAXFÜNPA-HWOM 6:21

Ifüima Jowanpa kaxtaimixe chak thüilaxle müi hia an to chix chak ma tüikya kiathox ozae thu. Ija long angkya wün lailaxle ija müi hia an zokle ashun. Ifüima kaxtaimix amuale sam.

HUAKE LAIPEX 18:12

“Israel khünaknue zangfo to ku ang koxkya kha angkya, haxtok ma alailai, sümüimüi kue nang ang koxpu: Olip münga, grep-ti, ilaxle saxziak iningkyabu a.

HUAKE LAIPEX 16:35

Ifüima Jowanpae ajokya wün chuale lai ilaxle ongan müikya tö apüile tüikya 250 khünaknu pangwüi zokle ashun.

1 WANGHOMBU 18:24

Ikoxle Bal ajebue hwom baozang to jopüi ilaxle kue chuwüi Jowanpa to jopüi, ilaxle opupu zangjop to ding tokhange wün adütle lanüihex, chix tix otsingtsing Zang changpu.” Khünaknue ija changkox a le akhong.

PONGWANG LAIPEX 4:3

Hanpak tuita ma Kain-e mae kopkya manzai puamün kha angkya Jowanpa hato tö apüile kox.

HUAKE LAIPEX 16:15

Mosa ang mongtsik ilaxle Jowanpa füi akaxle thüi: “Khünak ibue koxkya tö tütachu pongle taxkop, kue hwom to chemchu thaile chimok; kue hwom kux mantsak tuita ngaxchu chilax.”

1 SAMUEL 15:22

Samuel-e lan: “Jowanpa zongto opupu sümüi: Kax ma laxkya sümüiüi hia tö koxkya wüi sümüiüi? Chun sümüimüi füi tö koxle changkya füi chix kax ma laxle changkya wüi sümüikya changpu.

HWON-NWOT-JAONO 4:4

Büthüikoxle khünaknue tata man ma lüi ang azongle mokpuix, ija kue tsing: ija a hwome ma tomzi ma tüikya tuina to osingkya khoma changle. Ikoxlechu ija ma laxli chemchu chitüi. Ija a tuita zangwin achuakle zikngokya thatha ang changpu.