PONGWANG LAIPEX 4:10 - OTSAO BAIBEL (BSI)

¹⁰ Ifüima Jowanpae thüi: “Nange iningkya khomtsikya mwot büthüikoxle mokpu? Jannong alüi ang nyakle akhong ngokya ningle haxkha tokhange hünnao ajie ku hato akhongle ngole.

PONGWANG LAIPEX 4:10 ပူးပေါင်းရင်းမြစ်များ

IBRI 12:24

Tsaotsüt achongkya Jisu, tamchu Abel aji füi ngaxchu sümüikya tsaosüt aji sakkya hato hünzom ngui.

IBRI 11:4

Abel-e Kain füi sümüikya Zang ang tö koxkya a mongong makhange changpu. Ija chix mongong khoma Zange chix a otsao khünak changle le lax, chemthüikoxle Zang chix jaoe chixe koxkya tö pongle kop. Chix mongong khoma, chix ziünkoxlechu Abel-e zangwün.

ISAIA 5:7

Israel nok a Khüthak Jowanpa haxtok changle; Judah angkya khünaknu a küi angkya zubu changle. Chem müipuix ija moküile chixe hwom to mongong, ikoxle hwom mixe mixmik amütle chang. Chem supuix ija moküile chixe hwom to mongong, ikoxle hwome chakmokle changdaokyabue sukya kaxfün fahüile akhong.

MÜNCHUAK-TSAI 72:14

Mixe afangle thomkya hia chakmok-janlangle changkya chak tokya chixe hwom khosünle kople; chix zongto hwom khüzün a thalix changle.

JAKOP 5:4

Ma haxtok ma thomkyabu ang hünzome owa angchu hingchak mün mafa. Apalax! Nang tsaxzüt hingchak kakyabue akhongkya ozing Zang, Khüthak Jowanpa na to nguidaoa.

MÜNCHUAK-TSAI 9:12

Sikngün apong daokyabu Zang-e texle atakle; hwom sopkya chixe münalak, üntoxle hwom to thaile mokdaokyabu to chixe sikngün fale.

HUAKE LAIPEX 35:33

Hünzome ile jangmok thüiningle, hünzom ngole hüikya haxtok a chitsaokya ang achangpu. Khünak mik amütkya haxtok a okhu-omu ang achangdaoa, idaile mix mik amütkya khünak zikya ma wüi chichang, khünak tuita langdaokya haxtok atsaole zomzing angkya olom chemchu müntüi.

JOB LAIPEX 16:18

O chaxwannu; thaile ku to mokkya ibu pyenle taxthom! Sukya kaxfün hanpakma ku akhongkya dang ang taxtom!

PONGWANG LAIPEX 9:5

Owawa khünak tsün laxle jangchang, kue chix ang sikngün fa angkya changpu. Ilaxle müi ojae khünak khüzün laxle changüihex, kue ija to mik max ang tomle jao sikngün faüi.

MÜNCHUAK-TSAI 50:21

Hünzome ibu pangwüi mokle tsuakpu, ikoxlechu kue chemchu chithüipu; ikhoma hünzome ku chuwüi hünzom lailaile tüipuixle thütpu. Ikoxlechu athax kue hünzom to sa-male changpu ilaxle zangwün hünzom hama ngaithole apua fapu.

LAIPAO 3:7

Ifüima Jowanpae akax: “Kue ku khünakbu Ijip chaxwan to sikngün ashukle ngokya nuzao ngünle laxdaoa, hwom mwot to hu-ang ngokya da humix khoma hwom sople ngokya kue atatdaoa. Hwom sikngün kue awan tomta daoa.

JOB LAIPEX 24:12

Tingnu ma thomzünkyabu hia zik suakyabu akhong, ikoxlechu Zang-e hwom zangjopbu ahaile awüt.

2 WANGHOMBU 9:26

‘Münyix kue Naboth sasün nyi langkya ngünle. Ilaxle kue nang ang ija haxtok ma wüi sikngün apong ang tom angkya tsaosaxle changdaoa.’ Idaile Joram mang kopkox. Jowanpa tsaotsüt changle ngai angkya hanpakma chix mang a Naboth haxtok ma awütkox,”, le Jehu-e kaxtom kox.

JIHUSUA 7:19

Jihusua-e chix füi akax: “Ku sasün, ikhama Jowanpa, Israel nok Zang tunthoma otsingtsing ngailax. Nange chem mokdaopuix, ija ku hama ngaihüi. Nange ku miksho ma pyen ang taxazong.”

PONGWANG LAIPEX 18:20

Ifüima Jowanpae Abraham ang thüi: “Sodom hia Gomorah bama kaxhux-fekya huanuma tüile, ilaxle hwom ochax a huanu changle.

PONGWANG LAIPEX 3:13

Ifüima Jowanpae shekocha ang thüi: “ija ile chemthüikoxle mok?” Shekochae lan: “Ija naxsax ang pue ku dyenkya khoma kue ija saxdaongüna.”

WANGSHEMBU MWOT 5:9

Ifüima Pitar-e she ang thüi: “Nang kakopa hünkhie Zang thwontsing-üihexo le büthüikya to texle koplaxpu? Nang kakopa akhünkya naosünbu ipongkhae kafülom ma tüile, ilaxle nangchu wüi hwome homtho to paile alaiüi!”

WANGSHEMBU MWOT 5:3

Pitar-e chix ang thüi: “Anania, nange ma tuina hangkya ma kopkya ngun ahanle tuilaxle nang mongto bao wang ang tom ilaxle Otsao Chasa büthüikoxle dyenpu?

TSAITONG-KAXTONG 21:1

“Thütba, Jowanpa hünzom Zang-e hünzom ang koxle ngokya haxtok ma khünak tuita a kothofa to langle ang, ilaxle ija owae langpuix hünzome chiawan.

1 SAMUEL 13:11

ikoxle Samuel-e thüi: “Nange ija chem hwon?” Sol-e lan: “Khünaknu a ku dantoxlaxle pao ang süt, ilaxle nguiüihex-o thüikya otu ma nang chingui; ibomachu Filistia nok a Mikmash ma ziakople asox ngotüi.

2 PUKAX-PANGAO 28:9

Oded le amünkya Jowanpa aje tuita Samaria tingnu ma ngole tüikya. Judah nok zandabu koplaxle chatüi Israel süpahibu ija tingnu alop-hax khakha ma chix füi apong. Chixe hwom ang thüi: “Jowanpa, hünzom putong hwom Zang a Judah nok füi mongma laxle hünzom ang lüt ang tompu, ikoxlechu athax a hünzome hwom to chisumüile hwonle ibu mik amütkya chix na to wangle changdaoa.

MÜNCHUAK-TSAI 9:13

O Jowanpa! Ku to chingchalax! Ku zanpabue ku sikangünkya to hule koplax! O Jowanpa! Ozik-omüt tokya ku khosünlax!