PONGWANG LAIPEX 39:7 - OTSAO BAIBEL (BSI)

⁷ Ija jaojaole chix hopupa Potifar kakonue chix to mikzalo le hu ilaxle she füi tomle jip angkya atsang.

PONGWANG LAIPEX 39:7 ပူးပေါင်းရင်းမြစ်များ

2 SAMUEL 13:11

She-e ibu chix ang asütle ngopongma chixe she to künle kop ilaxle thüi: “Lyading to oman!”

2 PITAR 2:14

Hwome chem tochu münhu ikoxle chinunchakkai angkya ziasyen to huwüi; ochax lyensale sungkya hwom mongsung mongtex ma tam münngui tox. Shonaikya khünakbu hwome tsünle amanle. Hwom kün-mongbu a osing nüfux tüi angkya bama anwot-anole thomdaoa. Hwom a Zang thuakzom fangma tüile!

EZEKEL 16:34

Nang a tsangtsa hangkya mixcha malili sa tuita. Nang iningkya mix ang achang angkya owaechu chiatsang. Ija mwot hanpak ang nange otha chikop! Changle, nang a chix lili sa wüi.”

1 JUHAN 2:16

Chemthüikoxle chaxwannu müi-hi-aji mongzalokya, mikzalokya üntoxle tsün ma mongngam tüikya, chaxwannu ma tüikya ibu chemchu Hopa tokhange hüikya münchang ikoxle chaxwannu angkya changle.

MATHI 5:28

Ikoxle athax kue thüipu: owae sheko tuita to mikzalole huüi hex, ija ma wüi chixe she füi mong ma chinunchakkai daoa.

EZEKEL 16:32

Nang a ma kakopa dantoxlaxle mixwün füi chinunchakkaile changkya mixcha tuita ningle changpu.

JOB LAIPEX 31:1

Sheko tuita to mikzalole chihu angkya, kue mong makhange tsaotsütpu.

EZEKEL 16:25

Ipong müikya nangsün nangjo nange haxthom khato linle amapu. Ikhato hüikya khünak pangnusa ang nange ma tsangtsa koxpu, ilaxle nyixfokya to nang a chinunchakkai okho ang ngohompu.

JEREMIA 3:3

Ikhokhoma zang chiwatle zak, ilaxle tümikbu ma ti fuakle chilai. Nang a tsangtsa hangkya mixcha lailaile jao ngünpu; nang ma thünzak ojao chitüi.

WANWÜNKAX 7:13

She-e ija mixsün to künle hüi ilaxle chix füi tun apong. Chix to mik-mik ma tangthole hu ilaxle akax,

WANWÜNKAX 5:9

Nange ile jangchang, amipongma nang ma tüikya achuak-achenkya owawa chak to dongüi, ilaxle nang a ojao chingcha chitüikya khünakbu chak ma tsünpakle paoüi.

WANWÜNKAX 2:16

Tunmüi zangwün makhange nang jikle lax ang azongkya chichang-chizangkya mixchae tsiakya chak to chidütle nange adu ang thoüi;

MÜNCHUAK-TSAI 119:37

Kue chilaxlibu to mongkoxle ngo ang taxtom; nang tsaodaokya ningle nang ku zongto müihüi.

PONGWANG LAIPEX 6:2

züizüi zangkho tokyabue ibu shekobu tüle osün müile ngün, ikhoma hwome mamong atsutsu tuipong tswonle lax.

WANWÜNKAX 1:10

Ku sa, chemtue nang hato thwontsing hüiüihex, ija nop ang taxkox.

WANWÜNKAX 6:26

Lüka mixpa tuitae ankhao tuita koxlaxle tsangtsa hangkya mixcha tuita shakle apüi ang thoüi, ikoxle chinunchakkaikyae chix ma atüitüi komle tsangthom angkya laiüi.