PONGWANG LAIPEX 39:2 - OTSAO BAIBEL (BSI)

² Jowanpa a Jusep füi tüikya ilaxle pangnu lom to chix a tho-lünle chang ang tom. Chix a Ijip nok nwotmix tuita homkha ma ngo.

PONGWANG LAIPEX 39:2 ပူးပေါင်းရင်းမြစ်များ

1 SAMUEL 18:14

ilaxle azankya ma chix-chixe wüi anaole hüi, chemthüikoxle Jowanpa chix füi tüile ngokoxle.

MÜNCHUAK-TSAI 91:15

Chemtue hwome ku nyaküihex, kue hwom to lanüi; chemtue hwom thangnak ma asuüihex, ku a hwom füi tüiüi. Kue hwom azünüi ilaxle hwom achuak-achenüi.

JEREMIA 15:20

Hwom hanpakmale kue nang a khop füi zingkya katuk tuita ningle shingmongle zingüi. Hwome nang zongto tüiüi, ikoxlechu hwome nang to münlüt. Nang khangkho sünle thom angkya hanpakma ku a nang füi womle tüiüi.

PONGWANG LAIPEX 26:28

Hwome thüi: “Kwome Jowanpa nang füi tüile le ngün ang kople; idaile kwome thüipu, kem bama tsaotsüt tuita thomhax ilaxle kwome nang füi Tsaotsüt le changüi.

PONGWANG LAIPEX 21:22

Ipongma Abimelek chix süpahi lompa Fikol füi nguilaxle Abraham ang thüi: “Nange amokmok pangwüi ma Zang nang füi tüile.

ISAIA 43:2

Chemtue hünzom tizukyabu makhange leüihex, ku a hünzom füi tüiüi; hünzom sikngüne hünzom to münalumpu. Chemtue hünzom wün mong makhange leüihex, hünzom to münhuaküi; thwontsing chemningkya hüikoxlechu hünzom to po-nokya müntüiüi.

PONGWANG LAIPEX 26:24

Ija jaja wüi Jowanpa ngailaxle chix füi akax: “Ku a hünpa Abraham Jowanpa changpu. Nang taxza; ku dapa Abraham khoma kue nang to mohiman angkya changle. Nang sixlibu kue tüle pu-tsa ang tomüi.”

ISAIA 41:10

Ojao taxza — Ku a hünzom füi tüile! Ku a hünzom Zang — hünzom a chem ma chu taxabüt! Kue hünzom tsak-zongle zingüi ilaxle asunüi; kue hünzom kho-awaüi ilaxle hünzom khosünüi.

MÜNCHUAK-TSAI 1:3

Ibu a ziaktue chithaile oziak ziak, pünchak otuechu jumle chidütle shuasa zui ma nyemkya pünbu lailai. Hwome mokkya pangnu ma hwom ang tho-lünkya tüi.

PONGWANG LAIPEX 28:15

Mong ma koplax, ku a tütakhatochu nang füi womle tamchu nang kho-awale ngoüi, ilaxle kue nang ija haxtok to chatle chat ang tomüi. Kue nang füi tsaosax daokyabu pangnu changle mahüi tanto kue nang otuechu danle müntox.”

MÜNCHUAK-TSAI 46:11

Khüthak Jowanpa kem füi tüile; Jakop Zang kem khangkhomnui changle. Selah

MÜNCHUAK-TSAI 46:7

Khüthak Jowanpa kem füi tüile; Jakop Zang a kem khangkhomnui changpu. Selah

1 SAMUEL 16:18

Chix to hume ang ngokya khama mixsün tuitae thüi: “Bethlehem to Jesse sasün tüle tsaiman mix tuita tüipu. Chix a tuita mongchen füikya mixchu changpu, chix-sün chix-jo tüle müile. Chix a tuita müikya süpahi tamchu tsai manmix changle. Jowanpa chu chix füi tüile.”

1 SAMUEL 3:19

Ile Samuel tsongle hüikya zuma, Jowanpa a chix füi tüile ngokya ilaxle Samuel-e akaxkax pangwüi changle ngai ang kox.

1 SAMUEL 18:28

Jowanpa a Dawid füi tüikya tamchu sacha Mikal-e chix to tüle mongkünkya Sol-e awanle lax.

1 TIMOTHI 6:1

Zang mün lünle tamchu kwom mün ma owaechu kax chisumüikya chizex angkya kuxma, da ang opang ngolaxpuix, ibue ma hopunu ang chathua za angkya hia achuak achen angkya sukya changle le tex angkya oli changpu.

MATHI 1:23

Otsao Lai Kax a: “Hulax, naocha tuita ma nao tüiüi, ilaxle lükasa tuita puxüi; IMANUEL”, le chix ang nyaküi. (Zang kem khama tüile).

WANGSHEMBU MWOT 8:31

Chixe lan: “owawae ku hama apuale chifa thüikoxle kue chemle awan manüi?” Chixe Filip ang thüi: “Oman ngahüi ilaxle ku füi tomle kanlin dingma ahamhax.”

PONGWANG LAIPEX 21:20

Chix tsongle hüikya füi tomtomle Zang a ija nao füi tüikya; chix a Paran sak-hax faokha to ngo üntoxle müikop-nyaxlo ang thokya müihapmix tuita ang achang.

PONGWANG LAIPEX 39:3

Jusep füi Jowanpa womle tüikya makhange chix mwot pangwüi mohiman ang achangle hüikya hopupae ngün ang kop.

PONGWANG LAIPEX 39:23

Jusep-e humele chang angkya hünlit koxle thomdaokya mwot tütali to chu nyetmixe tamchatle hungo angkya mwot chiatsat. Chemthüikoxle, Jowanpa chix füi tüile ngokya khoma, chixe amokmok mwot pangwüi tsuakle hüi ang tom.

JIHUSUA 6:27

Ikhoma Jowanpa Jihusua füi ngo; ilaxle chix achuak-achenkya münchong chix haxtok pangnu khato wüi zangle paoüi.

2 WANGHOMBU 18:7

Ikhoma Jowanpa a chix füi tüikya ilaxle chix mwottho pangwüi ozalünle le. Chix Asiria chongwangpae apünkya fang ma ngose chitsu ilaxle chix füi alünle ajong.

JIHUSUA 1:5

Jihusua, nang ozün ma ngokya kople owaechu nang to lüt ang münthoüi. Mosa füi chemle ngokyahex, ilailaile ku nang füi ngoüi; kue nang chemtuechu münawüt.

JIHUSUA 1:9

Kue nang füi mongzangwünle tsuak angkya hia mongong tüile chang angkya bama kaxtom fadaokya taxalak. Taxza chichangba mong taxasho; chemthüikoxle, Jowanpa, ku hünzom Zang, nang alele pangnu chito nang füi tüile ngoüi.”

1 PUKAX-PANGAO 9:20

Eliazar sasün Finehas—Jowanpa chix füi naxtüikox! —chix hanpak tuita ma ibu ang mwot adangle hüidaoa.

2 PUKAX-PANGAO 1:1

Dawid sasün Solomon-e Israel wangting shingmongle ziakop ilaxle Jowanpa, chix Zang-e chix to mohiman üntoxle tüle tsak-zongle chang ang tom.