PONGWANG LAIPEX 32:4 - OTSAO BAIBEL (BSI)

⁴ Chixe ibibile wünlaxo lükya tsai-kax apuale chix ang thüi: “Ku, Jakop, nang kaxkax ma laxle tüikya da-e, ku hopunu Esau hato kaxho fapu; ku a Laban hom to ngolaxle athax kople chat ang chitsuakle ngole hüidaoa.

PONGWANG LAIPEX 32:4 ပူးပေါင်းရင်းမြစ်များ

1 PITAR 3:6

Sarah a iningkya mixcha tuita changkya. She-e Abraham kax ma lax ilaxle chix ang hopunu le nyak. Hünzome chem müipuix ija mok üntoxle tüta thuachu chizale jangtüi thüiba, ipongkhae she susabu ang hünzom changle.

KAXHO MÜIKYA LUK 14:11

Chemthüikoxle owae ma alüile achen üihex, chix a ahixkya ang achangüi; üntoxle opange ma alüile ahixkya ang changpuix, hwom achenüi.”

HWON-NWOT-JAONO 10:4

Nang pünpa-chongwang nang füi ma-shixle jangtüi, nange nang mwot danle taxtox; nang dangle jangchang thüiningle zongbakle thaikya ngaxchu alak ang tsuak.

WANWÜNKAX 15:1

Zingmüi kaxlane mongtsik adangle, ikoxle kaxza zongkyae sisile mongtsik alaile.

WANWÜNKAX 6:3

Jangchangba ku sa, nang a ija mixsün chak to tüidaoa, ikoxlechu ikha tokya laile paotsuak angkya olom a ija changle: momle chix ha aloplax, ilaxle nang dan angkya tsaiju-kaxjule changlax.

1 WANGHOMBU 20:32

Ikhoma hwome nyikhwon apong ilaxle hwom dingkux ma zu füi ngüi ilaxle wanghompa Ahap hato nguilaxle thüi: “Nang dapa Benhadad-e nang ma chix khüzün amüt ang taxtomünfale chingcha jupu ta.” Ahap-e lan: “Chix a athaxchu ozün ma wüi tüipia? Müidao, chix a ku zongto tüita-naopa tuita ningle changpu.”

1 SAMUEL 26:17

Sol-e Dawid ding-zak awanle lax ilaxle thüi: “Dawid, kusa, ija nang hia?” Dawid-e lan: “Wanghompa, changle ija ku a.”

LAIPAO 32:22

Arun-e lan: “Ku füi mong taxma; ibu khünakbue ochax lyensale chemtukux mongtsukya tüipuix ija nangechu awan ngopu.

PONGWANG LAIPEX 33:8

Esau-e thüi: “Ami thochima ku füi apongle leünkyabu a chemningkya”? Jakop-e lan: “Ija nang mongjua jox angkya hanpakma changle.”

PONGWANG LAIPEX 32:18

hünzome, ‘Ibu a nang da Jakop kux changle; ibu a chix hopunu Esau hato hingho ang ahüikya changle, ilaxle chixchu kwom füifüi ma hüile tüile’ le lan angkya changle.”

PONGWANG LAIPEX 32:5

Ku ma tsom-pom: mantsakbu, chunbu, zwonbu, üntoxle dabu huanuma tüile. Kue nang chingcha lomle, tüta küntsik-mongmakya taxtüiünfa le tsaiju-kaxjule kaxho ahüi ngopu.”

PONGWANG LAIPEX 27:37

Isak-e lanle thüi: “Kue chix a nang thakma apün ang tomdaoa, ilaxle mama chix honao hwom chuwüi chix da ang naxngokox le koxdaoa; ilaxle osüt-oling füi chix azangle ngo ang kopüihex-ole tsuak füima, ku sa, kue nang hanpak ang chemthüithoüi?”

PONGWANG LAIPEX 27:29

Chaxwan angkya jat-libu hünzom da ang naxchang, ilaxle khünakbu hünzom zongto puinai le naxchang. Hünzome hünzom haxnu-homsabu thakma apün-awangle naxchang, ilaxle hünnu sixli hwom hünzom chitong to akhuxle naxchang. Hünzom to thuakzomle changkyabu thom-mwon le naxchang, ilaxle hünzom ang nomfui le thüikyabu mohiman ang naxchang.”

PONGWANG LAIPEX 23:6

“Alixachong, kwom kax to apahüi. Kwome nang to otsak-ozong tüikya lompa tuita ningle hupu; kwom ma tüikya sümüikya zukting ma nang kakonu akhünlax. Nang kakonu mang akhün angkya hanpakma nang ang zukting kox angkya kwom zongto tuita mongmüi changpu.”

PONGWANG LAIPEX 4:7

Nange mwot changle mokdaokoxba, nang a nyinyole tüise; ikoxle nange chichangchizang mwot mokkya khoma ochax a nang luapox ma zuile tüile. Ijae nang kopsele mongtsukya tüile; ikoxle nange ija to lüt angkya oli changle.”

PONGWANG LAIPEX 31:41

Ledaokya zanglao tsa ku nang hom ma ngole hüipu. Hünsa naocha anyi shak ang kue zanglao 14 nang hom ma nang mwot mokle koxpu, ilaxle zanglao azok a nang müibu to humele ngole hüipu. Ikoxle nange ku ang kox angkya otha othom bün ma lüixchüix le hüipu.

WANWÜNKAX 25:15

Adukya füi mong chingwomle zangwünkyae tuita wanghompa ngaxchu anom-anai ang tsuak, ilaxle tunmüi zangwün füi longtom ashix ang tsuak.

PONGWANG LAIPEX 25:30

Esau-e Jakop ang thüi: “Ku ang ija khikhikya fialo sui shong-fahüi, ku tüle na-jua le maxle.” (Ikhoma chix ang Edom le nyak.)

PONGWANG LAIPEX 33:14

Idaile nang achale chat bang, ikoxle ku a zaze-zazele azuile hüiüihex. Edom ma-alop ma-alople naosom hia müibu füi otsuaktsuak ma ahamle hüilax angpuix.”

PONGWANG LAIPEX 36:8

Esau a Edom nok haxhua nok to ngole hüi.

PONGWANG LAIPEX 36:9

Ibu a, Edom nok putong Esau makhange hüikya chix su-sa hwom changle.

KAXFÜNPA-HWOM 5:4

Jowanpa, chemtue nange Seir haxhuabu dantoxpuix, chemtue nang Edom haxsüt tokya laile changpuix, chaxwan alox, ilaxle ding tokhange zangwat-ti düt. Changle, zangfwombu makhange ti thokle adüt.

ISAIA 21:11

Ija a Edom ba angkya kaxho changle. Owawae ku Edom makhange nyakle thüi: “Zanhumix, zangnak chemtukux kaile leüihex? Ku hama wünhüi ija chemtukux chwonle ashuküihex.”