PONGWANG LAIPEX 3:5 - OTSAO BAIBEL (BSI)

⁵ ikoxle hünzome ija pünziak saxkya füi tomle hünzom ang mikdapüi tamchu omüi-oma awanle Zang lailaile changüile awanpu ilaxle omüi-oma tsingle changüi.”

PONGWANG LAIPEX 3:5 ပူးပေါင်းရင်းမြစ်များ

EZEKEL 28:2

“Ziün angkya khünak, kue chix füi akaxle ngokya kax, Tair nok wanghompa hato hokox: Ongam ahole ngolax, nang ning baozangle dai hix le. Tinue akhople nang a baozang tuita lailaile wanghom tüntong ma thung laxle tüile le nang akaxtüi. Nange baozang changle le atsing koxlax, ikoxle nang a ziün angkya khünak changle, chizi angkya Zang münchang.

2 THESALONIKA 2:4

Chixe zang le athüiüi pangnu füi chichangba shwomkya oli pangnu füi alünüi ilaxle chix hwom pangnu thak tokya ang achangüi. Chix zangshwom-hom to nop ilaxle thungüi üntoxle chix a zang changpu le thüiüi.

PONGWANG LAIPEX 2:17

ikoxle omüi hia oma tsing angkya jepün angkya pünziak chisaxüi; chemthüikoxle ija angkya pünziak saxkya nyix wüi nang thüile ziüi.”

2 KORIN 11:3

Ef to changkya ningle hünzom tochu nakchang ünkoxle ku zamaxle. Pu huanuma atsing ilaxle chixe Ef ochax to adüt. Ilailaile hünzom tutex zia ama ang tsuak, ilaxle hünzom Khrista zongto haxtsao-zangthakya chitüile changüi.

2 KORIN 4:4

Ija chaxwannu angkya baozange, zangnak to hwom khangka je apale thomkya tokhange hwome Kaxho Müikya to mongong ang chitsuak. Zang füi tuita Khrista fuazang bama tüikya Kaxho Müikya makhange hwom to nyanle hüikya zangngai ngün ang chitom le chixe hwom to abax.

WANGSHEMBU MWOT 26:18

Ku tokya mongong makhange hwome ochaxbu thailak ataküi ilaxle Zange zünle kopdaokya khünakbu khama hwom angchu süntswon tüi angkya hanpakma nange hwom ang mik daple kox angkya changle ilaxle zangnak tokya zangngai hato hwom ang mong alüix ang tom angkya changle, üntoxlechu bao zong tokya Zang tsakzong hato ahüi angkya changle.”

MATHI 6:23

Ikoxle nang ang mik chimüiba, nang tsangtsa pangnu kha wüi zangnak to ngoüi; ile nang mong ma tüikya zangngai zangnak tukle jangngo thüikoxle ija zangnak otukuxkya zadün tuita hex?

PONGWANG LAIPEX 3:22

Ifüima Jowanpae thüi: “Hulax, omüi-oma awan ang tsuakle khünak a kem khama tuita ningle changdaoa. Khüzün koxkya pün angkya pünziak hwom lailai to khaile sax ang danlaxle tamchu chizile ngo ang müntom angkya oli changle.”

PONGWANG LAIPEX 3:10

Chixe lan: “Kue tsawat mongto nang nguikya ozing atatlaxle za üntoxle ku a ohua ma tüikya khoma ku lualua to khünle ngopu.”

PONGWANG LAIPEX 3:7

Ifüima hokhi pangnyi ang wüi mikdap, ilaxle hokhi a ohua ma tüikya awanle lax. Okhie fup chak khaile sing ilaxle makeke ma tho.

MIKNGÜN-OHÜN 13:14

Owang pongkya müi thüntho ma ija ang mok ang dankya khomtsik mwotbu mokle ahokya tokhange chaxwannu ma ngokya khünaknu pangwüi dyen. Changlo füi thomzün apongdao koxlechu azangle tüikya müi achuak achenle chix chapa zing angkya ija müie hwom füi akax.

MIKNGÜN-OHÜN 13:4

Chixe ma tsakzong müi ang koxdao koxle pangnue wüi dragon tongshwom. Hwome müichu wüi shwom, ilaxle thüi: “Ija müi ningkya owa tamtüi? Chix füi azan ang owae thoüi?”

DANEL 4:30

chixe thüi: “Hulax Babilon a chemkuxma chongpuix! Ku tsak-zong hia ku janzüi, ku fuazang hia kuzax-kuzangkya aho ang kue ija tingnu a ku pongwün tingnu ang zingpu.”

ISAIA 14:14

Zangfwom ding ma ngalaxle Khüthak Zang ningle chang angkya kax nange akax.

1 WANGHOMBU 22:6

Ikhoma Ahap-e ajebu sele anop. Hwom pangnu athüt koxle 400 khünak changkya, ilaxle hwom ma atüi: “Ku Ramoth tingtak ang chipao hia paoüi?” Hwome thüi: “Singkox, Jowanpae nang ang lüt ang tomüi.”

LAIPAO 20:7

“Ochax lom to ku mün Lünle taxchang; chemthüikoxle Jowanpa, ku hünzom Zang-e chichang-chizang lom to ku mün lünkyabu to sikngün apong ang tomüi.

LAIPAO 5:2

Wanghompa-e atüi: “Jowanpa a owa? Kue büthüikoxle chix kax ma lax üntoxle Israel khünakbu danle apao angkya? Kue Jowanpa mün müntsing; ilaxle kue Israel khünaknu pao ang müntom.” Ile wanghompa ang mongtsak.

DANEL 6:7

Kwom opange nang zangshwom-hom ma thothale tüipuix: alixachongbu, Gowarnorbu, ifang angkya Gowarnorbu, tamchu mama okax-okhobu pangnusae notom laxle: nange noknusae wüi ija kax ma chilaxle chitüi angkya oli kaxtom tuita koxkoxle müi angkya changa lükya zangwün füi kwom nguipu. Hanpak nyix tsübün hanpak mongma khünak owaechu nang ma jukya boma tata ma chichangba owawa baozang ma chemchu ju-lomle chichang angkya nange kaxtom tuita laxkox. Ija kax ma chilaxkya mix owawa jangtüi, chix a mailange awangle tüikya tswomkha to adütüi.

EZEKEL 28:9

Chemtue hwom nang lang ang nguiüihex, ipongmachu nange nang a baozang changpule thüi ang tho ang chami? Chemtue nange nang lang angkya khünakbu füi apongle changüihex, nang a baozang chichangle muakya khünak ang achangüi.

EZEKEL 13:22

“Hünzom kaxthai zangwün makhange müikya khünakbu ang hünzome mong ahik. Ibu a kue mong amase lejao chitsukya khünakbu changle. Ochax khünakbue hwom ochaxbu danle toxlaxle khosün atak angkya hünzome abaxle thom.

MÜNCHUAK-TSAI 12:4

Kwom mong atsutsu kwome akaxle, üntoxle kwom owaechu abax ang müntsuak” ibu zangwünkya tsaichong-kaxbongkyabu tun huxdao.

2 PUKAX-PANGAO 32:15

Ibu lailaile athax a Hezekiah ang hünzom dyenle chang ang taxtom. Chix kax to taxong! Asiria nok chongwangpa chak tokya owa baozangechu owa nokchu khosünle kop ang matho. Ija ningle ija hünzom baozangechu hünzom azün ang münthopu!”

EZEKEL 29:3

Ija a Ijip nok wanghompa füi Jowanpae akaxkya kax changle le thüikox: Nang a shuanu khato jiple ngokya tüle za-adünkya nomwang, ku a nang zanpa changle. Nail shuanu ang nange zingkya. Nangkux changpule nange thüitüi.

EZEKEL 28:12

“Ziün angkya khünak, Tair nok wanghompa-e apong angkya shoma bama soplax. Jowanpa Khüthak Zang-e kue chix füi akax ngokya ija kax chix hato hokox: Onox ma nang a okhonguile tüikya kaxpan ang laxle tüikya. Ipongma nang chemtukux jetüi hwonlangle tamchu osün müile tüikya dai!

PONGWANG LAIPEX 2:9

Osün müikya tamchu oziak sax ang tüle müikya pünziak füikya pün oli pangwüi chixe ikhama nyem ang tom. Tsawat osungkha ma khüzün koxkya pün hia omüi-oma pangwüi awan angkya jepün nyemle tüikya.

KAXFÜNPA-HWOM 3:2

Israel nok, tamnüile chu ojao zan to kale mawankya tsünthombu hanpakma achax-azankya olom anwot-anole fakya olom tuita ang naxchangle tsünthom pangnu hanpak ang chixe ile mok.