PONGWANG LAIPEX 3:16 - OTSAO BAIBEL (BSI)

¹⁶ Mixcha füi chuwüi chixe akax: “Kue nang ang naotüikya zuma sikngün sisile achenüi ilaxle nao ngünkya fuxtsüi-zolitle ngün ang tomüi, ikoxlechu ma kakopa to mongzalokya nang ma tüile ngoüi ilaxle nang a chix fang-fang ma wüi ngoüi.”

PONGWANG LAIPEX 3:16 ပူးပေါင်းရင်းမြစ်များ

TITA 2:5

ibu hanpakma nüchabu zün angkya changle, ikoxletix Zang tokhange hüikya kaxho bama owaechu achaxle zang münwünüi.

KOLOSI 3:18

Kakonubu, hünzome ma kakopabu chak to dankox, chemthüikoxle khristan tuita ningle ija a hünzome mok angkya oli changle.

1 KORIN 11:3

Ikoxle ibibi zangwün olom hünzom pangnue wüi awan kopkoxle müiüile kue mongto thütkya a: Khünak zongma okhang Khrista changle, kakonu zongma okhang a kakopa changle, ilaxle Khrista zongma okhang a Zang changle.

1 TIMOTHI 2:15

Ikoxlechu she puinaile mongong hia mongkün ma tamchu otsao ma ngole jangchang thüikoxle, naosom puxpaikya makhange she sünüi.

1 KORIN 14:34

tusox ma shekobu dangjajale ngo angkya changle. Hwom ang tu ma zangwün ang chitomüi; Jehudi wanlom ma tüikya ningle, hwom ang lompa hünlix chikoxüi.

1 KORIN 7:4

Kakonu tuita a she tsangtsa bama hopupa münchang, ikoxle she kakopa tix changpu; ija lailaile, kakopa tuitachu chix tsangtsa bama hopunu münchang, ikoxle chix kakonu tix changpu.

JUHAN 16:21

Sheko tuita ang naoput wok kak pongma mongtsikle, chemthüikoxle she hato sikngün angkya otu ngangle hüikoxle. Ikoxlechu nao ngünle khangkho zangngai füima, she-e ija sikngün alakle asamüi, ikoxle she-e nao ngün ang kopkya khoma mong mix tüle müiüi.

PONGWANG LAIPEX 4:7

Nange mwot changle mokdaokoxba, nang a nyinyole tüise; ikoxle nange chichangchizang mwot mokkya khoma ochax a nang luapox ma zuile tüile. Ijae nang kopsele mongtsukya tüile; ikoxle nange ija to lüt angkya oli changle.”

JEREMIA 6:24

Jerusalem angkya khünakbue thüi: “Kwome kaxho atatdaoa, ilaxle kwom chakbu a ofai-oshok ang achangdaoa; kwom a sikngün-mongthange sheko tuita nao ngün wok-kake koppupule kople amütdaoa.

HUAKE LAIPEX 30:13

She-e tsaotsütle changdaobachu, moklax chichangba taxmok le thüi angkya a hokakopa füifüi.

1 THESALONIKA 5:3

Otue khünakbue “Pangnu wüi khuakhomle müile tüile”, le thüiüihex, ipong khae allele thama apongle. Sheko tuita hato naongün wokkak allele chemle ngangle hüipuix, ija lailaile ijachu ngangle hüiüi, ilaxle khünakbu azang ang münkopüi.

ESTAR 1:20

Ipong chongkya wangting pangnu khato wüi chemtue ija khuapukya kax atat ang kopüihex, saxpu-luawang hia tuimix-nuakmix chemchu chisüile, kakonubue ma kakopabu to tüle achuak-achenle changüi.”

JEREMIA 22:23

Lebanon tokhange apüikya sedar thamkha to nang kho azangle ngo; ikoxle nang to tsütle kakkya zuma nang a chingcha ashukle changüi, mixnu tuita to nao ngün wok-kak kakkya ningle a.

JEREMIA 13:21

Nange zuikhuile thütle ngokyabue nang to lüt ilaxle nang to apün-adale jangchangba nange chemle thüiüi? Sheko mixnu tuita to nao ngün wok kakpupule nang to kaküi.

ISAIA 21:3

Kue ngünkya mikngün-ohüne ku chabüt-lasün ang tamchu okak ang achangle; ija okak a sheko tuita nao ngün ang kakpupule changle.

ISAIA 13:8

Hwom a huanuma abütüi ilaxle sheko tuitae nao ngün ang kakpupule kakkyae hwom to anaoüi. Hwome tata to za dongle huüi, ilaxle azakkyae hwom thün ma wünchuaüi.

JEREMIA 49:24

Damaska angkya khünaknu ma zong müntüi ilaxle hwom a chasa samle jao awukle pao. Hwom a sheko tuitae nao ngünüi ningle tsütle kakkya hia khosam ma ngo.

JEREMIA 4:31

Kue sopkya ozing tuita atat, mixcha tuita nao ngün ang sopkya zing ningle, mixcha tuitae pongwang lükya nao ngün ang awaokya ningle. Ija a wikha akalaxle zaksyet ang azongle Jerusalem sopkya zing tuita, she chak pünlaxle she-e thüi: “Ku a maxdaoa! Hwom a ku lang ang nguile ngole!”

ISAIA 53:11

Khüzün sikngünle chang füima, chix ma chatle mongsom tüiüi; chixe chix a thabi-juaba to sikngünkya münchangle awanüi. Ku to mongkoxkya da, owa füi ku mongzom müipuix, chixe noknu sikngün hünlit hünüi ilaxle chix khokho ma kue hwom ang thailak tüiüi.

MÜNCHUAK-TSAI 48:6

Sheko mixnu tuita nao ngünüi khakha tüikya ningle, zangchei zangwat khato chunbu to single hüikya ningle,

1 TIMOTHI 2:13

Chemthüikoxle pongwang ma Adam zingpu ifüima tix Ef zingpu.

1 PUKAX-PANGAO 4:9

Jabez le amünkya mixsün tuita tüikya; chix a hwom haxnu homsa khama noke chathua zale tüikya mix changkya. Onue chix ang Jabez, le mün kox, chemthüikoxle chix ngünkya she to tüle kak.