PONGWANG LAIPEX 26:12 - OTSAO BAIBEL (BSI)

¹² Isak-e ija haxtok ma manzai ilaxle ija zangpuapua mawüi, amipongkya to othom hoponge nüile puamün ang kop.

PONGWANG LAIPEX 26:12 ပူးပေါင်းရင်းမြစ်များ

PONGWANG LAIPEX 26:3

Eja chaxwan to nang wünpa tuita ningle ngolax ilaxle ku nang füi tüile. Kue nang to mohimanüi, chemthüikoxle kue nang ang tamchu nangsix-nangli ang haxtok ibu pangwüi kox angkya changle. Ile kue hünpa Abraham füi tsaotsütdaokya ningle mokle wüi shu angkya changle.

MARK 4:8

Ikoxle züizüi a haxwan müikya khato düt; ijabu nyemle tsong ilaxle züizüi ma tsübün pong, puzom pong üntoxlechu hopong le jao oziak tüle dün.”

HWON-NWOT-JAONO 11:6

Nange anopningle tamchu hansongechu küi-thwomle changlax, ikoxlechu ija müile tsongüi hia chitsongüi tamchu mixe küi-thwomkya füi ataxle chimüimüiüi nange müntik.

MÜNCHUAK-TSAI 67:6

Haxtoke ija angkya puamün alaidaoa; Zang, kem Zang-e kem to mohimanle.

PONGWANG LAIPEX 24:35

Ku hopupa to Jowanpae müimamale mohimanle chix a tuita saxpu-luawang ang achangle tüile. Jowanpae chix ang chun zyembu, zwon zyembu, maihu zyembu, khop hia hunbu, dabu sheko hia lükabu, ut hia mantsakbu pangwüi koxle tüile.

PONGWANG LAIPEX 24:1

Athax Abraham a müimamale azuün, ilaxle chixe amokmok pangnusa to Jowanpae mohiman.

1 KORIN 3:6

Kue otsang küipu, Apolo-e opün to tie lipu, ikoxlechu opün tsong ang koxkya a Zang-tix changle.

ZEKARIA 8:12

Hwome mongsom ma manzaile changüi. Hwom zubu ma grep ziaküi, haxtoke saxziak alaiüi, ilaxle zangwat ti okhonguile tüiüi. Ota toxle tüikya kujat kuli khünakbu ang kue ibu mohiman koxüi.

JOB LAIPEX 42:12

Chix tsün owangpongkya to nüile Jowanpa Job to mohiman. Athaxpi Job ang chun jatbün ali, hajat azok ut, hajat anyi maihu, ilaxle hajat tuita mantsak tüikya.

PONGWANG LAIPEX 30:30

Ku hüikya thoma nang tsom-pombu hidaole wüi bangpu, ikoxle ibu müimamale tsale hüidao; iningle ku ahamham pangnu chito Jowanpae nang to mohimanle hüipu. Athaxpi ku angchu ma hanpak ang hu angkya hato nguile hüile.”

MATHI 13:8

Ikoxle züizüi a hax müikya kha to düt; ibu tüle owan müile tsong laxle züizüie hopong, züizüie puzom pong üntoxle züizüie tsübün pongle tsaxtsang dün.”

MÜNCHUAK-TSAI 72:16

Haxtok ma saxziak okhonguile naxtüikox; haxhuabu a sütli-linglie awangle naxtüikox, Lebanon haxtok angkya pünziak-laimobu ninglea. Tingnubu khünak-mixsae awangle naxtüikox, kothofa to fume awangkya ninglea.

MATHI 13:23

Ikoxle owae kaxho atat, ija tsingle lax, ija ningle apuk atsatle changkyabu a, hax müikya khato dütkya tsaxtsang ojapange hopong, puzom pong tamchu tsübün pongle oziak dünpuix, ibu changpu.”

PONGWANG LAIPEX 26:29

Kwome nang to oma chemchu chimokle zingmüi ma pao ang tompu, ilailaile nange chuwüi kwom to oma chemchu taxmok. Athax a Jowanpae nang to mohimankya atsingsho.”

WANWÜNKAX 10:22

Nang hakpa-luapa ang achangkya a Jowanpa mohiman makhange changpu. Azongle mwot mokle changkya tokhange nange sisile tüi-nangkya mix ang achang tsuaküi.

PONGWANG LAIPEX 25:11

Abraham zi füima, Zang-e sasün Isak to mohiman. Isak a “Ku Ngünle laxkya Ozün ma Tüikya Zang Kux Tüküi” zui ma hom-hax zinglaxle ngo.