PONGWANG LAIPEX 22:9 - OTSAO BAIBEL (BSI)

⁹ Chemtue hokhi Zang-e chix hama akaxle koxkya onui to nguipuix, Abraham-e tö-tsap tuita zing ilaxle ija ding ma ha athünle dan. Chixe sasün khakle koplaxle ija tö-tsap angkya ha dingma dan.

PONGWANG LAIPEX 22:9 ပူးပေါင်းရင်းမြစ်များ

JAKOP 2:21

Kem hopu Abraham Zang zongto sukya ang chemle achang? Ija a zomtong ma, sasün Isak tö koxkya chix mwot makhange changle.

1 PITAR 2:24

Kem ochax ma zi üntoxle otsao hanpakma ozün ma ngo angkya kuxma, Khrista-e kem ochax chix tsangtsa ma pünsak hato hünle pao. Hünzom komle müi ang tomkya a chix ma mak-khakya tokhange changpu.

IBRI 9:28

Ija lailaile khünaknu ochaxbu laxlax tox angkya hanpakma Khrista chuwüi tam tokya ma kox. Anyi lükya ma chix ngaiüi, ikoxlechu ochax füikya mwot bama münchang, ikoxle opange chix tanle ngolaxpuix, hwom khosün angkya hanpakma changüi. A

EFISIA 5:2

Khrista-e kem to mongkün ilaxle kem kuxma Zang mongzom amüile chix tsün ongan müile ngankya münga ningle tökya ma kox. Ija lailaile kem tsün a mongküne akox-akomle ngo angkya changle.

GALATIA 3:13

Ikoxle kem khoma othuak ozom ang achang laxle wanlom tokhange apüikya thuakzom chak tokya Khrista-e kem azündaoa; chemthüikoxle Otsao Lai-e thüile: “Owa pün ma ashaüihex chix a Zang thuakzom fangma tüile.”

WANGSHEMBU MWOT 8:32

Chixe ekya Otsao Lai ofong a ija changkya: “Chix a lang ang paokya, chun tuita ningle; omun sexkya ma chingaokya, tuita chun hosa ningle; chixe kaxfa tuita chizex.

MARK 15:1

Swomsae nguakhobu mixpa tüichongbu hia wanlom nwotmixbu füi tamchu nguawangbu füi katzua tsuak. Hwome Jisu to janbüi füi khak laxle Pilat hato apüile kox.

MATHI 27:2

Hwome chix to janbüi füi kha, ilaxle paole Gowarnor Pilat ang kox.

MÜNCHUAK-TSAI 118:27

Jowanpa a Zang changle, chix a kem zongto müile. Hünzom chak ma fummuabu koplaxle, pangpwon owang wang kox ilaxle tö-tsap akhople shonkox.

PONGWANG LAIPEX 12:7

Jowanpa a Abram hato ngaile lai ilaxle chix füi akaxle thüi: “Ija a kue nang su-sabu ang kox angkya haxtok changpu.” Ifüima Abram-e, chix hato ngaile ahokya Jowanpa ang tötsap tuita zingle kox.

PONGWANG LAIPEX 8:20

Ifüima Noa-e Jowanpa ang tötsap tuita tan ilaxle zanglom zom ma tsaokya müi hia o-juxbu kha angkya kop ilaxle ibu tötsap ding ma zokle ashunle tö kox.

PONGWANG LAIPEX 12:8

Ija füima chix haxhua angkya Bethel tingnu zongma handün chikao to pao ilaxle hannopchi ma Bethel üntoxle handünchi ma Ai, ija tingnu anyi zo ma chixe pom zai. Ikhato chixe Jowanpa to shwom ang tö-tsap tuita zing.

PONGWANG LAIPEX 13:18

Ikhoma Abram-e chix pom a Hebron ma Mamre angkya otsao pünnu tong ma zai; ikhama chixe Jowanpa ang tö-tsap tuita zing.

PONGWANG LAIPEX 22:8

Abraham-e lan: “Zang chix jaoe tuita kox angkya changle.” Ilaxle hokhi pangnyi tomtomle ahamle ka.

PONGWANG LAIPEX 22:10

Ifüima chixe sasün lang angkya hanpakma bitlo tswon.

1 WANGHOMBU 18:33

Ifüima chixe tö-tsap ma ha dan, maihupong langlaxle ija omüi a ha dingma dan. Chixe thüi: “Ti tiknu ali awangle apüilax ilaxle tö kox angkya müi hia ha ding to ibu füi lilax.” Hwome ile mok.