PONGWANG LAIPEX 22:3 - OTSAO BAIBEL (BSI)

³ Ofüinop swomsae tö koxkya ma lax angkya hanpakma Abraham-e ha hidaole afox. Chixe ibu chix mantsak ma hünzing laxle, chix füi tomle Isak hia da anyi koplaxle lai. Zang-e chix hama Zang-e apuakya onui alop angkya hanpakma hwom achex.

PONGWANG LAIPEX 22:3 ပူးပေါင်းရင်းမြစ်များ

MÜNCHUAK-TSAI 119:60

Shenle chingo homle nonokhaile ku nang kaxtombu kax ma laxle tüi ang zikpu.

MATHI 10:37

“Owae manu hia mapa to ku khüthak le mongkünüi hex, chix a ku wangshem ang achang koxle münasu; üntoxlechu owae masu masa to ku khüthak le mongkünüi hex, chix ku wangshem ang changkoxle münasu.

KAXHO MÜIKYA LUK 14:26

“Ku hato hüikya owachu, chixe manu mapa, ma kako hia susabu, mana manaobu ilaxle ma to alüile künkya thak to ku to chiluaba, ku wangshem ang achang ang müntho.

GALATIA 1:16

Üntoxle mixnokbu khato chix bama Kaxho Müikya kue apuk-apua angkya hanpakma otue chixe ku hato Hosa ngaile aho ang mongtex azut tsuaklaxpuix, izuma ku zünkax-saikax lom ang owa hatochu chipao,

HWON-NWOT-JAONO 9:10

Nange chem mokpuix ikhama mwot a zongbakle mokkox, chemthüikoxle amalum to mok angkya, ajang angkya, jen-hwon ibu chemchu müntüiüi—ilaxle nang a ikhato paole ngopu.

PONGWANG LAIPEX 21:14

Ofüinop swomsae Abraham-e Hagar ang saxtsom hia müikhwon nyitsong tuita ma ti awangle sholaxle kox. Chixe she sasün she tok ma apütle kox ilaxle apao. She laile pao ilaxle Bersheba sak-hax to samle aham ngo.

PONGWANG LAIPEX 17:23

Ija nyix Abraham-e Zang kax ma laxle chix homkha ma tüikya lüka sühuak pangwüi ang Khwonzüt-Zom zingle kox. Ikhama chix hom ma pux-paikya hia shakle apüikya dabu pangwüi wom.

IBRI 11:8

Zange chix ang koxüihex le tsao saxkya chaxwan to laile pao ang nyak pongma Abraham ang Zang kax ma lax ang tom. Chix ochichi to pao angkya hex opak chitik homtoxle chixe ma chaxwan danle tox.

PONGWANG LAIPEX 22:2

Zang-e thüi: “Nang sasün tuita wüi tüikya, owa to nange tüle mongkünpuix, ija Isak koplax ilaxle Moriah chaxwan to paolax. Ikhato haxnukho oja kue ahoüihex, ikhama ku ang chix tö koxhüi.”

PONGWANG LAIPEX 22:4

Nyix azom lükya to Abraham-e ija onui ochu to ngün.

PONGWANG LAIPEX 22:18

Jat-li pangnusae, kue nangsu-nangsabu to mohimankya ningle hwom tochu mohimanhüi le ku ang thüiüi: ibu a nange ku kaxtom kax ma laxle tüikya khoma changpu.”

JIHUSUA 8:10

Ngainop ningle swomsae zolaxle Jihusua-e süpahibu nyakle asox, ilaxle chix üntoxle Israel nok lompabue ibu to pünzün-wangsaile chang laxle Ai tingnu to ngui.

JIHUSUA 3:1

Ofüinop swomsa ma wüi, Jihusua hia Israel khünaknu kaiwüi zo, Akasia angkya pom dantox, ilaxle Jordan to ngui. Shuanu ta angkya tanle hwom ikhama athong.