PONGWANG LAIPEX 22:2 - OTSAO BAIBEL (BSI)

² Zang-e thüi: “Nang sasün tuita wüi tüikya, owa to nange tüle mongkünpuix, ija Isak koplax ilaxle Moriah chaxwan to paolax. Ikhato haxnukho oja kue ahoüihex, ikhama ku ang chix tö koxhüi.”

PONGWANG LAIPEX 22:2 ပူးပေါင်းရင်းမြစ်များ

JUHAN 3:16

Zange chaxwannu to tüle mongkün laxle chix to ongkya mix chimax le oshuk chitüikya khüzün tsün atak angkya hanpakma chix ang Hosa tuita wüi tüikya chaxwannu ang kox;

ROM NOK HATO ZAKYA POL LAIZA 8:32

Chixe Hosa tomtata ngaxchu chitui le kem ang kox! Chix Hosa ngaxchu kox: chixe mamabu tomning komkaile münfa pia?

IBRI 11:17

Zange chix thwontsingkya zuma, mongong makhange Abrahame sasün Isak tö kox. Abraham a Zange tsaosax daokya mixsün tuita changkya, ikoxlechu chixe sasün tuita wüi tüikya Zang ang tö kox ang achwon.

PONGWANG LAIPEX 22:16

“Kue ku mün ma tsaosaxpu:Jowanpae akax ngopu: kue nang to okhonguile mohimanüi. Nange ile mokkya khoma tamchu hünsa tuita wüi tüikya ku ang kox angkya chiakhexkya khoma,

PONGWANG LAIPEX 17:19

Ikoxlechu Zang thüi: “Ile münchang. Nang kakonu Sarah-e nang ang sasün tuita puxüi. Nange ija nao ang Isak le amün angkya changle. Kue ku Tsaotsüt chix füi tamchu chixsu chixsa hwom füi othuithuima thomüi. Ija a oshuk chitüikya Tsaotsüt changpu.

2 WANGHOMBU 3:27

Ikhoma chixe chix sasün tüichongpa, owae chix man ma wanghom küntong mantswon angkya tüipuix, chix koplaxtoxle pao, ilaxle Moab nok baozang ang chix a tö tuita ang koxle pan angkya zün ma lang. Ija ngünlaxle Israel khünakbu tüle abüt-aban ikhoma hwom ija tingnu angkya anong laxle ma chaxwan to chat.

PONGWANG LAIPEX 22:12

Chixe thüi: “Nao to chak taxmok chichangba tütale chu taxchang. Nange hünsa tuita wüi tüikya chix ang münkoxpu le chiamongkya ngünlaxle athax kue nang ma Zang achuak-achenkya hia chix kax ma laxle tüikya ngünle laxdaoa.”

2 PUKAX-PANGAO 3:1

Solomon hopa, wanghompa Dawid-e Zangshwom-Hom ajong angkya homting to achale wüi humele tox. Ija onui a Jerusalem angkya Moriah Haxnu ma, Dawid füi Jowanpa apongkya kha ma changkya. Ikha a Jebu sün Araunah-e chix tsaxnaknui ang laxle ngokya kha.

KAXFÜNPA-HWOM 11:39

Lyetjang anyi füima she hopa hato chatle ngui. Chixe chemle Jowanpa füi tsaotsütle changdaopuix ile mok, ilaxle she a naocha ma wüi zi. Gilid angkya Jefthah sasün sacha hanpakma faoto paolaxle zanglao to nyix ali pong

KAXFÜNPA-HWOM 11:31

chemtue ku zan to lütlaxle chatüihex, ku homkha angkya khünak pongwang ma ku füi apong ang laile hüikya mixhuak kue nang ang tö tuita ang koxüi.”

PONGWANG LAIPEX 21:12

Ikoxle Zang-e Abraham ang thüi: “Nang dacha Hagar hia naosa nyi bama ojao taxaban. Sarah-e chem akaxpuix ija moklax, chemthüikoxle kue nang ang tsaodaokya sixlibu a Isak makhange tix atak angkya changle.

ROM NOK HATO ZAKYA POL LAIZA 5:8

Ikoxle kem to itukux künle lükya Zang mongkün chixe kem hama ahodao; ija a kem ochax ma wüi ngotanto Khrista kem hanpakma zikya changle.

MIKA 6:7

Kue chix hato chun hajat-hajat chichangba shuasa ningle olip münga laxlaxle nguiüi hia? Ku ochax tsangthom ang kue chix a kusa somwang nao koxüi hia?

PONGWANG LAIPEX 8:20

Ifüima Noa-e Jowanpa ang tötsap tuita tan ilaxle zanglom zom ma tsaokya müi hia o-juxbu kha angkya kop ilaxle ibu tötsap ding ma zokle ashunle tö kox.

PONGWANG LAIPEX 22:3

Ofüinop swomsae tö koxkya ma lax angkya hanpakma Abraham-e ha hidaole afox. Chixe ibu chix mantsak ma hünzing laxle, chix füi tomle Isak hia da anyi koplaxle lai. Zang-e chix hama Zang-e apuakya onui alop angkya hanpakma hwom achex.

PONGWANG LAIPEX 22:9

Chemtue hokhi Zang-e chix hama akaxle koxkya onui to nguipuix, Abraham-e tö-tsap tuita zing ilaxle ija ding ma ha athünle dan. Chixe sasün khakle koplaxle ija tö-tsap angkya ha dingma dan.

PONGWANG LAIPEX 21:3

Abraham-e chix ang Isak le mün kox.